2017年8月10日：終於改到英文名啦！

2017年8月10日：終於改到英文名啦！

羊咩女出世830日。

由於羊咩女將會係下星期返N班，將來讀書都要用，所以係時候要幫佢改個英文名。
我同豬公都想改個同個名接近，又要有意思，所以我都花左唔少時間做呢件事。
搵過唔少改英文名既網頁，終於俾我搵到個唔錯既網頁，值得介紹俾大家。

Names Look (https://www.nameslook.com/)入面唔似得普遍性既網頁咁，得第1個英文字開頭俾你選擇，呢到有再多1個選擇。
佢亦會建議1啲同剛才搵過相關既英文名。
仲有1樣野我幾鍾意既，就係"Your Favorite Names"呢個功能。
可以將我有興趣既名放埋1齊，方便自己慢慢考慮。

2017年3月9日：迷你便利廁所VS 2-in-1 Foldable Potty(兩用摺合便攜廁所)

2017年3月9日：迷你便利廁所VS 2-in-1 Foldable Potty(兩用摺合便攜廁所)

羊咩女已經22個月啦，係日間活動時間可以唔使用片。
就係因為大個女，佢就唔想用片片，要坐Potty。

我地正準備6月去旅行，但羊咩女始終都算係1個剛剛戒片既小朋友。
我唔放心佢唔著片時，又未搵到廁所，令旅程無時無刻提心吊膽。

前排逛商場時，俾我發現到「迷你便利廁所」，果刻先知有呢個恩物。
即時影相記低，搵下相關資料（哈哈，因我仲未想像到女仔點用呢舊野），再等旅行前先去掃貨。

今日，我執屋企啲BB展拎既Catalog，發現到另1個便攜廁所，2-in-1 Foldable Potty(兩用摺合便攜廁所)。
剛剛睇左佢地既示範短片，仲更加吸引。
呢個設計同Potty1樣，唔會有太大分別，羊咩女應該會容易接受。

示範片段：
https://www.youtube.com/watch?v=obhE8psHqVA
http://potette.com/