2015年6月17日：搵酒樓搞百日宴

今日開始搵酒樓搞百日宴D野，到最後選左結婚果間酒樓既集團，皇上皇集團。
我地選左尖沙咀北京道1號9樓帝廷酒家搞百日宴，個場都幾靚嫁，再選埋快高長大套餐，價錢都算抵，聽日會出去落訂。

2015年4月3日：舒舒服服悠閒1日

今日係復活節假既第1日，豬公難得放假，都無得訓得耐（原因係我肚餓，成晚訓唔著，好早叫醒佢，可憐T.T）。
我選左去美心小品到食早餐，食左個All Day Breakfast $48+ Sausage Potato $32+ Mocha $4+ Fruit Iced Tea $19= $103，對於我呢個有左BB既孕婦+個正常男人黎講，呢餐真係貴價唔飽既早餐。
哈哈。

食飽後，我就可以唔使餓住個肚，訓返個晏覺啦。

今日我媽咪返左大陸去探佢既老媽子，我地既晚餐要自己搞掂。
我+豬公+爸爸+妹妹去左樓下間酒樓食飯，點左啲家常小菜黎食。
呢間野真係好唔掂，完全難食到想嘔咁濟，食幾啖飯就走。