2015年5月22日：最後1次檢查黃疸

今日又要去健康院檢查黃疸，黃疸指數係127度，醫生話合格，今次係最後1次檢查啦。
BB今日重3.422KG。

2015年5月15日：BB 12朝

今日係BB既12朝，開始派薑醋啦。
我地去左健康院見醫生，檢查黃疸，黃疸指數係20X度，重3.18KG。

2015年5月13日：社康姑娘上門檢楂傷口+睇BB

第1次帶BB去健康院檢查。
頭圍有34.1CM，重3.07KG，黃疸指數有215度。
健康院檢查黃疸係唔使抽血，只係用部機係心口嘟3次就知度數。

出院時報左要社康姑娘上門檢查傷口+睇BB。
姑娘話我傷口仲有啲發炎，同埋睇埋我點餵BB食母乳。

2015年5月10日：我既第1個母親節

2015年5月10日，我既第1個母親節。

我既母親節禮物係BB出院，醫生話BB既黃疸指數係203度可以出院。
今日同房既大部份BB都係呢1日出院，相信係好多媽咪收到最開心既禮物。

今日有好多人黎探BB，我既家人、姑姐、奶奶……
探BB係1件開心既事，但我都想屋企人明白，我剛剛生院BB唔夠1個星期，我同BB都需要休息。
BB連名都未起好，就不停問我百日宴幾時搞？係邊到搞百日宴？擺幾多圍？
我果刻真係好唔開心，每日為BB既黃疸煩惱，BB又要食得密食得多痾得多，每日都唔夠訓，而家仲要煩百日宴。
希望將準備做嫲嫲同婆婆既人會明白產婦既煩惱同需要。

2015年5月9日：黃疸指數無升無跌

係無電動奶泵機下都可以揸到40ML母乳，希望夠BB食啦。

醫生話BB黃疸指數係279度，無升無跌，安全起見，留多1日醫院。

2015年5月8日：黃疸覆診

今日要同BB返聯合醫院到覆診黃疸，我媽咪陪住我同BB。
BB出世4日，重2.96KG，護士話係收水，所以比出世果日輕左。
之後要抽血驗黃疸指數，我係1個眼淺既人，心痛見到BB拮針後會喊，所以叫我媽咪帶佢入去抽血。
等左大約1個鐘，黃疸指數出左啦，係279度，需要入院照燈。

2015年5月7日：BB出院啦

YEAH！！！
BB出院啦，好開心啊。
佢既黃疸指數可以俾佢出院，但聽日都要返黎覆診。
BB出院前打埋卡介苗就走得LU~

2015年5月5日：BB有啲黃，要照燈。

今日上午姑娘同我講BB有啲黃，要去3樓照燈。

食過午餐後，我落左去3樓既加護病房探BB，呢到只可以俾BB既父母入去。
入到去，見到自己既BB訓係個箱仔，帶住＜太陽眼鏡＞剝光豬咁＜晒太陽＞，忍唔住喊出黎，覺得好似帶左個BB出黎受苦。

醫生話我聽日可以出院，可以去聽出院講座。
呢個講座係每個產婦出院前都1定要聽，護士會提大家係邊到幫BB做出世紙、改名過左幾多日要罸錢、幾時要打針……等等資料性既野。

生BB時谷左痔瘡出黎，奶奶買既水泡都俾我坐爆左＝。＝

BB今日既黃疸指數係234度。