顯示具有 BB 標籤的文章。 顯示所有文章
顯示具有 BB 標籤的文章。 顯示所有文章

2019年3月14日 星期四

20190314:【媽媽分享】未買嘅要留意 5樣唔實用BB產品@Baby-Kingdom

20190314:【媽媽分享】未買嘅要留意 5樣唔實用BB產品@Baby-Kingdom

1. 放大鏡指甲鉗
2. 濕紙巾加熱器
3. 學步車
4. 防跌枕
5. 沖涼網

資料來源:
https://www.baby-kingdom.com/%E8%82%B2%E5%85%92%E6%88%90%E9%95%B7/%E8%82%B2%E5%85%92%E5%A5%BD%E7%89%A9/%E3%80%90%E5%AA%BD%E5%AA%BD%E5%88%86%E4%BA%AB%E3%80%91%E6%9C%AA%E8%B2%B7%E5%98%85%E8%A6%81%E7%95%99%E6%84%8F5%E6%A8%A3%E5%94%94%E5%AF%A6%E7%94%A8BB%E7%94%A2%E5%93%81-163609

----------


【媽媽分享】未買嘅要留意 5樣唔實用BB產品

2019-03-14 13.4K


唯妹就嚟出世,又係時候要入貨。睇返買過俾唯b嘅用品,同埋集合呢幾年聽嘅評語,個人認為有幾樣產品係可以唔使買嘅,同大家分享一下
1. 放大鏡指甲鉗
陪月姨姨、我同唯爸都一致認為個放大鏡喺度係阻住嘅,放到咁大其實好難睇,比冇放大鏡仲危險啲。所以我哋由唯b初生已棄用,改用嬰兒剪刀,冇咁利,剪住隻迷你手指甲仔,新手爸媽都易控制啲。
2. 濕紙巾加熱器
我冇買呢樣,但我聽身邊所有買過嘅親戚朋友都話好後悔買咗,因為其實濕紙巾又唔係真係好凍,同埋我哋抹pat pat都係用棉花多,咁用暖水濕棉花就可以喇,唔使買部機。
喺屋企我都好少用濕紙巾幫唯b抹pat pat,因為濕紙巾唔係100%純水,有其他物質,長期用對皮膚都唔太好,尤其是初生bb嘅皮膚咁幼嫩,多用天然產品好啲。初時我哋都係每次用就拎個盆裝暖水,再濕啲乾棉花抹pat pat,但之後想方便大家,就喺$12店買咗呢個膠盒,放一大疊乾棉花入去,加食水,等啲棉花慢慢吸水後,用力壓走多餘嘅水份就得,用法就好似濕紙巾咁,每次取一片。
3. 學步車
買過一部學步車俾唯b,佢嘅興趣不大,而且未學識行嘅幼兒推住果部車係未必識平衡,反而無助學行。佢識行絕對唔係靠部車,其實只要有圍欄,佢就會扶住慢慢企起身,再慢慢學行。
4. 防跌枕
(網上圖片)
防跌枕目的係防止bb向後跌撞到後腦,不過bb係唔會咁聽話一跌就只向後跌,佢哋跌嘅方向可以係向係左/右/前/後,所以如果係初學企同行,俾佢留喺軟墊上,跌都唔怕撞擊後腦,好過要佢揹住個枕頭嘛。
5. 沖涼網
(網上圖片)
本身我都以為同初生唯b沖涼會用到,但其實有個網喺度,係更加阻礙沖涼。首先,我唔會放個bb自己一個瞓喺網度(好似啲廣告相咁),因為佢個身要浸住少少暖水先唔凍;第二,有個網喺度,我幫佢轉身洗背嘅話,要抱住佢嘅同時又要拎走個網,唔方便。所以,我只係用過一次咁多。
每件產品嘅出現當然都有佢嘅用途嘅,而以上都只係我個人同身邊親友嘅意見,唔係話以上嘅產品完全冇用,只係可以用其他嘢代替或甚至慳返,希望幫大家慳返少少錢同位啦
​​​
Please like our Facebook Page: https://www.facebook.com/weplaynlearn/

Follow us on our Instagram:http://www.instagram.com/kly.chu



2018年7月12日 星期四

20180712:《BB來了》賺盡媽媽眼淚8大感動+共鳴位逐個睇@SundayKiss

20180712:《BB來了》賺盡媽媽眼淚8大感動+共鳴位逐個睇@SundayKiss

大部份既感動+共鳴位都經歷過,所以每次睇《BB來了》,都好似睇返3年前既自己,眼淚在心裡流。

資料來源:
https://www.sundaykiss.com/312144/uncategorized/bb%E4%BE%86%E4%BA%86-%E7%AC%AC%E4%B8%89%E9%9B%86-%E6%84%9F%E5%8B%95%E4%BD%8D-%E5%85%B1%E9%B3%B4%E4%BD%8D/2/
--------------------


《BB來了》賺盡媽媽眼淚 8大感動+共鳴位逐個睇
on July 12, 2018 at 6:26 pm
TVB劇集《BB來了》開播以來贏盡口碑,除了劇情寫實,深得媽媽心外,劇中女主角李佳芯演技更收放自如,不少媽媽都大讚她「未做過媽媽都做得咁似」,加上有一眾好戲之人的精彩演出,難怪會如此受歡迎!
撰文:CMY|圖片來源:TVB《BB來了》劇集截圖
《BB來了》賺盡媽媽眼淚 8大感動+共鳴位逐個睇
昨晚播出《BB來了》的第三集,很多觀眾都直言「睇到眼濕濕」,原來恬兒(李佳芯飾)和丈夫(黎諾懿飾)的愛情結晶品終於出生了,看著二人對著女兒溺愛的眼神,令很多爸媽回憶起初為人父、人母的喜悅,甜在心中。
感動位(一):BB來了
萬眾期待的BB終於來了!由意外懷孕開始,恬兒由不安、焦慮漸漸變成期待,BB在媽媽肚內的10個月,彼此血脈相連的感覺相信媽媽最能感受得到!終於可以見面了,初次見到BB的恬兒喜極而泣,場面非常感人,看得觀眾都流下淚來。
孩子永遠都是爸媽心中的小天使。
男人當上了爸爸,自然責任重大。
感動位(二):丈夫細心為太太抹汗
媽媽在產後因為荷爾蒙的流失會變得容易出汗,每次起牀都會大汗淋漓,假如沒有好好處理,便很容易會生病。《BB來了》中,恬兒產後匆匆睡了數小時,起來第一件事就是想見BB,細心的丈夫生怕太太著涼,便主動用薑水替恬兒抹身,看得一班媽媽頓時變「心心眼」。
感動位(三):丈夫替太太討回公道
恬兒在產前無故「見紅」,因胎盤剝離需要緊急開刀,無法順產,恬兒因此不斷怪責自己,認為是自己沒法好好保護BB才會出現意外。胎兒出現問題,最擔心的一定是媽媽,可是野蠻奶奶(盧宛茵飾)竟不顧產婦的情況,到病房去大師問罪,教訓新抱,令恬兒大受打擊。幸好丈夫出言替恬兒出頭,並要求母親馬上離開病房,讓太太休息,Man爆!
這場戲令網民大讚李佳芯演技大爆發,完全可以演出產後媽媽那一種時而開心、時而痛苦的複雜心情。
有丈夫如此維護自己,就算多辛苦也是值得。
這一幕看得觀眾「拍爛手掌」!
在《BB來了》中,除了感動位,此劇最大的特式就是夠貼地、寫實,把婦產病房內一切「不為人知」的情況原原本本展現出來,引起一眾新手媽媽的共鳴!
共鳴位(一):喪屍出籠
無論是順產還是開刀,剛生完孩子的媽媽都會出現下體、傷口疼痛,就連行路都變得「步步為營」,生怕動作太大就會令傷口爆開。因為在產科病房的走廊中,會見到一群像喪屍的媽媽走來走去,非常搞笑!
共鳴位(二):排排坐,學哺乳
當上媽媽後的第一件事,當然是要學習如何餵BB吃母乳!不過一天有那麼多產婦,醫院當然不夠人手逐個教導,因此就會出現「哺乳班」,一班媽媽排排坐,學習正確的餵奶姿態。
共鳴位(三):咬毛巾
開完刀的產婦因為腸功能還未恢復,所以有手術後的12小時都不能進食,否則會影響排氣。可是在《BB來了》,恬兒產後非常口乾卻不能喝水,父親只好將代茶倒在毛巾上,讓她「濕濕口」,暫時紓解口乾之苦。
共鳴位(四):加入媽媽谷
「媽媽谷」(媽媽Group)是每位媽媽必入的群組,除了可以互相打氣外,還可以交換情報,例如尿片、奶粉大減價等。各式各樣的媽媽谷不時會定期聚會,準媽媽們可以互吐苦水,互相交流,堪稱是媽媽界最有影響力的群組!
「三個女人一個墟」,更何況是一群女人!
加入媽媽谷另一大好處就是知已知彼!
共鳴位(五):為BB改變自己
在《BB來了》,恬兒本來是個愛美、追求潮流的事業型女性,不過自從懷孕後,便開始多留意不同育兒知識,把所有名牌、旅行機會通通視如浮雲。有一話女人懷孕後就會變得「母愛爆棚」,事事以孩子為先,果然沒錯!




2018年4月30日 星期一

20180430:頭頂起瘤愈幫愈忙@motherhood by 媽媽護士長

20180430:頭頂起瘤愈幫愈忙@motherhood by 媽媽護士長

羊咩女經常同我1齊係大人床訓覺,羊咩女前排訓覺好似打風咁,點知……

月頭(2018/4/3),大家正在熟睡中,佢竟然可以反身、反身、再反身,跨過我對腳跌左出去。
撞到既位置即時送左幢「樓」俾佢,當時既我只知道唔好按幢「樓」,做到既只係抱抱佢,同埋檢查撞到既位置。

呢1跌,佢自己都驚左,要求訓BB床。
而我同豬公終於都可以輕鬆咁訓,唔使迫,又唔使擔心壓到佢。
對大家都算係好事黎既。

今日睇到呢篇文,發現原來我當時可以再做好少少,用冰袋冷敷腫起既位置。
點都好,都唔希望再發生。

資料來源:
https://www.shemom.com/motherhood/2018/04/%E5%AA%BD%E5%AA%BD%E8%AD%B7%E5%A3%AB%E9%95%B7%EF%BD%9C%E9%A0%AD%E9%A0%82%E8%B5%B7%E7%98%A4%E6%84%88%E5%B9%AB%E6%84%88%E5%BF%99/

----------

媽媽護士長|頭頂起瘤愈幫愈忙

小朋友由學會行路開始,少不免會跌倒或撞到。到了更大一點也更貪玩時,在家裡或是遊樂場跑跑跳跳,也總是會東碰西撞。有時頭部撞上硬物起了個瘤,難免叫家長心疼無比。然而起了個瘤,有些你以為是正確的處理方法,可能會令小朋友傷上加傷!
媽媽護士長|頭頂起瘤愈幫愈忙
最常見的做法,就好像大人撞瘀了身體,便立即用力搓下去,期望令他可以立即消腫,其實這是大錯特錯。

切忌即時按摩企圖消腫!

我們的身體在撞上硬物之後會瘀或腫起,原因在於撞擊傷及軟組織及微絲血管,令其爆裂出血。在沒有表皮損傷的情況下,出血沒辦法流出體外,就只能積在皮膚下引致腫起。而當血液離開了血管後,因為紅血球不能獲得氧氣供給而會變成紫色狀態,所以那些瘀傷最常見都是紫色的。

小朋友微絲血管比較脆弱,一撞到就很容易會腫成一個大雞蛋,這其實一點都不出奇。問題是,如果小朋友的頭皮腫了,就立即用力搓揉,也許會進一步擠壓旁邊的血管,但問題愈來愈嚴重。

撞到頭起了瘤的正確做法,應該是這樣:

  1. 首先要看看有沒有表面傷口,如果有流血的話,可以立即用力壓住腫起的位置,幫助止血。

  1. 如果家中有冰或冰袋,可以用毛巾包住,放在腫起的位置上,這做法可以令血管收縮以幫助止血。

  1. 小朋友撞到一定很痛,好驚甚至大喊。這時家長應幫助小朋友冷靜,可以嘗試安撫,抱抱他們或用其他方法分散注意力,否則他們的情緒會令到血壓上升,增加出血現象。

  1. 未來24小時觀察是關鍵。如果是撞到頭部,就要觀察小朋友有否精神變差, 甚至昏迷、抽筋、嘔吐、流鼻血或耳出血等。如果撞到四肢,就要觀察有否腫痛愈來愈嚴重,連同皮膚變青黑色、不能活動等。如有以上情況,就應要立即到急症室求助。

  1. 基本上一般撞瘀腫起,大概五至七日就會自己退去。想快一點的話,過了兩三天後,也可以用熱敷或輕輕按摩以幫助退腫。


本文作者:

兩子之母,護理學碩士畢業,任職公立醫院護士超過十年,曾經於最前線對抗沙士疫症,及後晉升醫院護士長。因懷有提升香港護理行業者質素之理想而開展教育事業,於多間專上學府擔任護理系講師多年。




2018年4月25日 星期三

20180425:【要買咩?大約幾錢?新手媽媽必看的BB用品清單】@mami--Pig Wing

20180425:【要買咩?大約幾錢?新手媽媽必看的BB用品清單】@mami--Pig Wing

衣:
新生兒內衣(短袖/露脾) 6
新生兒內衣(短袖/包脾) 4
外出服 2-3
新生身護手套 2
帽子 2
襪子 4
口水肩 6

食:
奶瓶 6
奶嘴 6
奶瓶奶嘴刷 1
奶瓶夾 1
奶瓶消毒鍋 1
擠奶器 1
貯奶瓶/儲奶袋 N
配方奶粉 N
保溫熱水瓶 1
外出奶粉攜帶盒 1

住:
嬰兒床 1
嬰兒被套組 2
包被 2
嬰兒睡袋 1
嬰兒監測 1
蚊帳 1

行:
嬰兒推車 1
嬰兒搖籃 1
嬰兒揹帶 1

清潔:
沐浴乳 1
浴盆 1
浴盆用浴網 1
大浴巾 3
凡士林 1
爽身粉 1
乳液 1
護臀膏 1
嬰兒棉花棒 1
清潔棉 N
濕紙巾 N
紗巾 24
嬰兒指甲剪 1

其他:
體溫計 1
嬰兒洗衣粉 1
哺乳內衣 2
哺乳巾 2
防溢乳墊 N
夜用型衛生棉 N
防濕換片墊 2

資料來源:
http://mami.presslogic.com/2017/10/10/article/1477/

----------

【要買咩?大約幾錢?新手媽媽必看的BB用品清單】

【要買咩?大約幾錢?新手媽媽必看的BB用品清單】

Bloggers 專欄
By Pig Wing on 10 Oct 2017
各位準媽媽在BB出世時一定有好多野要準備!為左唔好有咩甩漏,我一早就結合左幾位台灣同香港blogger既清單~大家一齊睇下要準備啲咩啦!
BBproduct-001
#衣
新生兒內衣(短袖/露脾)6
新生兒內衣(短袖/包脾)4
外出服2-3
新生兒護手套2
帽子2
襪子4
口水肩6
#食
奶瓶6
奶嘴6
奶瓶奶嘴刷1
奶瓶夾1
奶瓶消毒鍋1
擠奶器1
貯奶瓶 / 儲存袋N
配方奶粉N
保溫熱水瓶1
外出奶粉攜帶盒1
#住
嬰兒床1
嬰兒被套組2
包被2
嬰兒睡袋1
嬰兒監測1
蚊帳1
#行
嬰兒推車1
嬰兒搖椅1
嬰兒揹帶1
#清潔
沐浴乳1
浴盆1
浴盆用浴網1
大浴巾3
凡士林1
爽身粉1
乳液1
護臀膏1
嬰兒棉花棒1
清潔棉N
濕紙巾N
紗巾24
嬰兒指甲剪1
#其他
體溫計1
嬰兒洗衣粉1
哺乳內衣2
哺乳巾2
防溢乳墊N
夜用型衛生棉N
防濕換片墊2
每一樣用品都有平有貴,大家跟返能力同自己既意願買就ok~我就只係分享一下我自己買既野,無話好定唔好既 :)
#BB床 - Combelle本身想買Stokke既BB床,雖然價錢比較貴,但因為太靚所以都覺得ok~點知,我見到Stokke送左張床仔俾一位男明星~由於我同老公都唔鐘意嗰位男明星,所以我決定轉軚!揀呀揀,最後我地揀左法國製造既Combelle~ Combelle BB床有好多色,最後揀左啡色,襯返屋企~價錢又平一半!(一set連床褥好似$4000)一樣都可以用到3、4歲~
BBproduct-002
#BB床褥 - Candide同Combelle BB床都算係一set~加左$300 upgrade~Candide有2面,一面for初生,另一面for 10kg以上既~
BBproduct-003
#BB床上用品 - Candide雖然肚入面既係女仔,不過因為床仔係啡色,我都唔想揀粉紅色既床上用品,感覺上中性啲既色比較耐看啲~最緊要係Candide雖然貴過其他BB床上用品(好似$1600),不過質地真係唔一樣,床圍都厚身好多~
#BB車 - Combi本身對BB車我無乜要求,只係想要又輕又穩~款式都大同小異~點知老公公司就買左呢架超靚既Combi BB車俾我地!仲要係限量版,波點、間條完全係我杯茶!
BBproduct-004
#電動泵奶機 - Medela助產師朋友話其實係有得租泵奶機,不過我打算可以的話會泵到6個月大,所以都係買啦~Medela呢個牌子係醫院使用既牌子,所以我都揀左~係台灣買比香港一田、sogo、BB展更平,不過就無贈品送,但送既贈品我又唔太啱用,所以大家自行決定囉~
BBproduct-005
#BB衫 - Uniqlo之前有報告驗BB衫有無螢光劑,結果Uniqlo無~反而有啲貴價既牌子BB衫有,加上網上好多人讚Uniqlo質地都好好,所以我就主攻Uniqlo了~590 - 900円就有2件底衫仔~面衫仔都係1290円起~香港就貴少少,但其實都平既~
BBproduct-006
#BB洗衣液 - Baby swipe
因為之前睇過一個video比較過幾個牌子既BB洗衣液,結果係Baby swipe洗得最乾淨同葉翠翠都推Baby swipe洗衣液,所以我都揀左 :p
#包被、睡袋 - MidesMides係有機品牌,款式都幾靚就買左lu~
BBproduct-007

#奶樽 - NukNuk的奶咀係比起日本牌子既奶咀難吮的!不過因為我想埋身餵人奶,所以唔打算揀好易吸吮既!太易吸吮到,BB就會揀用奶樽食而唔自己用力吸吮乳房食人奶~
BBproduct-008
#紅外線探熱 - Nuk
除左可以探體溫外,水溫都測到~特價後都只係$200唔洗~所以就買左lu~
BBproduct-009
#奶樽消毒機 - Nuk之前見萬寧做特價!$300 only~雖然無溫奶功能,不過其實用熱水座熱樽奶就得,無溫奶功能都無乜所謂~最緊要夠快又夠乾淨地消毒到就ok~
BBproduct-010
#BB背帶 - Todbi呢個係老公揀既!佢話BB出左世後主要佢揹,所以就俾佢揀~基本上款款都一樣樣,我本身打算叫佢揀款靚既就得,點知我老公好有要求!話一定要有氣墊,因為唔想俾嚿膠壓住盤骨 :p 話有氣墊舒服好多,所以就揀左Todbi~特價時$1300,都唔太貴既~無氣墊既其他牌子我見最平係gmarket賣$7xx :)
BBproduct-011
#嬰兒濕紙巾 - Mannings
只要係純水配方,口仔都抹得就ok~萬寧牌又平過Huggies~所以就揀左Mannings牌lu~
BBproduct-012
#嬰兒棉 - 思詩樂係陪月姨姨叫我買既~可以用黎抹下眼仔、咀仔~
BBproduct-013
希望今次分享既BB用品清單,可以幫到各位新手媽媽決定要入咩貨啦!