20180526：FRESH 洗衣啫喱球＠麥當勞媽咪會之母親節禮物

20180526：FRESH 洗衣啫喱球＠麥當勞媽咪會之母親節禮物

早排去麥當勞換媽咪會既母親節禮物，內有1盒雀巢既可可脆片+FRESH 洗衣啫喱球。

今晚第1次用啫喱球黎洗衫，1粒細小既啫喱仔，無須撕開啫喱球外膜，直接放係裝左污糟衫褲既洗衣筒到。
洗出黎既衫褲，有陣強烈既芳香味。

洗衣啫喱球雖然使用方便，但我始終都會選擇用返傳統既洗衣液，因方便加減使用份量。

記住：因啫喱球外膜遇水可溶，所以請勿用濕手直接觸摸。

20180511：羊咩女第1次送母親節禮物

20180511：羊咩女第1次送母親節禮物

今年母親節，我最開心係收到羊咩女親手做既禮物，亦係第1次送母親節禮物俾我。
寶貝，謝謝您既心意！

2015年5月10日：我既第1個母親節

2015年5月10日，我既第1個母親節。

我既母親節禮物係BB出院，醫生話BB既黃疸指數係203度可以出院。
今日同房既大部份BB都係呢1日出院，相信係好多媽咪收到最開心既禮物。

今日有好多人黎探BB，我既家人、姑姐、奶奶……
探BB係1件開心既事，但我都想屋企人明白，我剛剛生院BB唔夠1個星期，我同BB都需要休息。
BB連名都未起好，就不停問我百日宴幾時搞？係邊到搞百日宴？擺幾多圍？
我果刻真係好唔開心，每日為BB既黃疸煩惱，BB又要食得密食得多痾得多，每日都唔夠訓，而家仲要煩百日宴。
希望將準備做嫲嫲同婆婆既人會明白產婦既煩惱同需要。