2015年3月18日：迎新禮物

琴晚專登聽完講座後，同豬公1齊返自己屋企。
最主要都係返去餵下2隻龜龜，同埋開信箱睇下有冇郵件要拎。

今日訓醒都3點啦，我依家同豬真係無咩分別，唔係食，就係訓＝。＝
之後去左麥記食左個豬柳包＋杯水就當1餐，呢個大肚婆真係唔健康＝Ａ＝
跟住就坐車去郵局拎左2份迎新郵件（雀巢＋HUGGIES），雀巢果份都幾豐富下（環保袋＋優惠券＋口水肩＋紗巾＋米糊），HUGGIES果份就好有心思（心意咭＋燙畫貼＋尿片＋優惠券）。

返到娘家，收到上星期6影大肚相既光碟。
好開心，啲相影得好好，仲要咁快手寄到俾我。^^

2015年2月14日：情人節

今日係情人節，同豬公1齊行去郵局到拎郵件。
Kee...我之前係網上睇中既機套送到黎啦，豬公出錢買，又係情人節拎到貨，算係情人節禮物啦。

坐巴士出港島過節，我地去左香港公園（呼吸新鮮空氣）—＞溫室（欣賞花草）—＞香港茶具文物館睇展覽（30周年展出珍貴紫砂茶具＋從豆奶到普洱）—＞北角油街既油街實現Oil睇展覽—＞維園行花市—＞灣仔永豐街既囍宴拎蘿蔔糕＋年糕—＞坐車返屋企。
1日既行程好豐富。