2015年3月26日：政府產檢

今日3:00PM，去左醫院做產檢，都係聽BB心跳聲。
血壓：93/57，心跳：94，體重：54.8KG（輕左少少）。
第1次驗糖尿唔合格（可能我剛剛飲左麥記既士多啤梨奶昔），第2次無事合格。
一入房見到醫生，佢就同我講我上次入左院既事。
見到我上次羊胎水太多，安排我今次照超聲波睇下羊胎水既情況。
上次量到33度，今次係15度，正常返。
上次葡萄糖耐量測試既報告都出左，合格既。哈哈。

期待下個月產檢，有可能係最後1次。
因為我仲有大約個半月就見到羊咩女，期待！！^^

2015年3月16日：葡萄糖耐量測試

由00:00開始禁食，原因係要等8:25AM去聯合醫院抽空肚血，做葡萄糖耐量測試。
餓住個肚，坐車去醫院差啲暈，好彩有媽咪陪我。
去到聯合醫院S座地下治療室，係右手抽左血後，飲左杯超甜，甜到苦既難飲糖水後，都仲未食得野。
要等多2個鐘，再係右手抽多1次血，餓瓜我啦＝。＝

抽完血，嗱嗱聲食個包，就坐車返屋企訓晏覺。

就咁過左1日LU~