2015年3月15日：1家人飲茶

好耐都無咁齊人1家人（我Baba＋Mami＋我妹＋豬公）去客家好棧飲茶。

大約11:45AM就各自搵節目，我既節目就係去佐敦逸東酒店聽雅培既初生嬰兒護理知多少＆湊B攻略。
初生嬰兒護理知多少既講者係張傑醫生，佢講野都幾生鬼。
明明訓得個3個鐘左右，預左今日既講座會訓著，估唔到呢個張醫生講到我係唔願訓，哈哈。
湊B攻略都係講D BB營養同教育，教育＋幫BB做按摩果部份都係YOKI PANG，佢都係講閃卡教育多。

聽完講座，雅培送左胎心機同例牌既小禮物。
之後就坐車返屋企訓個舒服既晏覺。

資料性既野：
＊鮭魚斑：沒有原因；不需要治療；1-2歲會痊癒。

＊鬥雞眼、假斜視。

＊不需清理耳垢，自動跌出黎。

＊鼻塞：用纖維紙巾，捲成條狀，撩鼻鼻。

＊嬰兒濕疹：1個月大會出現；位置：面＋額＋頸＋耳＋腳；方法：經常清潔、減少刺激、保濕；就算搽左類固醇，都要搽保濕。

＊卡介苗：出院前注射；4-6星期反應；方法：清潔、保持乾爽、不要塗上藥物。

＊肚臍：（不正常）濕＋出水＋肚漲＋出血；每日2-3次清潔，保持乾爽。

＊吃不胖3步曲：先吃蔬菜，再吃蛋白質，之後吃澱粉質。

＊閃卡：5-10張；最好1秒完成1張；重視輸入，等待輸出。

＊BMI＝體重（公斤）／身高（米）Ｘ身高（米）
（懷孕前BMI）：（建議孕期體重增加幅度）
（＜19.0）：（13.0-16.7公斤）
（19.0-23.5）：（11.0-16.4公斤）
（＞23.5）：（7.1-14.4公斤）

＊外食族孕媽咪飲食建議：上班族孕媽咪，幾乎每天都會出外用餐。
怎樣吃才可以吃得更健康？以下一些小貼士希望能幫助外食族媽咪懂得去選擇食物。
－不吃生食
－宜選瘦肉，少吃皮及油炸食品，太油的食物可以過熱水再吃。
－避免吃碎肉製品，如鍋貼、水餃、小籠包。因碎肉製品含過多肥肉，脂肪含量特別高。
－西式糕點、千層或起酥的食物油脂含量非常高，應盡量避免。
－選以蔬菜為主、肉類份量適中的菜式，或另加一碟蔬菜。
－每天都要進食2-3份水果（一份大約等於拳頭般的大小）
－牛奶應選低脂奶或脫脂奶，或喝孕婦奶粉。

2015年1月25日：胎心機 Angel Sounds

同豬公係荃灣食過飯後，行左1陣就返屋企玩胎心機 Angel Sounds。

用法好簡單，入左嚿方形電，插好耳筒，係肚皮到塗啲啫喱（可用蘆薈啫喱），將部機係肚皮到慢慢郁，就會聽到。

今日我既叔叔＋嬸嬸由西貢車左D BB野俾我，有BB床＋BB車＋學行車＋彈彈帶＋揹帶＋沖涼盤，好多謝佢地送咁多野俾我羊咩女。

2015年1月24日：荷蘭美素佳兒講座

琴晚好夜訓，我差唔多3點先訓得著。
今朝要去尖沙咀聽11點既荷蘭美素佳兒講座，要9點起身，累到唔想去。

到最後，豬公同我都準時去到尖沙咀金域假日酒店低層3樓聽講座，講座內容係懷孕媽媽及寶寶營養須知＋實用育嬰技巧。
一入到會場，有人會俾啲媽媽奶我飲，之後排隊做個登記。
登記好後會俾美素佳兒＋講座資料既文件夾我地，我地拎左其中1張劵去左個攤位，聽啲職員講解美素佳兒奶粉罐既特別地方，聽完之後就會俾個懷孕3角枕我地。
之後我地搵個位置坐低，準時11點講座開始。
懷孕媽媽及寶寶營養須知，係由註冊營養師詹兆州（Samson Chim）做講師。
內容都係講啲食物既營養，對懷孕媽媽同BB有咩好處同壞處。
講解完第1節，有個小休，小休就係可以憑劵拎由美素佳兒奶粉整既燉奶。
第2節講座係實用育嬰講座，內容係講同BB沖涼前準備既野＋沖涼後既面部清潔＋飲完奶後掃風既動作。
踏正1點講座完畢，填好問卷後會送1本［共享成長歷程--愛心孕育篇］＋5包試飲裝美素佳兒媽媽奶。
即場購買1罐$199媽媽奶，送1部胎心機＋1個課程。
1個講座，令我滿載而歸。

離開酒店後，酒店樓下有人會主動俾BB用既紗巾(美國雅培)我地，同埋會有D媽媽(World Family＋uBaby)會俾我地報名。

係附近食過KFC後，我同豬公要分開離開LU。
豬公要教波，我就坐車返屋企放低野休息下，等豬公晏啲放工後，去荃灣做野＋食飯。

晚餐前食個熱既荳腐花，好好味啊。
跟住去左楊屋道1號荃新天地地面11及12號舖既T CAFE 1954，間野啲野食唔係話特別好味，只係環境較為吸引。

晚飯後行1陣街，就返屋企LU。