2015年3月16日：葡萄糖耐量測試

由00:00開始禁食，原因係要等8:25AM去聯合醫院抽空肚血，做葡萄糖耐量測試。
餓住個肚，坐車去醫院差啲暈，好彩有媽咪陪我。
去到聯合醫院S座地下治療室，係右手抽左血後，飲左杯超甜，甜到苦既難飲糖水後，都仲未食得野。
要等多2個鐘，再係右手抽多1次血，餓瓜我啦＝。＝

抽完血，嗱嗱聲食個包，就坐車返屋企訓晏覺。

就咁過左1日LU~

2015年1月22日：政府產檢

今日要禁食抽血俾普通科門診果邊，所以1抽完血就食左個火腿飛碟＋1包維他奶。

今日2點政府產檢，量血壓97/62，心跳100，重52KG，糖尿正常。
今次產檢都係聽心跳，唔使5分鐘就見完醫生，超快。
由於我上次做產檢時同醫生講我背脊同心口生左好多粒粒，今次醫生俾左2份止痕膏＋潤膚膏俾我搽，超好。

下星期一要抽血驗糖尿。