今日好開心參與到《憲法》與《基本法》親子工作坊，我地用左短短1個半鐘既時間，玩左差唔多全場既活動。
剛到會場，剛剛好正在派發下午5:30「光影創作配搭」工作坊既籌。
（留意每節工作坊名額為12名小朋友）
入到工作坊場地，大會提供1塊發光既板、顏色筆、畫紙，仲會有2張有關《憲法》與《基本法》既問題咭俾小朋友答。
係光影配搭下，繪畫出自己的畫作，讓小朋友們發揮佢地既創意。
「光影創作配搭」完成後，除左有自己既獨1無2既畫作，仲送左3本「齊齊認識《基本法》」既1-3冊圖書，同埋顏色筆。
完左「光影創作配搭」，接住落黎係最後1場既「小小創意飛鳥」工作坊。
（完成作品）
「小小創意飛鳥」完成後，除左有自己既獨1無2既飛鳥，仲送左3本「齊齊認識《基本法》」既1-3冊圖書，同埋顏色筆。
接住落黎就係去「懷舊玩具店」到玩童年回憶既小遊戲同扭閃咭。
我地得到4張閃咭，唔知1套有幾多款呢？
（閃咭既左上角仲有「剪，揼」既圖案，羊咩女又多個小玩意啦。）
轉１轉位置就黎到「曉曉戲院」睇最後1場既《憲法》與《基本法》互動劇場。
（小朋友好專心咁聽故事。）
聽故事之餘，仲有小遊戲玩。
玩完遊戲既小朋友仲可以得到「漲卜卜」貼紙。
羊咩女超鍾意。
聽完故事，仲會派禮物同埋有貓頭鷹博士出黎同我地影相。
呢個活動既禮物，係1個文具禮物＋1盒3枝不銹鋼飲管。
1盒3枝不銹鋼飲管，真係好實用又環保。
（戰利品）
今次活動真係值得1去，禮物豐富，仲可以認識有關資料。
活動日期：2019年3月16日（六）至3月17日（日）
開放時間：上午11點至下午7點
好好把握聽日既機會啦！！
沒有留言:
張貼留言