20191006：產前檢查時間表@生活易WOW

20191006：產前檢查時間表@生活易WOW

資料來源：

https://wow.esdlife.com/space.php?uid=157221&do=blog&id=418389?utm_source=Family&utm_medium=eDM&utm_content=102019&utm_campaign=E-news

--------------------

產前檢查時間表

除左產前常規檢查外，亦有一些重要檢查需要做的，大家可以留意以下周數而作出相關檢查，確保大人及BB都健康

l 產檢常規項目：量度身高、磅體重、驗小便和量血壓

l 產檢次數：

28周前約每4星期1次

28-36周後約2星期1次

36周後1星期1次

l 驗小便：檢驗小便之中有沒有糖分和蛋白，以便及早發現孕婦有沒有妊娠期間的健康問題，例如糖尿病或者妊娠毒血症

~~~~~*****~~~~~*****~~~~~

l 5-8周：初次產檢

n 產前血常規檢查：見姑娘/醫生了解病歷及家族病史，政府會抽3支血，檢驗血型、Rh因子、血色素及平均紅血球容積、德國麻疹抗體、乙型肝炎抗原、梅毒測試和愛滋病病毒抗體測試

l 10周後：無創性胎兒DNA產前篩檢法 (私家：敏兒安SafeT21 Express / Nifty)

n 檢測胎兒唐氏綜合症及其他染色體疾病，無創性，無流產風險，抽血快速測試取代傳統做法。對寶寶和媽媽都安全。可檢驗胎兒性別

l 11-14周：早孕期唐氏篩查 (政府)

n 以超聲波檢查頸皮厚度及血液檢驗以推算唐氏綜合症風險

n 如唐氏篩查呈陽性，進行絨毛膜活驗(抽絨毛)

l 16-20周 中孕期唐氏篩查 (政府)

n 如唐氏篩查呈陽性，進行羊膜穿刺術(抽羊水)

l 18-22周：結構超聲波

n 更仔細檢查胎兒結構及重要器官（孕媽媽可於私家醫院、診所或部分政府醫院進行這項檢查）可確認胎兒性別

n 一般產前超聲波會檢查胎兒心跳、大小、胎位、羊水量及胎盤位置。結構性超聲波除作以上各項檢查外，更會仔細檢查胎兒結構及內臟器官；一般會檢查的器官括頭骨、腦、眼腔、唇、脊骨、肺、橫隔膜、胃、 膀胱、肚子、臍帶、四肢及性器官。

n [溫馨提示] 檢查前1至2小時不要小便，因膀胱在脹滿的情況下，照出來的超聲波影像會更清楚準確啊！

l 26-28周：血糖測試(飲糖水)

n 醫生會建議屬高風險的孕婦進行檢查(孕婦若本身體型較胖、年齡超過三十五歲、有糖尿病家族史、曾患妊娠糖尿及曾生產超過四公斤的嬰孩)，孕媽媽會在空腹飲下糖水的前後檢查血糖(2小時後)，以檢驗「妊娠糖尿病」

l 35-37周：陰道B型鏈球菌篩查

n 醫管局轄下的產前門診及衛生署的母嬰健康院會爲合資格的本港孕婦提供乙型鏈球菌拭子普及篩查。檢驗乙型鏈球菌篩查過程十分簡單、快捷，並不會構成任何痛楚

n [溫馨提示] 乙型鏈球菌是一種常見寄存在人類腸道、泌尿和生殖系統的細菌，約10-30%懷孕婦女的陰道或直腸拭子樣本中可找到，及早檢查及接受治療可避免引致新生兒早期感染

n 拭子測試呈陽性的孕婦，建議在分娩時給靜脈注射抗生素，可大大降低新生兒受到感染的機會

l 37-41周：足月

n 懷孕滿 37 周出生的嬰兒叫做足月

n 周數的計算有其不準確性。合理的誤差是正負兩週，如果月經週期不穩定的人，週數會更難預估

n 周數不是唯一的考量。包括母親的狀況、胎兒的情形、體重、生長都是必須納入考慮的條件

l 41周：引產 催生

n 引產：如果孕媽咪沒有任何產兆，婦產科醫師會運用內科或外科的方式，促使其產兆開始出現，進展到生產的過程。

n 催生，大多是孕媽咪已經開始有產兆：子宮正在收縮，子宮頸也慢慢打開，婦產科醫師再以藥物或其他人工方式，加速生產的進程，促使其收縮程度加強、子宮頸真正打開，幫助胎兒順利出生。

--------------------

 產前檢查時間表🤰

By shunbobo (聯絡作者) 於 2019-10-06 17:26

#標籤 Baby  懷孕記  政府  私家  產科  產前檢查  產檢 

除左產前常規檢查外，亦有一些重要檢查需要做的，大家可以留意以下周數而作出相關檢查，確保大人及BB都健康🤰

️產檢常規項目：量度身高、磅體重、驗小便和量血壓
️產檢次數：28周前約每4星期1次
　　　　　　 28-36周後約2星期1次
　　　　　　 36周後1星期1次
️驗小便：檢驗小便之中有沒有糖分和蛋白，以便及早發現孕婦有沒有妊娠期間的健康問題，例如糖尿病或者妊娠毒血症

 5-8周 初次產檢 產前血常規檢查 見姑娘/醫生了解病歷及家族病史
　政府會抽３支血，檢驗血型、Rh因子、血色素及平均紅血球容積、德國麻疹抗體、乙型肝炎抗原、梅毒測試和愛滋病病毒抗體測試

 10周後 無創性胎兒DNA產前篩檢法 (私家：敏兒安SafeT21 Express / Nifty)
　檢測胎兒唐氏綜合症及其他染色體疾病，無創性，無流產風險，抽血快速測試取代傳統做法。對寶寶和媽媽都安全。可檢驗胎兒性別

 11-14周 早孕期唐氏篩查 (政府)
　以超聲波檢查頸皮厚度及血液檢驗以推算唐氏綜合症風險
　如唐氏篩查呈陽性，進行絨毛膜活驗(抽絨毛)

 16-20周 中孕期唐氏篩查 (政府)
　如唐氏篩查呈陽性，進行羊膜穿刺術(抽羊水)

 18-22周 結構超聲波
　更仔細檢查胎兒結構及重要器官（孕媽媽可於私家醫院、診所或部分政府醫院進行這項檢查）可確認胎兒性別
　一般產前超聲波會檢查胎兒心跳、大小、胎位、羊水量及胎盤位置。結構性超聲波除作以上各項檢查外，更會仔細檢查胎兒結構及內臟器官；一般會檢查的器官括頭骨、腦、眼腔、唇、脊骨、肺、橫隔膜、胃、 膀胱、肚子、臍帶、四肢及性器官。
　 [溫馨提示] 檢查前1至2小時不要小便，因膀胱在脹滿的情況下，照出來的超聲波影像會更清楚準確啊！

26-28周 血糖測試(飲糖水)
　醫生會建議屬高風險的孕婦進行檢查(孕婦若本身體型較胖、年齡超過三十五歲、有糖尿病家族史、曾患妊娠糖尿及曾生產超過四公斤的嬰孩)，孕媽媽會在空腹飲下糖水的前後檢查血糖(2小時後)，以檢驗「妊娠糖尿病」

35-37周 陰道B型鏈球菌篩查
　醫管局轄下的產前門診及衛生署的母嬰健康院會爲合資格的本港孕婦提供乙型鏈球菌拭子普及篩查。檢驗乙型鏈球菌篩查過程十分簡單、快捷，並不會構成任何痛楚
　[溫馨提示] 乙型鏈球菌是一種常見寄存在人類腸道、泌尿和生殖系統的細菌，約10-30%懷孕婦女的陰道或直腸拭子樣本中可找到，及早檢查及接受治療可避免引致新生兒早期感染
　拭子測試呈陽性的孕婦，建議在分娩時給靜脈注射抗生素，可大大降低新生兒受到感染的機會

37-41周 足月
　懷孕滿 37 周出生的嬰兒叫做足月
　周數的計算有其不準確性。合理的誤差是正負兩週，如果月經週期不穩定的人，週數會更難預估
　周數不是唯一的考量。包括母親的狀況、胎兒的情形、體重、生長都是必須納入考慮的條件

41周 引產 催生
　 引產：如果孕媽咪沒有任何產兆，婦產科醫師會運用內科或外科的方式，促使其產兆開始出現，進展到生產的過程。
　催生，大多是孕媽咪已經開始有產兆：子宮正在收縮，子宮頸也慢慢打開，婦產科醫師再以藥物或其他人工方式，加速生產的進程，促使其收縮程度加強、子宮頸真正打開，幫助胎兒順利出生。

2015年4月24日：懷孕週記

懷孕週記：

6週前：
＊身體超累，體溫異常高左好多日。
＊以前唔鍾意食既咖喱魚蛋、燒賣既野，突然好想食。

6週：
＊驗孕，發現自己有左（9月18日，1:40PM）。
＊又驚又喜，喜既原因當然係有左啦；而驚既原因係我連續1星期都係黎血絲，以為自己係黎M，原來係見紅＋流啡。（9月18日，1:40PM）
＊係醫院照到BB，好似一粒彎彎既腰果，醫生話仲係1粒囊，未著床好，所以要訓多D。（9月19日，1:10PM）
＊再1次見流啡入醫院，擔心到喊左出黎，好彩BB無事。（9月21日，00:09AM）
＊豬公好好，佢擔心我係浴缸冼到，買左浴缸防滑墊俾我用。（9月21日，10:29PM）

7週：
＊我妹妹黎幫我拎啲行李去姑姐屋企到「渡假」，等我可以順利過渡懷孕3個月（9月25日，10:30AM）。
＊今日有豬公陪我去做早期妊娠評估。（9月29日，9:22AM）
＊162CM，46.05KG，血壓101/57，心跳76。（9月29日，9:22AM）
＊早期妊娠評估，見醫生做一D評估，例如：個人病歷，家族病歷等等評估，同埋照一照BB。（9月29日，10:00AM）
＊登記左聯合醫院生BB，將軍澳醫院做產前檢查。（9月29日，10:00AM）
＊可能琴日醫生用左鴨咀鉗幫我做檢查，令到今日有啲流啡。（9月30日，全日）

8週：
＊第1次政府產檢，今次都係問下啲病歷，無得照超聲波見BB。（10月7日，2:15PM）
＊醫生會建議聽政府既產前及產後既講座。（10月7日，2:15PM）

9週：
＊本應今日要去聯合醫院聽嬰幼兒培育講座，但由起床到等車期間都見頭暈，到最後去唔到聽。好彩有豬公係我身邊，如果唔係我暈左係條街到。（10月11日）
＊牙肉腫左。（10月12）
＊我姑姐買左啲BB衫仔俾BB，BB你真係幸福啦，收到第1份禮物。（10月13日）

10週：
＊第1次私家產檢，好緊張啊，好快會見到BB，同埋會有2張相仔俾我。（10月15日，5:33PM）
＊私家醫生話我有少少糖尿，可能我早幾個鐘前飲左杯檸蜜，希望下次再驗無事啦。（10月15日，5:33PM）
＊去聯合醫院聽嬰兒護理講座。（10月18日，11:30AM）

11週：
＊今日去聯合醫院聽母乳哺飼。（10月25日）
＊今晚終於返屋企訓啦。訓訓下中途要落床去洗手間時，唔知係咪對腳無咩肌肉，左腳腳仔1軟，我就跌左係地下啦，豬公嚇到唔知點做。（10月26日）

12週：
＊162.3CM，46.35KG（10月30日，2:25PM）
＊產前門診：聽心肺（10月30日，2:30PM）
＊頸皮紋超聲波：照超聲波（10月30日，2:30PM）
＊唐氏綜合症檢查（OSCAR）：抽血驗（10月30日，4:00PM）
＊終於唔係因為要做產檢／聽講座而要出門，今晚豬公帶我去尖沙咀睇3D光雕。（11月3日）

7週-12週：
＊因為間唔中都會作小產，所以去左姑姐屋企住滿懷孕3個月。
＊由於長時間都係訓床，2條小腿都無力，無晒肌肉，行路都會經常腳仔軟，發軟蹄。
＊經常頭暈＋無力。

13週：
＊今日成日都係肚痛＋肚痾＋想嘔＋流啡，等豬公放工後，陪我去屯門醫院睇急症。（11月9日，7:37PM）
＊BB依家好似粒花生咁，好得意。（11月9日，7:37PM）
＊腰骨超痛，網購左既月型枕頭終於到左香港左啦。（11月10日，11:19PM）

14週：
＊BB係我肚到100日啦，食左Paul Lafayet既Rose Raspberry Macaron黎慶祝。（11月13日，6:39PM）
＊好多謝我表妹拎左個月型枕頭＋2套大肚婆內衣褲俾我。（11月14日）
＊突然流啡，見流得唔多，無去醫院睇急症。（11月17日）

15週：
＊豬公買左個驚喜俾我，係1個紅外線燈仔，方便我夜晚去洗手間時用，唔想我再1次跌倒。（11月19日）
＊情緒失控，係咁喊，喊到眼都痛。（11月20日）
＊私家產檢，再1次見到BB啦。今次諗住睇下BB係男定女，點知BB夾實左個大脾仔，唔俾我地知。（11月25日，6:11PM）

16週：
＊終於見肚啦，地鐵有人讓位俾我。（11月30日）

17週：
＊係社區健康中心到度高磅重，161CM，46KG。（12月5日，3:31PM）

18週：
＊政府產檢，上磅重48.45KG，血壓108/60，心跳100。（12月11日，2:27PM）
＊今次只係聽BB心跳聲，無得照超聲波睇BB。（12月11日，2:45PM）
＊私家產檢建議我每個月要重1磅，但我已經去到重10磅（即110磅），所以要食少D宵夜先得。（12月16日，5:31PM）
＊BB仍然夾實左個大脾啊，睇唔到男仔定女仔，醫生話好大機會係女仔。（12月16日，5:31PM）

19週：
＊今日豬公送左份聖誕禮物俾我同BB，係1個崖上的波兒音樂盒，「脹卜卜，哈哈笑，整天在笑」。（12月23日）

20週：
＊感覺到BB踢我啦，期待既感覺。哈哈。（12月26日，9:25PM）
＊我既左手放係豬公既手背上，1齊感受到BB郁動。（12月28日，11:10PM）
＊呢日做結構性超聲波（懷孕18-22週），醫生講解得好詳細，最後都係睇到好大機會係女仔。（12月29日，4:36PM）
＊結構性超聲波$2000，包1份報告＋1隻光碟＋好多張相。（12月29日，4:36PM）
＊情緒又再失控，今日係咁喊。（12月30日）

21週：
＊覺得自己個肚好低、好細，趁吉之島有折，買左個托腹帶俾自己做新年禮物。哈哈，成日俾自己多個藉口買野。（1月1日，3:04PM）

23週：
＊近呢3日都肚痛，1日唔只1次便便，BB又唔多郁喎。心有不安既感覺，約左聽日見私家醫生。（1月14日，10:08AM）
＊私家醫生話我有腸炎，如果跟住呢3-4星期都仲係咁就要見多次醫生。（1月15日，5:04PM）
＊今次上磅115磅，仲要驗到有糖尿，醫生建議我從飲食著手，食少糖少澱粉既食物。（1月15日，5:04PM）

24週：
＊政府產檢，血壓97/62，心跳100，重52KG，糖尿正常。今次產檢都係聽心跳，唔使5分鐘就見完醫生，超快。（1月22日，1:55PM）
＊聽荷蘭美素佳兒講座，得到個懷孕3角枕，側訓時用好舒服。（1月24日，11:00AM）
＊政府抽血驗糖尿。（1月26日，4:35PM）

26週：
＊呢排1上到床要做轉身既動作時，個PatPat位超痛，痛到要流眼水T.T。（2月6日）
＊最近大部份訓醒時間，隻腳都有接近抽筋既情況出現=.=。（2月7日）
＊著鞋都會令到我腳指抽筋。（2月8日）
＊今日去左做4D（懷孕25-28週），體重有54KG，重左大約19磅。（2月9日）
＊今日做4D，$1000包1隻碟+有17張相。只係照個頭仔，輪廓都算係清楚，見到羊咩女捽眼、張開口、張開手、鼻大，哈哈，好得意。（2月9日，2:30PM）
＊係永安買左1套9折左$788既BB衫＋褲＋帽＋手套＋腳套，送俾羊咩女。（2月9日，4:53PM）

27週：
＊我妹陪我去左佐敦聽悅寶貝搞既坐月十大注意事項，內容好吸引，聽完個講座會有心郁郁想請返個陪月員，哈哈。（2月13日，7:00PM）
＊今朝食住個早餐，見到個肚係咁震，但又震得好有規律，上網搵下資料，有機會BB係我個肚到打嗝，好得意。（2月17日，8:36AM）

28週：
＊新年快樂！BB係我肚到同我1齊過農曆新年，好開心！（2月19日）
＊哈哈，俾我拍到BB彈我個肚。（2月24日，9:20AM）

29週：
＊今日去左太子BB CARE 聽母乳達人講座。（2月25日，3:30PM）
＊個肚好實，好唔舒服，呢排都係咁，上網睇話係子宮收縮。（2月25日）
＊政府產檢，血壓104/61，心跳93，體重55.15KG。（2月26日）
＊驗尿時，糖尿合格，但蛋白肥佬左，第驗2次先合格。（2月26日）
＊見醫生先知懷孕証明書係要問先有，唔問就無；同醫生講個肚有時好實，佢話好多孕婦都有，原來係子宮收縮，但要留意下有無流血、流啡或痛得密，如果有就要睇急症，有機會早產。（2月26日）
＊抽筋抽密左，今朝抽完右腳，再抽埋左腳。T.T（2月27日）

30週：
＊今晚同豬公去左童軍中心聽美贊臣既輕鬆分娩＋嬰兒按摩。（3月4日，7:30PM）
＊今日開始返娘家待產。（3月5日）
＊又開始有頭暈啦，加埋嘔，最後要CALL白車。（3月5日）
＊轉送到聯合醫院，醫生見我有子宮收縮出現，要我吊鹽水，食防子宮收縮藥＋打PAT PAT針加強BB既心肺功能。（3月6日）
＊繼續住院＋豬公第1次幫我剪腳甲。（3月7日）
＊豬公黎接我出院。（3月8日，6:30PM）
＊第1次感覺到漏奶水。（3月10日）
＊今日係私家產檢，121磅，無糖尿，血壓正常。醫生話BB有3磅幾重，預計出到黎有7磅左右，屬中SIZE BB（3月10日，5:30PM）

31週：
＊琴日同今日都抽左腳，痛死我TAT（3月11日）
＊發夢見到自己見紅，嚇到醒左。（3月13日）
＊等車期間，又黎頭暈，眼前既野黑晒，好彩有豬公係到，帶我坐低休息。（3月14日）
＊今日去左西貢獅子會自然教育中心影大肚相，影得好靚，好開心。（3月14日）
＊初生嬰兒護理知多少&湊B攻略＠雅培。（3月15日）
＊今日00:00開始禁食，因為訓醒要做葡萄糖耐量測試。（3月16日）
＊等車期間，因為禁食左1段時間，差啲又暈，好彩有媽咪係到。（3月16日）
＊去到醫院，登記左後，開始係右手抽血。之後飲1杯紙杯SIZE既糖水，超甜，甜到會覺得苦，好難飲。（3月16日，8:50AM）
＊抽完血，飲完糖水，都仲未食得野。仲要等多2個鐘，再抽多1次血。（3月16日，10:50AM）

32週：
＊好開心，今日收到上星期6影既大肚相光碟。（3月18日）
＊今晚陪媽咪去金舖買金器俾BB。（3月21日，8:14PM）
＊今日媽咪陪我去聽講座，我買左個安康檢既100+檢驗代謝病服務，$1600。（3月22日）
＊原來大肚婆個鼻真係好靈敏嫁，我媽咪煮左個麵俾豬公食，但係食之前俾我聞到陣味怪怪地，先發覺包麵係過左期，就係咁俾豬公話我係1隻識搵黑松露既野豬=.=。（3月22日）

33週：
＊今日去醫院做產檢，血壓：93/57，心跳：94，體重：54.8KG。（3月26日，3:00PM）
＊醫生見我最近入左院，見到寫住胎水過多，所以安排我今日做多個照羊胎水檢查。上次係33度，今次係15度，正常返。（3月26日）
＊豬公今朝同羊咩女隔住我個肚皮玩左好耐，羊咩女俾左好多反應豬公，睇到豬公好開心。（3月29日）
＊呢排BB活動力好強，我個肚成日都地震咁係到震。（3月30日）

34週：
＊又流奶水（4月4日）

35週：
＊私家做產檢，血壓正常，體重有122磅，有少少蛋白（醫生建議飲多啲水）。（4月9日）
＊BB頭位好低，好處係如果順產時，可以唔使痛咁耐就生得。壞處係行路會行得好慢。（4月9日）
＊BB依家有5磅，預計出世有6磅。（4月9日）
＊醫生今次教我地數胎動，醫生教我係9個鐘入面要數到有10組活動（BB要全身郁動）。（4月9日）
＊政府產檢，重55.50KG，第1次血壓係97/62，心跳108下唔合格，尿蛋白唔合格；第2次血壓係103/65，心跳85下正常返，尿蛋白仍然唔合格。（4月13日）
＊今日最主要係做B型（乙型）鏈球菌測試，好快搞掂，只係用棉花棒掂1掂分泌物拎去檢查。如果唔好彩中左，係順產生BB時，要打抗生素針。（4月13日）

36週：
＊突然氣管敏感。（4月18日）
＊去尿尿去唔清啦，要郁1郁個肚先去到少少。（4月18日）
＊喉嚨好似發炎，腫左。（4月19日）
＊今日開始飲蓮蓬鬚水，味道好似桑寄生茶，澀澀地。（4月19日）
＊咳死我啦，臨近生先黎病，唔知係好定唔好。（4月20日）

37週：
＊今日飲嬸嬸教媽咪煲既腐竹洋薏米水黎飲，加少少冰糖就可以變糖水。味道好味，唔加糖飲既話可以當水飲多少少，清熱毒。（4月22日）
＊左邊腰＋Pat Pat＋腳都好痛啊，痛到喊左出黎。（4月24日）
＊今日政府產檢，血壓103/66，心跳85，重56.25KG，血糖正常，但尿蛋白2次都唔合格，有啲擔心添。（4月27日）
＊醫生話B鏈球菌合格，消除左個疑慮。（4月27日）
＊照超聲波時，BB個頭仔已向下啦，準備好出世。（4月27日）

——————————

生B醫院：聯合醫院
政府產檢：將軍澳醫院
私家產檢：黃逸華醫生（每次產檢$400，包幾張相）；龔羽一醫生（結構性超聲波$2000，10多張相＋1隻光碟＋1份報告；4D $1000，10多張相＋1隻光碟）

2015年4月13日：政府產檢+BBQ Military

今日3:45PM去醫院做產檢。
重55.50KG，第1次血壓係97/62，心跳108下唔合格，尿蛋白唔合格；
第2次血壓係103/65，心跳85下正常返，尿蛋白仍然唔合格。
到見醫生，今日最主要係做B型（乙型）鏈球菌測試。
好快搞掂，只係用棉花棒掂1掂分泌物拎去檢查。
如果唔好彩中左，係順產生BB時，要打抗生素針。

產檢完，我去左姑姐屋企教小朋友做功課。
呢個小朋友讀幼稚園低班，做既功課係要上網搵不同烏龜既品種。
嘩，我依家先知幼稚園功課要做到網上資料搜集。
佢地連個［龜］字都唔識寫，又難認識呢個字，對個小朋友真係難。

今晚同豬公個朋友搞Farewell，佢個朋友將會嫁去日本，做日本太太。
我地去左荃灣眾安街既BBQ Military到食韓國燒烤（http://www.openrice.com/zh/hongkong/restaurant/%E8%8D%83%E7%81%A3-bbq-military/166714）。
呢到環境唔錯，服務好好，食物質素好味，連唔食泡菜既我都清光埋豬公既泡菜。
韓燒食完就食松記糖水。
今晚真係好滿足。

2015年4月9日：私家產檢+傾合併MPF強積金+學整天氣預報瓶頸鏈

今日約左5:30PM做私家產檢，但豬公仲未放得工，所以我係樓下行左好耐等佢趕得切黎見醫生。
今日血壓正常，體重有122磅，有少少蛋白（醫生建議飲多啲水）。
到檢查BB啦，醫生摸到頭位好低啦。
好處係如果順產時，可以唔使痛咁耐就生得。
壞處係行路會行得好慢。
BB依家有5磅，預計出世有6磅。
到最後豬公中途都入到黎。
醫生今次教我地數胎動，醫生教我係9個鐘入面要數到有10組活動（BB要全身郁動）。

見完醫生，我約左表弟係朗豪坊STARBUCKS傾合併MPF強積金既野。
豬公就同佢既老細視像會議。

等到我妹黎左之後，我地就坐地鐵去荔枝角學整天氣預報瓶頸鏈。
上8點堂，但果間野就8點半先開始。
1班有8人上堂，導師既安排麻麻，8個人得1個量杯、1個磅（導師係咪只預1個人做，其他人淨睇=.=）、幾枝針筒、唔夠10個玻璃杯、多個發泡膠杯、又無筆記（考人記性咩=.="）。
最慘係導師好似咩都唔識咁，要我地將酒精倒入發泡膠杯到，唔使1陣個杯滲左啲酒精出黎。
我地問佢係咩原因令到啲結晶體會有唔同，佢又答唔出，只係話化學作用=.=。
時間控制好差，整頸鏈既，唔會預先度下要條鏈幾長長度。
變左1抽就抽左亂七八糟既鏈出黎，要慢慢係到解開。
預定1個鐘會完成既野，變左2個鐘都唔夠用，要餓住個肚走人。

2015年3月26日：政府產檢

今日3:00PM，去左醫院做產檢，都係聽BB心跳聲。
血壓：93/57，心跳：94，體重：54.8KG（輕左少少）。
第1次驗糖尿唔合格（可能我剛剛飲左麥記既士多啤梨奶昔），第2次無事合格。
一入房見到醫生，佢就同我講我上次入左院既事。
見到我上次羊胎水太多，安排我今次照超聲波睇下羊胎水既情況。
上次量到33度，今次係15度，正常返。
上次葡萄糖耐量測試既報告都出左，合格既。哈哈。

期待下個月產檢，有可能係最後1次。
因為我仲有大約個半月就見到羊咩女，期待！！^^

2015年2月26日：政府產檢

今日2:45PM去醫院做產檢，血壓係104/61，心跳93，體重55.15KG。
驗尿時，糖尿合格，蛋白唔合格。
所以姑娘叫我再1次尿尿時，清潔下體先再驗過，第2次合格。
入到醫生房，醫生只係俾BB既心跳聲我聽。
同醫生講左間唔中都會個肚實晒，好唔舒服。
醫生話呢啲係子宮收縮，好多孕婦都有。
但要留意，如有出血、流啡、收縮得太密（如10多分鐘有1次），就要睇急症，有機會早產。

今晚，我同豬公返左娘家到食飯＋過夜。
因為聽日要心臟覆診，希望報告出黎無事啦。

2015年1月22日：政府產檢

今日要禁食抽血俾普通科門診果邊，所以1抽完血就食左個火腿飛碟＋1包維他奶。

今日2點政府產檢，量血壓97/62，心跳100，重52KG，糖尿正常。
今次產檢都係聽心跳，唔使5分鐘就見完醫生，超快。
由於我上次做產檢時同醫生講我背脊同心口生左好多粒粒，今次醫生俾左2份止痕膏＋潤膚膏俾我搽，超好。

下星期一要抽血驗糖尿。