20180619：地震安全守則@香港天文台

20180619：地震安全守則@香港天文台

日前，日本大阪發生6.1強震。
睇到呢單新聞，即時擔心住係日本既朋友，同埋唔希望任何人有人命傷亡。

剛剛，收到香港天文台既手機信息，有關地震安全守則。
希望大家睇完之後，要好好緊記。

資料來源：
http://www.weather.gov.hk/gts/equake/eq_safety_c.htm

--------------------

地震安全守則

一些地震的安全守則建議如下：

　

地震發生時：

1. 切勿恐慌，保持鎮定。
2. 熄滅火種。
3. 室內的人應留在室內，躲到堅固的傢具下，遠離玻璃或容易墮下的物件。
4. 戶外的人應遠離建築物、斜坡及架空電線等地方。
5. 在人多擠迫的地方，不要為尋找掩護或出口而倉皇逃跑。
6. 行駛中的車輛應在安全的情況下停下，乘客應留在車廂內直至地震停止。
7. 乘搭升降機的乘客應盡快離開。 
8. 隧道內的人應在安全的情況下盡快離開，走到空曠的地方。
    

地震停止後：

1. 檢查傷亡及損毀的情況，如有需要，立即尋求協助。
2. 如懷疑氣體燃料洩漏，應開窗及關掉總掣，離開建築物並向有關方面報告，切勿燃點火種或在現場打電話。
3. 若水電設施損毀，應關掉總掣。
4. 除報告緊急事故或尋求協助外，不要使用電話。
5. 若建築物嚴重損毀，餘震可能使它倒塌，應盡快離開並向有關方面報告。 
6. 若身處海灘或沿岸低窪地區，應儘快前往內陸地方或地勢較高的地面以防海嘯。如沒有時間迅速前往內陸地方或地勢較高的地面，可棲身於以鋼筋混凝土建造的多層高建築物的較高樓層，以策安全。

20180531：第1次試用梳打粉洗衫褲

20180531：第1次試用梳打粉洗衫褲

前排媽媽谷有媽媽介紹用梳打粉洗衫褲，好處係平、靚、正。

平：
只要大約$30左右，就有1公斤梳打粉。
睇匙羹既份量，洗衫時用1至2匙放係堆污糟衫褲到+1至2匙放係洗衣液格內。
比起超級市場相等價錢既洗衣液，用既次數多。

靚：
網上睇過資料，梳打是較天然既物質，用梳打粉黎洗衫褲係對海洋生態無害。
相反，現時用到既化學清潔劑（洗衣液或洗衣粉），不但不適合敏感者使用，仲會對環境同海洋有害。

正：
梳打粉可以除臭、梳打粉有清潔功效、梳打粉有漂白作用、梳打粉易於溶解。
用係洗衣機洗衫褲，真係1流。

媽媽谷既媽媽教落，第1次用梳打粉洗衫前，要先開1轉淨機洗下個洗衣機，同洗衣液格。
個媽媽有潔癖，佢怕第1次用係洗衫時，因怕洗衣機既污糟物洗埋落啲衫褲到。
第1次用時就用梳打粉淨機洗過1次，洗下個洗衣液格同埋個喉管入面既殘留污糟物+細菌，點知俾佢睇見淨機洗既水係灰暗色。
所以佢強力建議第1次用梳打粉洗衫褲前，要開1轉淨機洗。

剛剛第1次用梳打粉洗衫褲啦，我平時洗啲勁污糟既衫褲（豬公既打波衫褲、牛仔褲），我會用2轉水。
咁啱今日有豬公既臭衫褲，就試下用梳打粉黎洗。

以前份量：
第1機水，1蓋洗衣液。
第2機水，1蓋洗衣液+1蓋消毒液。

今日份量：
1匙梳打粉直接撒落啲衫褲到。
第1機水，1蓋洗衣液。
第2機水，1蓋消毒液+1匙梳打粉

洗好後，得出黎既效果真係超好。

以前……
每件洗好既衫褲，我會抽樣聞1聞（因豬公啲衫褲既臭汗味好勁）。
「加拿大」位總會有少少臭汗味，經常覺得洗唔乾淨。
每件洗好既衫褲，由洗衣筒到拎上手掛係衣架到。
每件衫褲都硬晒既（因我無用柔順劑），衣領位、手袖位仍然會摺住。

今日……
每件洗好既衫褲，我都聞1聞，的確無任何異味。
每件洗好既衫褲，由洗衣筒到拎上手掛係衣架到。
每件衫褲都好柔軟，勁滑手。

在此，分享俾各位。

20180526：FRESH 洗衣啫喱球＠麥當勞媽咪會之母親節禮物

20180526：FRESH 洗衣啫喱球＠麥當勞媽咪會之母親節禮物

早排去麥當勞換媽咪會既母親節禮物，內有1盒雀巢既可可脆片+FRESH 洗衣啫喱球。

今晚第1次用啫喱球黎洗衫，1粒細小既啫喱仔，無須撕開啫喱球外膜，直接放係裝左污糟衫褲既洗衣筒到。
洗出黎既衫褲，有陣強烈既芳香味。

洗衣啫喱球雖然使用方便，但我始終都會選擇用返傳統既洗衣液，因方便加減使用份量。

記住：因啫喱球外膜遇水可溶，所以請勿用濕手直接觸摸。

20180525：Goryeo Baby 精油蚊扣

20180525：Goryeo Baby 精油蚊扣

2018年4月21日，係網上訂左Goryeo Baby 精油蚊扣，今日(2018年5月25日)剛剛到貨。

剛到貨，未有機會開黎用，到時再同大家報告。

----------
對方產品介紹：
📌產品尺寸：圓牌3.8cm，厚度1.3cm，淨重20G
📌產品成分：香茅,甜橙,薄荷等植物精油
❌不含驅蚊胺‼️
💡使用方法：使用時將蚊扣旋轉至開啟狀態後，將兩滴精油的在兩個圓孔中(每孔小小的1-2滴)
💧每次滴入兩滴份量有效驅蚊8小時，每瓶驅蚊液大概有100滴，可連續驅蚊400小時。
🚫使用後可旋轉至關閉狀態，即可停止精油釋放。
✅驅蚊扣可扣在書包，衣領，鞋帶，帽子，袖口等等任何扣上的地方。
✅大大減低各位家長擔心驅蚊成分直接粘在小朋友的身上

20180518：萬潔靈除霉漂潔泡沫

20180518：萬潔靈除霉漂潔泡沫

洗衣機只係用左2年多，周邊既膠已經有不少霉菌。
問左身邊有經驗既媽媽，終於搵到1枝適合既清潔劑……萬潔靈除霉漂潔泡沫。
見惠康賣緊$18.9唔太貴，忍唔住買黎用。

用係呢個超級頑固既霉菌到，由噴泡沫"嗱"1"嗱"，再用牙刷刷1刷。
前後重覆左3至4次，時間只係用左大約半日，已經睇到個成效。
值得介紹俾大家。

20180511：羊咩女第1次送母親節禮物

20180511：羊咩女第1次送母親節禮物

今年母親節，我最開心係收到羊咩女親手做既禮物，亦係第1次送母親節禮物俾我。
寶貝，謝謝您既心意！

20180501：提早同羊咩女慶祝3歲生日

20180501：提早同羊咩女慶祝3歲生日

提早同羊咩女慶祝3歲生日。

羊咩女等左呢日好耐，因為學校最近講既圖書係「生日會」，剛剛又遇上羊咩女既生日月。
仲有蛇公公＋小狗婆婆講左好多次會送架單車俾佢做生日禮物，所以差不多2個星期前，羊咩女已經係咁要我同佢1齊唱生日歌，又問我佢做得「3歲大姐姐」未。

哈哈，蛇公公好大整蠱，買架藍色單車送俾羊咩女。
好彩羊咩女唔介意顏色，最緊要有得俾佢踩。

今日，羊咩女第1次認真咁踩住單車。
由初初唔識用力踩，只敢踩前半下，向後又半下。
到連續踩到1轉，再連續踩到3轉，開始越踩越順。
好叻，好快就學識踩單車。

小狗婆婆今晚仲送左條頸鏈俾我。