2017年7月31日：為感動而動起來產前講座實用手冊@美素佳兒

2017年7月31日：為感動而動起來產前講座實用手冊@美素佳兒

育嬰技巧備忘
*洗白白用品(為換片所需的用品)
*建議洗白白步驟備忘
*掃風的手法及姿勢
*建議抱寶寶的姿勢

資料來源：

美素佳兒宣傳單張

2015年5月5日：BB有啲黃，要照燈。

今日上午姑娘同我講BB有啲黃，要去3樓照燈。

食過午餐後，我落左去3樓既加護病房探BB，呢到只可以俾BB既父母入去。
入到去，見到自己既BB訓係個箱仔，帶住＜太陽眼鏡＞剝光豬咁＜晒太陽＞，忍唔住喊出黎，覺得好似帶左個BB出黎受苦。

醫生話我聽日可以出院，可以去聽出院講座。
呢個講座係每個產婦出院前都1定要聽，護士會提大家係邊到幫BB做出世紙、改名過左幾多日要罸錢、幾時要打針……等等資料性既野。

生BB時谷左痔瘡出黎，奶奶買既水泡都俾我坐爆左＝。＝

BB今日既黃疸指數係234度。

2015年3月17日：幼兒敏感知多少＋嬰兒按摩示範＠雀巢

今晚7:30PM同豬公去香港中央圖書館到聽雀巢既幼兒敏感知多少＋嬰兒按摩示範，聽講座之前，我地去左圖書館既Delifrance到食左少少野，就去演講廳到聽講座。

今次雀巢講座地點好好，香港中央圖書館既演講廳坐既位置好好。
啲人唔會因為睇唔到而要頭昂昂或左搖右擺，睇得好舒服。

幼兒敏感知多少講者係盧景勳醫生，最主要講最常見既濕疹。
對我黎講，醫生講得太深啦，哈哈。
嬰兒按摩示範最吸引我，佢地今日真係有改善，佢地用攝影機近距離直播講者做按摩既手法，值得一讚。

9點就完左個講座啦，禮物豐富。
之後同豬公去左希慎廣埸到食野，再坐車返屋企LU~~

資料性既野：
＊濕疹控制～四大方法：控制發炎、滋潤保濕、感染、止痕

＊濕疹治療種類：
－控制發炎
－滋潤保濕（一線及二線）：
外用：類固醇及非類固醇／濕裹
內服：口服類固醇／口服調節免疫系統藥物／紫外光燈（NB-UVB, UVA-1）
－感染：抗生素
－止痕：抗組織胺

2015年3月11日：為嬰幼兒身心發展加FUN＋嬰幼兒營養及育嬰示範＠雀巢

今晚同豬公去尖沙咀香港童軍中心聽雀巢既為嬰幼兒身心發展加FUN＋嬰幼兒營養及育嬰示範講座。
講座前，我地去左對面既大家樂食個晚餐先上去聽。

為嬰幼兒身心發展加FUN個講者係香港浸會大學心理學社會科學學士、前天才社首席導師及兒童心理學顧問--YOKI PANG。
一開始係講BB未出世前用音樂胎教，之後就講下出世後可以用黑點卡黎做視覺教育，大少少就可用閃卡黎教育小朋友。
跟住既講座既嬰幼兒營養及育嬰示範既內容，大致上都係講BB既營養同埋便便既顏色或質感係顯示BB腸胃既咩狀況。
而育嬰示範係講同BB沖涼既示範。

講座完左後，啲禮物都豐富嫁。KEE...^V^

完左講座，我同豬公坐地鐵去香港大學站，第1次坐去呢個站。
我地要去半山個舊顧主屋企到拎BB野，佢地送左啲BB床床褥、玩具、衫褲、口水肩、相簿、PAT PAT膏、乳墊、濕紙巾、餵食用具……好多好多野送俾我地。

資料性既野：
＊黑點卡應用：為孩子準備21張黑點卡（自製）
要在孩子情緒穩定時開始。
每日重覆演示同1張卡。
每日10次，每次保持5-10秒。

＊兒童心理發展大多取決於父母：良好的親子關係值基於彼此的溝通及了解
以兒童的眼睛來觀看他們的世界
以兒童的頭腦來了解他們的想法
以兒童的心情來體會他們的感受

＊對小朋友發脾氣時的4不：
用暴力解決問題
威脅或恐嚇孩子
與孩子爭執
批評和取笑小朋友

＊對小朋友發脾氣時，父母應：
冷靜
傾聽

＊紅點卡／閃卡
根據2009年兒童語言調查報告中發現，香港現時兒童出現嚴重語言問題及詞彙不足，很多父母都深感惶恐，不知所措！
全球早期教育實驗證明，紅點卡、閃卡能有效加速孩子腦部發展。

2015年2月10日：對抗流感強化寶寶免疫力＠悅寶貝

今晚7點本應要聽悅寶貝搞既對抗流感強化寶寶免疫力講座，但豬公認錯路，搞到大約7:30PM先到聽講座既地方。

點知，個講座突然取消左，又無電話到通知，好多參加者都白行1趟。
到最後，佢地送左個賠罪禮物俾我地。

雖然我唔鍾意佢地係無通知下取消左，搞到白行1趟，但有份小小禮物我都可以接受。

2015年1月24日：荷蘭美素佳兒講座

琴晚好夜訓，我差唔多3點先訓得著。
今朝要去尖沙咀聽11點既荷蘭美素佳兒講座，要9點起身，累到唔想去。

到最後，豬公同我都準時去到尖沙咀金域假日酒店低層3樓聽講座，講座內容係懷孕媽媽及寶寶營養須知＋實用育嬰技巧。
一入到會場，有人會俾啲媽媽奶我飲，之後排隊做個登記。
登記好後會俾美素佳兒＋講座資料既文件夾我地，我地拎左其中1張劵去左個攤位，聽啲職員講解美素佳兒奶粉罐既特別地方，聽完之後就會俾個懷孕3角枕我地。
之後我地搵個位置坐低，準時11點講座開始。
懷孕媽媽及寶寶營養須知，係由註冊營養師詹兆州（Samson Chim）做講師。
內容都係講啲食物既營養，對懷孕媽媽同BB有咩好處同壞處。
講解完第1節，有個小休，小休就係可以憑劵拎由美素佳兒奶粉整既燉奶。
第2節講座係實用育嬰講座，內容係講同BB沖涼前準備既野＋沖涼後既面部清潔＋飲完奶後掃風既動作。
踏正1點講座完畢，填好問卷後會送1本［共享成長歷程--愛心孕育篇］＋5包試飲裝美素佳兒媽媽奶。
即場購買1罐$199媽媽奶，送1部胎心機＋1個課程。
1個講座，令我滿載而歸。

離開酒店後，酒店樓下有人會主動俾BB用既紗巾(美國雅培)我地，同埋會有D媽媽(World Family＋uBaby)會俾我地報名。

係附近食過KFC後，我同豬公要分開離開LU。
豬公要教波，我就坐車返屋企放低野休息下，等豬公晏啲放工後，去荃灣做野＋食飯。

晚餐前食個熱既荳腐花，好好味啊。
跟住去左楊屋道1號荃新天地地面11及12號舖既T CAFE 1954，間野啲野食唔係話特別好味，只係環境較為吸引。

晚飯後行1陣街，就返屋企LU。