2015年3月14日：白色情人節＋影大肚相＋西貢BBQ

今日係白色情人節＋BB仲有2個月就出世，我專登選呢日黎影大肚相。

訓醒執好個樣後，就同豬公帶齊BB既髮夾同鞋仔就出門。

等車期間，又黎料啦，個人突然好累，眼前既野突然黑左，成個人軟晒。

豬公帶我坐低後，係咁問我野，我只係聽到，無辨法應到佢。

無咩事後，我地繼續等車出去食野（冬蔭公公）。

大約2點就坐車入西貢，2點半左右就到西貢獅子會自然教育中心，攝影師同佢太太都到左等我地。

果到環境好靚，只係行得辛苦少少。

天氣雖然天陰陰，仲有毛毛雨，但攝影師都影得好靚，影到好似陽光普照咁，哈哈。

影完相，同豬公去左西貢中心附近食左個下午茶。

再行去叔叔屋企BBQ慶祝3月份生日既屋企人。

今日好開心，影靚相＋同親戚慶祝3月份生日既壽星女（姑姐同表姐）。