2015年9月18日：為何滿月酒百日宴要吃紅雞蛋？

為何滿月酒百日宴要吃紅雞蛋？

西方：
西方的復活蛋和生日蛋糕都是以蛋的意思出發，因雞蛋剛從母雞體內生出來，有誕生新生之意。
因此我們於滿月宴或百日宴上吃紅雞蛋亦有此涵義。

中國：
按中國的習俗，嬰兒出生之後，父親會第一時間去外母家報喜，報喜前先要準備塗上紅色的雞蛋。
若是男孩，便會帶6隻或8隻，並在雞蛋的一端點上一個黑點，表示大喜；
若是女孩，則要送5或7隻，但不點黑點，表示小喜。

資料來源：
稻香集團

2015年6月17日：搵酒樓搞百日宴

今日開始搵酒樓搞百日宴D野，到最後選左結婚果間酒樓既集團，皇上皇集團。
我地選左尖沙咀北京道1號9樓帝廷酒家搞百日宴，個場都幾靚嫁，再選埋快高長大套餐，價錢都算抵，聽日會出去落訂。

2015年5月10日：我既第1個母親節

2015年5月10日，我既第1個母親節。

我既母親節禮物係BB出院，醫生話BB既黃疸指數係203度可以出院。
今日同房既大部份BB都係呢1日出院，相信係好多媽咪收到最開心既禮物。

今日有好多人黎探BB，我既家人、姑姐、奶奶……
探BB係1件開心既事，但我都想屋企人明白，我剛剛生院BB唔夠1個星期，我同BB都需要休息。
BB連名都未起好，就不停問我百日宴幾時搞？係邊到搞百日宴？擺幾多圍？
我果刻真係好唔開心，每日為BB既黃疸煩惱，BB又要食得密食得多痾得多，每日都唔夠訓，而家仲要煩百日宴。
希望將準備做嫲嫲同婆婆既人會明白產婦既煩惱同需要。