2015年4月13日：政府產檢+BBQ Military

今日3:45PM去醫院做產檢。
重55.50KG，第1次血壓係97/62，心跳108下唔合格，尿蛋白唔合格；
第2次血壓係103/65，心跳85下正常返，尿蛋白仍然唔合格。
到見醫生，今日最主要係做B型（乙型）鏈球菌測試。
好快搞掂，只係用棉花棒掂1掂分泌物拎去檢查。
如果唔好彩中左，係順產生BB時，要打抗生素針。

產檢完，我去左姑姐屋企教小朋友做功課。
呢個小朋友讀幼稚園低班，做既功課係要上網搵不同烏龜既品種。
嘩，我依家先知幼稚園功課要做到網上資料搜集。
佢地連個［龜］字都唔識寫，又難認識呢個字，對個小朋友真係難。

今晚同豬公個朋友搞Farewell，佢個朋友將會嫁去日本，做日本太太。
我地去左荃灣眾安街既BBQ Military到食韓國燒烤（http://www.openrice.com/zh/hongkong/restaurant/%E8%8D%83%E7%81%A3-bbq-military/166714）。
呢到環境唔錯，服務好好，食物質素好味，連唔食泡菜既我都清光埋豬公既泡菜。
韓燒食完就食松記糖水。
今晚真係好滿足。

2015年3月26日：政府產檢

今日3:00PM，去左醫院做產檢，都係聽BB心跳聲。
血壓：93/57，心跳：94，體重：54.8KG（輕左少少）。
第1次驗糖尿唔合格（可能我剛剛飲左麥記既士多啤梨奶昔），第2次無事合格。
一入房見到醫生，佢就同我講我上次入左院既事。
見到我上次羊胎水太多，安排我今次照超聲波睇下羊胎水既情況。
上次量到33度，今次係15度，正常返。
上次葡萄糖耐量測試既報告都出左，合格既。哈哈。

期待下個月產檢，有可能係最後1次。
因為我仲有大約個半月就見到羊咩女，期待！！^^

2015年3月23日：就由懷孕開始，每天隔著肚皮和BB談心＠美國雅培

就由懷孕開始，每天隔著肚皮和BB談心；
出生後，再配合BB發展來因材施教，陪伴BB共行成長路！

＊BB在媽媽的肚內真的聽得見嗎？
發展中的胎兒早在懷孕期4週已有內耳窩的形成，大約16週左右開始聽到聲音；
直至28週，胎兒能對聲音產生行為反應及初淺的記憶。
據研究顯示，準爸媽多對著胎兒談天或播放合適胎教音樂，有助胎兒的IQ及語言發展，而且出生後其情緒會較穩定，並更容易與爸媽建立情感聯繫。

＊哪些是合適胎教音樂？
胎教音樂的選手是注重節奏和音量。
胎教音樂宜較和諧，與媽媽心律跳動節奏相近的，如音樂家威爾弟和莫札特的樂曲。
按科學家的研究數據顯示，其聲音的頻率約在250-500Hz，強度約70dB，胎兒就能對聲音作出回應，令胎兒最感安穩、愉快。

＊隔著肚皮跟BB "GIVE ME FIVE" 有什麼用處嗎？
準爸媽的一個 "GIVE ME FIVE" 對胎兒有著積極的意義！
法國心理學家貝爾納‧蒂斯認為當準爸媽把溫暖的手輕撫肚皮時，同時配上說話，胎兒便能感應你們傳遞給他／她的愛意，便他／她安全感提升、更愉快。
準爸媽們，隔著肚皮與胎兒多互動吧，有助BB情緒發展與建立感情！

＊BB在哭，新手爸媽有什麼法寶？
哭是BB表達生理和心理需要的方法。
在BB哭鬧時，爸媽們可嘗試先了解及解決BB各種生理性需要，如喝奶、換尿片、冷暖等。
如非生理性需要，爸媽們可嘗試運用一些「白噪音」來安撫BB。

＊甚麼是「白噪音」？
有沒有發現，很多哭鬧中的BB一俯在媽媽的胸前，便快速地安靜下來呢！
這個情景誘發了科學家的好奇！
觀察發現：因BB俯在媽媽的胸前時，會聽到一種非常熟悉的聲音-----媽媽的心跳聲。
同時，他們鑽研心跳的音頻和節奏時發現，原來大自然的聲音如一些海浪聲、微風吹樹葉的聲等，都像心跳聲一樣有着平穩的節奏與輕聲嘶嘶的效果，讓BB感到安全並能幫助80%以上的BB止哭，這類聲音被稱為「白噪音」了。

＊眼仔"碌碌"的寶寶，你看見爸媽嗎？
見到BB亮晶晶的眼，別以為BB能清楚看到遠近的世界，原來嬰兒的視覺發展是未完全成熟的。
初生BB只能清楚看見眼前約8至10吋的臉孔或物件。
抱着BB時，他／她就能清楚看到爸媽親切的臉孔了。

＊為什麼BB抓不到玩具？
初生時，BB手臂伸展未控制得宜，指抓也未成熟，所以，家長可發現BB有「看到但捉不到」的情況。
約2個月左右，BB便嘗試做更多抓握動作。
據American Optometric Association 指出嬰兒約2歲才能完成手眼協調及準確視距概念的發展。
可能，抓住物件看似是輕而易舉的事；其實，這是須要腦部、視覺神經、空間距離概念及小手肌肉的配合，再加上反復的練習，才能把物件準確地抓住。

＊家長可怎樣鍛練BB手眼協調呢？
首先，提供足夠的營養素來幫助腦部和視網膜的發展是必需的，如DHA和Lutein。
另外，家長可與BB多玩物件追蹤遊戲來鍛鍊眼球肌肉；給予BB多看對比色強烈的玩具或床上吊飾來刺激視覺。
還有，玩些拋接小豆袋的遊戲，皆可鍛練BB手眼協調。
最後，家長們與BB多郊遊，多看青葱樹木及遠景，一起共行成長路。

資料來源：
美國雅培

2015年2月27日：心臟覆診

今日訓訓下抽筋，抽完右腳筋，再抽埋左腳筋，痛死我啦。
訓醒後，個大大既蛋糕俾我1下次食晒。
之後就要出門去醫院覆診，行去巴士站期間，遇到舊公司既同事，傾左幾句。
再到巴士站等車時，遇到就快畢業既學生，睇見佢地個樣無變，但身高拉長左，覺得時間過得真係快。
我離開呢間特殊學校後，都轉左3份工啦，但係我人生入面，我工作時期＋最鍾意既就係呢份工。
學生仲記得我係書記姑娘，有個學生仲勁，佢記得我既全名，好記性。

心臟覆診時要量血壓99/70，心跳105。
今日又未出到報告啊，又係白行1趟。
不過醫生好好，佢叫我等佢電話，唔使專登返黎覆診睇報告。

覆診完後，我就去左姑姐屋企，今晚係到食飯，又有好野食啦。

2015年2月26日：政府產檢

今日2:45PM去醫院做產檢，血壓係104/61，心跳93，體重55.15KG。
驗尿時，糖尿合格，蛋白唔合格。
所以姑娘叫我再1次尿尿時，清潔下體先再驗過，第2次合格。
入到醫生房，醫生只係俾BB既心跳聲我聽。
同醫生講左間唔中都會個肚實晒，好唔舒服。
醫生話呢啲係子宮收縮，好多孕婦都有。
但要留意，如有出血、流啡、收縮得太密（如10多分鐘有1次），就要睇急症，有機會早產。

今晚，我同豬公返左娘家到食飯＋過夜。
因為聽日要心臟覆診，希望報告出黎無事啦。

2015年1月22日：政府產檢

今日要禁食抽血俾普通科門診果邊，所以1抽完血就食左個火腿飛碟＋1包維他奶。

今日2點政府產檢，量血壓97/62，心跳100，重52KG，糖尿正常。
今次產檢都係聽心跳，唔使5分鐘就見完醫生，超快。
由於我上次做產檢時同醫生講我背脊同心口生左好多粒粒，今次醫生俾左2份止痕膏＋潤膚膏俾我搽，超好。

下星期一要抽血驗糖尿。

2015年1月15日：肚痛左4日

肚痛又痾，又見羊咩女唔多郁，諗得太多下搞到呢2日失眠。琴日終於打電話BOOK睇醫生，一打完就訓得著，真神奇。

今日約左4點半見醫生，大約5點先見到醫生。
肚痛左4日，不停咁痾，臭臭又唔係靚喎，醫生話係腸炎，跟住既3-4個星期都唔好既話，要再睇多次醫生。
肚痛要暫時戒食奶類＋水果＋油脂高既食物＋凍既食物。（偏偏呢幾日都有食=.=＂）
照過超聲波，見到BB個心跳係咁郁，我都安心啲。
上磅重115磅。
驗尿顯示有糖尿，所以要由飲食著手，要食少D糖同澱粉既食物。

豬公D朋友約左一陣去食糖水，我只係有得睇，無得食。T.T

頭先食過自家烏冬既熱食淨烏冬，好清好清。