2015年3月18日：迎新禮物

琴晚專登聽完講座後，同豬公1齊返自己屋企。
最主要都係返去餵下2隻龜龜，同埋開信箱睇下有冇郵件要拎。

今日訓醒都3點啦，我依家同豬真係無咩分別，唔係食，就係訓＝。＝
之後去左麥記食左個豬柳包＋杯水就當1餐，呢個大肚婆真係唔健康＝Ａ＝
跟住就坐車去郵局拎左2份迎新郵件（雀巢＋HUGGIES），雀巢果份都幾豐富下（環保袋＋優惠券＋口水肩＋紗巾＋米糊），HUGGIES果份就好有心思（心意咭＋燙畫貼＋尿片＋優惠券）。

返到娘家，收到上星期6影大肚相既光碟。
好開心，啲相影得好好，仲要咁快手寄到俾我。^^

2015年1月10日：今日既行程好充實

今日既行程好充實，訓醒食左碗（東尼粟米片）＋益力多，之後就急急腳坐MTR出尖沙咀。

今日約左豬公啲朋友仔食Lunch，我地1行5人去左iSQUARE到6樓食上海婆婆。

食飽後，轉戰去左附近間麥記飲野＋傾計。
今日試飲左（小鹿布朗尼熱朱古力），可能自己唔太鍾意朱古力，覺得杯野麻麻地，大約6點半就各自散Lu。

之後坐車去坑口食烚烚下，我親愛既表妹返黎香港啦。

佢係韓國交流左大約5個月，前幾日先回港。

佢帶左唔少食得既手信返黎，好開心啊，又有得食。

我地瘋癲完都11點幾啦，要趕車返屋企。

打好呢篇文章後，好好處理埋D野，就要休息。