2017年8月1日：為感動而動起來準媽咪營養手冊@美素佳兒

2017年8月1日：為感動而動起來準媽咪營養手冊@美素佳兒

*圖解懷孕進程表(記錄媽媽的身體轉變&胎兒狀況)

*懷孕初期(0-15周)
身體不適和疲累是最大特徵
懷孕營養小貼士 

*懷孕中期(16-27周)
進入安定期身心狀態漸佳
懷孕營養小貼士

*懷孕後期(28-40周)
腰痛尿頻等問題近頻密
懷孕營養小貼士
懷孕期營養

*孕媽媽鐵的需求

*美素佳兒媽咪奶粉豐富鐵質來源

*營養餐單篇
懷孕期營養餐單(參考)
含懷孕期所需營養的食材

*金裝美素佳兒媽咪奶粉營養食譜篇
美味奶凍
鮮果特飲
薑汁燉奶
鮮奶麥皮

資料來源：
美素佳兒宣傳單張

2017年7月31日：為感動而動起來產前講座實用手冊@美素佳兒

2017年7月31日：為感動而動起來產前講座實用手冊@美素佳兒

育嬰技巧備忘
*洗白白用品(為換片所需的用品)
*建議洗白白步驟備忘
*掃風的手法及姿勢
*建議抱寶寶的姿勢

資料來源：

美素佳兒宣傳單張

2015年11月11日：離乳期小百科+營養食譜@美素佳兒

離乳期小百科+營養食譜@美素佳兒

呢本書仔好吸引，因為係講用奶米粉配搭唔同食物，等BB嘗試食新款食物。

美素佳兒奶米粉營養食譜

【健康腸道】-14

＊美素佳兒木瓜奶米糊-16
材料：
美素佳兒奶米粉-6湯匙
暖水-200毫升
木瓜-1/2個
做法：
1.蒸12分鐘至熟，去皮去核後壓成木瓜蓉。
2.以暖水把美素佳兒奶米粉開成奶米糊，加入木瓜蓉拌勻即可食用。

＊美素佳兒青豆紅蘿蔔奶米糊-18
材料：
美素佳兒奶米粉-6湯匙
暖水-200毫升
急凍青豆-1湯匙
紅蘿蔔-1湯匙
做法：
1.紅蘿蔔去皮切粒，和青豆一起蒸12分鐘，趁熱壓成蓉。
2.以暖水把美素佳兒奶米粉開成奶米糊，加入青豆紅蘿蔔蓉拌勻即可食用。

【骨骼及牙齒】-20

＊美素佳兒南瓜奶米糊-22
材料：
美素佳兒奶米粉-6湯匙
暖水-200毫升
南瓜蓉-2湯匙
做法：
1.南瓜去皮去核，蒸12分鐘，熟後壓成南瓜蓉。
2.以暖水把美素佳兒奶米粉開成奶米糊，加入南瓜蓉拌勻即可食用。

＊美素佳兒西蘭花奶米糊-24
材料：
美素佳兒奶米粉-6湯匙
暖水-200毫升
西蘭花(只要花，不要莖)-1/2杯
做法：
1.西蘭花用水灼熟再用攪拌機攪成蓉。
2.以暖水把美素佳兒奶米粉開成奶米糊，加入西蘭花蓉拌勻即可食用。

【腦部發展】-26

＊美素佳兒三文魚蕃茄奶米糊-28
材料：
美素佳兒奶米粉-6湯匙
暖水-200毫升
三文魚柳-1/4杯
蕃茄-1湯匙
做法：
1.三文魚去皮去骨，切粒。
2.蕃茄去皮去核，切粒。
3.三文魚和蕃茄蒸8分鐘至熟，以攪拌機攪成蓉。
4.以暖水把美素佳兒奶米粉開成奶米糊，加入魚茄蓉拌勻即可食用。

＊美素佳兒牛油果蛋黃奶米糊-30
材料：
美素佳兒奶米粉-6湯匙
暖水-200毫升
牛油果-1/4杯
雞蛋黃-1個
做法：
1.牛油果蒸8分鐘至軟身後，去皮去核壓成蓉。
2.雞蛋用水煮熟，取出蛋黃壓成蓉。
3.以暖水把美素佳兒奶米粉開成奶米糊，加入牛油果蓉及蛋黃蓉拌勻即可食用。

【肌肉發展】-32

＊美素佳兒蘋果提子奶米糊-34
材料：
美素佳兒奶米粉-6湯匙
暖水-200毫升
蘋果-2安士
提子乾-1湯匙
做法：
1.蘋果去皮去核，切成細粒狀，蒸8分鐘至軟身。
2.將提子乾和蘋果粒用攪拌機攪成蓉。
3.以暖水把美素佳兒奶米粉開成奶米糊，加入提子蘋果蓉拌勻即可食用。

＊美素佳兒紅蘿蔔吞拿魚奶米糊-36
材料：
美素佳兒奶米粉-6湯匙
暖水-200毫升
吞拿魚柳-1湯匙
紅蘿蔔-2湯匙
做法：
1.紅蘿蔔去皮，切粒。
2.吞拿魚去皮去骨，切粒。
3.紅蘿蔔和吞拿魚一起蒸8分鐘至軟身，趁熱壓成蓉。
4.以暖水把美素佳兒奶米粉開成奶米糊，加入吞拿魚紅蘿蔔蓉拌勻即可食用。

【提供能量】-38

＊美素佳兒香蕉奶米糊-40
材料：
美素佳兒奶米粉-6湯匙
暖水-200毫升
香蕉-1/2隻
做法：
1.香蕉去皮蒸8分鐘，熟後壓成蓉。
2.以暖水把美素佳兒奶米粉開成奶米糊，加入香蕉蓉拌勻即可食用。

＊美素佳兒雞蓉蕃薯奶米糊-42
材料：
美素佳兒奶米粉-6湯匙
暖水-200毫升
鮮雞肉-1/4杯
蕃薯-1湯匙
做法：
1.蕃薯去皮，切粒。
2.雞肉去皮切碎，和蕃薯一起蒸12分鐘，熟後連蒸雞汁將蕃薯壓成蓉。
3.以暖水把美素佳兒奶米粉開成奶米糊，加入雞肉蕃薯蓉拌勻即可食用。

寶寶餐單：

年齡	6個月	7-8個月	9-11個月	12個月或以上
早餐	*約6安士 母乳或配方奶	*約6安士 母乳或配方奶	*約6安士 母乳或配方奶	*半碗穀物早餐 *約6安士 母乳或配方奶
小食	*1-2湯匙果汁 (蘋果/啤梨)	*2湯匙果汁 *生果或蔬菜蓉 (蘋果/香蕉/南瓜/蕃薯)	*蒸軟的去皮生果粒 (蘋果/香蕉/啤梨)	*100-120毫升果汁或 半個生果
午餐	*半碗美素佳兒奶米糊 *1-2湯匙蔬菜蓉 *清水	*半碗美素佳兒奶米糊 *半-1湯匙魚/肉蓉 *1-2湯匙蔬菜蓉 *清水	*半-1碗美素佳兒奶米糊/粥仔 *1湯匙肉碎 *2湯匙蔬菜粒 *清水	*1碗飯/粉麵/薯類 *1-2湯匙肉粒 *4湯匙蔬菜粒 *清水
下午茶	*約6安士 母乳或配方奶	*約6安士 母乳或配方奶	*約6安士 母乳或配方奶	*約6安士 母乳或配方奶
小食	*100毫升1:1稀釋的果汁或 1-2湯匙自製生果汁	*100毫升1:1稀釋的果汁或 1湯匙生果蓉	*1/4碗水果粒/ 蔬菜條/去皮全麥多士條/ 嬰兒餅乾	*美素佳兒奶米糊/ 去皮全麥多士/ 嬰兒餅乾/ 芝士條/乳酪
晚餐	*約6安士 母乳或配方奶	*半碗米糊 *半-1湯匙魚/肉蓉 *1-2湯匙蔬菜蓉 *清水	*半-1碗米糊/粥仔 *1湯匙肉碎 *2湯匙蔬菜粒 *清水	*1碗飯/粉麵/薯類 *1-2湯匙肉粒 *4湯匙蔬菜粒 *清水
睡前 小食	*約6安士 母乳或配方奶	*約6安士 母乳或配方奶	*約6安士 母乳或配方奶	*約6安士 母乳或配方奶

資料來源：
離乳期小百科+營養食譜@美素佳兒

2015年11月10日：美素佳兒-為寶寶選擇第一口糊仔

【為甚麼要引入固體食物？】

註冊營養師詹兆洲

註冊營養師詹兆洲指出從成長及營養角度來說，進食固體食的主要目的是確保寶寶有足夠的營養去維持健康成長，讓寶寶適應日後的飲食習慣。

寶寶身體中的鐵質儲備大約於六個月便消耗無幾，基於這個因素之下，世界衛生組織的幼兒餵哺指引建議由六個月起開始為寶寶引入固體食物。

【何時開始食固體食物？】

世界衛生組織建議由六個月起開始為寶寶引入固體食物，但由於每個寶寶的成長進度不一，就如學行一樣，並沒有所謂的標準。

一般來說，於建議期前後開始引入固體食物都屬正常。

建議父母要放鬆心情，切勿比較，不用怕追不上進度而感氣餒或強迫寶寶進食固體食物。

父母可留意寶寶有否出現以下適合引入固體食物的發展特徵：

－頭頸能夠自行挺直

－開始不斷流口水

－有口水積存在口舌底及下顎中

－懂得用嘴含著小匙羮

如果寶寶用舌頭頂開匙羮或將頭擰開，代表寶寶還未準備好，可待約一星期後再嘗試。

【引入固體食物小貼士】

－環境準備

＊準備一個固定的位置及座位，培養寶寶進餐的習慣及氣氛

＊座位必須安全及舒適，如高餐椅或活動嬰兒餐椅等

＊寶寶的座位高度需與父母同一水平，讓父母看到寶寶的表情和反應，有助互動及溝通

＊避免電視及玩具等騷擾，讓寶寶能專心進食，同時培養日後用餐時的良好習慣

－心理準備

＊選擇寶寶精神充足及心情輕鬆的時間嘗試固體食物，如剛睡醒的時間，較容易接受新食物

＊進餐前向寶寶預告引入固體食物，先讓寶寶完成一套固定動作，如洗手、圍上口水肩等，之後用熟悉的聲音告知寶寶將要嘗試新食物，再將少量食物放在他的嘴唇上，讓寶寶作好心理預備

＊進餐時應保持愉快的氣氛，讓寶寶享受進餐樂趣，勿將餐桌變為親子的戰場或角力的地方

＊寶寶進餐時哭及吐是正常反應，因為固體食物無論味道、氣味、質感等對寶寶來說都是陌生的新嘗試，可能會帶來不安的情緒

＊保持耐心，先安撫寶寶情緒，再不斷重覆的嘗試餵食。每種食物可以連續嘗試六至八餐為一循環。如未能適應，可在五天後再嘗試

【餵食知多啲：要讓寶寶盡情體驗食物】

＊除了預備餵給寶寶的一份食物外，多預備一份較少的食物給寶寶體驗

＊讓寶寶盡情用手去體驗食物，幫助寶寶學習及訓練手眼協調

＊如果寶寶被食物弄髒了嘴臉，不要緊也不用急著幫寶寶清理，只需確保寶寶放進口的食物是衛生就可以了

【蘋果提子奶米糊】

材料：

美素佳兒奶米粉－6湯匙

蘋果－2安士

暖水－200毫升

提子乾－1湯匙

做法：

1.蘋果去皮去核，切成細粒狀，蒸8分鐘至軟身。

2.將提子乾和蘋果粒用攪拌機攪成蓉。

3.以暖水把美素佳兒奶米粉開成奶米糊，加入提子蘋果蓉拌勻即可食用。

觀看更多食譜，立刻動手製作感動滋味：cereal.friso.com.hk

資料來源：

美素佳兒-為寶寶選擇第一口糊仔

2015年4月24日：懷孕週記

懷孕週記：

6週前：
＊身體超累，體溫異常高左好多日。
＊以前唔鍾意食既咖喱魚蛋、燒賣既野，突然好想食。

6週：
＊驗孕，發現自己有左（9月18日，1:40PM）。
＊又驚又喜，喜既原因當然係有左啦；而驚既原因係我連續1星期都係黎血絲，以為自己係黎M，原來係見紅＋流啡。（9月18日，1:40PM）
＊係醫院照到BB，好似一粒彎彎既腰果，醫生話仲係1粒囊，未著床好，所以要訓多D。（9月19日，1:10PM）
＊再1次見流啡入醫院，擔心到喊左出黎，好彩BB無事。（9月21日，00:09AM）
＊豬公好好，佢擔心我係浴缸冼到，買左浴缸防滑墊俾我用。（9月21日，10:29PM）

7週：
＊我妹妹黎幫我拎啲行李去姑姐屋企到「渡假」，等我可以順利過渡懷孕3個月（9月25日，10:30AM）。
＊今日有豬公陪我去做早期妊娠評估。（9月29日，9:22AM）
＊162CM，46.05KG，血壓101/57，心跳76。（9月29日，9:22AM）
＊早期妊娠評估，見醫生做一D評估，例如：個人病歷，家族病歷等等評估，同埋照一照BB。（9月29日，10:00AM）
＊登記左聯合醫院生BB，將軍澳醫院做產前檢查。（9月29日，10:00AM）
＊可能琴日醫生用左鴨咀鉗幫我做檢查，令到今日有啲流啡。（9月30日，全日）

8週：
＊第1次政府產檢，今次都係問下啲病歷，無得照超聲波見BB。（10月7日，2:15PM）
＊醫生會建議聽政府既產前及產後既講座。（10月7日，2:15PM）

9週：
＊本應今日要去聯合醫院聽嬰幼兒培育講座，但由起床到等車期間都見頭暈，到最後去唔到聽。好彩有豬公係我身邊，如果唔係我暈左係條街到。（10月11日）
＊牙肉腫左。（10月12）
＊我姑姐買左啲BB衫仔俾BB，BB你真係幸福啦，收到第1份禮物。（10月13日）

10週：
＊第1次私家產檢，好緊張啊，好快會見到BB，同埋會有2張相仔俾我。（10月15日，5:33PM）
＊私家醫生話我有少少糖尿，可能我早幾個鐘前飲左杯檸蜜，希望下次再驗無事啦。（10月15日，5:33PM）
＊去聯合醫院聽嬰兒護理講座。（10月18日，11:30AM）

11週：
＊今日去聯合醫院聽母乳哺飼。（10月25日）
＊今晚終於返屋企訓啦。訓訓下中途要落床去洗手間時，唔知係咪對腳無咩肌肉，左腳腳仔1軟，我就跌左係地下啦，豬公嚇到唔知點做。（10月26日）

12週：
＊162.3CM，46.35KG（10月30日，2:25PM）
＊產前門診：聽心肺（10月30日，2:30PM）
＊頸皮紋超聲波：照超聲波（10月30日，2:30PM）
＊唐氏綜合症檢查（OSCAR）：抽血驗（10月30日，4:00PM）
＊終於唔係因為要做產檢／聽講座而要出門，今晚豬公帶我去尖沙咀睇3D光雕。（11月3日）

7週-12週：
＊因為間唔中都會作小產，所以去左姑姐屋企住滿懷孕3個月。
＊由於長時間都係訓床，2條小腿都無力，無晒肌肉，行路都會經常腳仔軟，發軟蹄。
＊經常頭暈＋無力。

13週：
＊今日成日都係肚痛＋肚痾＋想嘔＋流啡，等豬公放工後，陪我去屯門醫院睇急症。（11月9日，7:37PM）
＊BB依家好似粒花生咁，好得意。（11月9日，7:37PM）
＊腰骨超痛，網購左既月型枕頭終於到左香港左啦。（11月10日，11:19PM）

14週：
＊BB係我肚到100日啦，食左Paul Lafayet既Rose Raspberry Macaron黎慶祝。（11月13日，6:39PM）
＊好多謝我表妹拎左個月型枕頭＋2套大肚婆內衣褲俾我。（11月14日）
＊突然流啡，見流得唔多，無去醫院睇急症。（11月17日）

15週：
＊豬公買左個驚喜俾我，係1個紅外線燈仔，方便我夜晚去洗手間時用，唔想我再1次跌倒。（11月19日）
＊情緒失控，係咁喊，喊到眼都痛。（11月20日）
＊私家產檢，再1次見到BB啦。今次諗住睇下BB係男定女，點知BB夾實左個大脾仔，唔俾我地知。（11月25日，6:11PM）

16週：
＊終於見肚啦，地鐵有人讓位俾我。（11月30日）

17週：
＊係社區健康中心到度高磅重，161CM，46KG。（12月5日，3:31PM）

18週：
＊政府產檢，上磅重48.45KG，血壓108/60，心跳100。（12月11日，2:27PM）
＊今次只係聽BB心跳聲，無得照超聲波睇BB。（12月11日，2:45PM）
＊私家產檢建議我每個月要重1磅，但我已經去到重10磅（即110磅），所以要食少D宵夜先得。（12月16日，5:31PM）
＊BB仍然夾實左個大脾啊，睇唔到男仔定女仔，醫生話好大機會係女仔。（12月16日，5:31PM）

19週：
＊今日豬公送左份聖誕禮物俾我同BB，係1個崖上的波兒音樂盒，「脹卜卜，哈哈笑，整天在笑」。（12月23日）

20週：
＊感覺到BB踢我啦，期待既感覺。哈哈。（12月26日，9:25PM）
＊我既左手放係豬公既手背上，1齊感受到BB郁動。（12月28日，11:10PM）
＊呢日做結構性超聲波（懷孕18-22週），醫生講解得好詳細，最後都係睇到好大機會係女仔。（12月29日，4:36PM）
＊結構性超聲波$2000，包1份報告＋1隻光碟＋好多張相。（12月29日，4:36PM）
＊情緒又再失控，今日係咁喊。（12月30日）

21週：
＊覺得自己個肚好低、好細，趁吉之島有折，買左個托腹帶俾自己做新年禮物。哈哈，成日俾自己多個藉口買野。（1月1日，3:04PM）

23週：
＊近呢3日都肚痛，1日唔只1次便便，BB又唔多郁喎。心有不安既感覺，約左聽日見私家醫生。（1月14日，10:08AM）
＊私家醫生話我有腸炎，如果跟住呢3-4星期都仲係咁就要見多次醫生。（1月15日，5:04PM）
＊今次上磅115磅，仲要驗到有糖尿，醫生建議我從飲食著手，食少糖少澱粉既食物。（1月15日，5:04PM）

24週：
＊政府產檢，血壓97/62，心跳100，重52KG，糖尿正常。今次產檢都係聽心跳，唔使5分鐘就見完醫生，超快。（1月22日，1:55PM）
＊聽荷蘭美素佳兒講座，得到個懷孕3角枕，側訓時用好舒服。（1月24日，11:00AM）
＊政府抽血驗糖尿。（1月26日，4:35PM）

26週：
＊呢排1上到床要做轉身既動作時，個PatPat位超痛，痛到要流眼水T.T。（2月6日）
＊最近大部份訓醒時間，隻腳都有接近抽筋既情況出現=.=。（2月7日）
＊著鞋都會令到我腳指抽筋。（2月8日）
＊今日去左做4D（懷孕25-28週），體重有54KG，重左大約19磅。（2月9日）
＊今日做4D，$1000包1隻碟+有17張相。只係照個頭仔，輪廓都算係清楚，見到羊咩女捽眼、張開口、張開手、鼻大，哈哈，好得意。（2月9日，2:30PM）
＊係永安買左1套9折左$788既BB衫＋褲＋帽＋手套＋腳套，送俾羊咩女。（2月9日，4:53PM）

27週：
＊我妹陪我去左佐敦聽悅寶貝搞既坐月十大注意事項，內容好吸引，聽完個講座會有心郁郁想請返個陪月員，哈哈。（2月13日，7:00PM）
＊今朝食住個早餐，見到個肚係咁震，但又震得好有規律，上網搵下資料，有機會BB係我個肚到打嗝，好得意。（2月17日，8:36AM）

28週：
＊新年快樂！BB係我肚到同我1齊過農曆新年，好開心！（2月19日）
＊哈哈，俾我拍到BB彈我個肚。（2月24日，9:20AM）

29週：
＊今日去左太子BB CARE 聽母乳達人講座。（2月25日，3:30PM）
＊個肚好實，好唔舒服，呢排都係咁，上網睇話係子宮收縮。（2月25日）
＊政府產檢，血壓104/61，心跳93，體重55.15KG。（2月26日）
＊驗尿時，糖尿合格，但蛋白肥佬左，第驗2次先合格。（2月26日）
＊見醫生先知懷孕証明書係要問先有，唔問就無；同醫生講個肚有時好實，佢話好多孕婦都有，原來係子宮收縮，但要留意下有無流血、流啡或痛得密，如果有就要睇急症，有機會早產。（2月26日）
＊抽筋抽密左，今朝抽完右腳，再抽埋左腳。T.T（2月27日）

30週：
＊今晚同豬公去左童軍中心聽美贊臣既輕鬆分娩＋嬰兒按摩。（3月4日，7:30PM）
＊今日開始返娘家待產。（3月5日）
＊又開始有頭暈啦，加埋嘔，最後要CALL白車。（3月5日）
＊轉送到聯合醫院，醫生見我有子宮收縮出現，要我吊鹽水，食防子宮收縮藥＋打PAT PAT針加強BB既心肺功能。（3月6日）
＊繼續住院＋豬公第1次幫我剪腳甲。（3月7日）
＊豬公黎接我出院。（3月8日，6:30PM）
＊第1次感覺到漏奶水。（3月10日）
＊今日係私家產檢，121磅，無糖尿，血壓正常。醫生話BB有3磅幾重，預計出到黎有7磅左右，屬中SIZE BB（3月10日，5:30PM）

31週：
＊琴日同今日都抽左腳，痛死我TAT（3月11日）
＊發夢見到自己見紅，嚇到醒左。（3月13日）
＊等車期間，又黎頭暈，眼前既野黑晒，好彩有豬公係到，帶我坐低休息。（3月14日）
＊今日去左西貢獅子會自然教育中心影大肚相，影得好靚，好開心。（3月14日）
＊初生嬰兒護理知多少&湊B攻略＠雅培。（3月15日）
＊今日00:00開始禁食，因為訓醒要做葡萄糖耐量測試。（3月16日）
＊等車期間，因為禁食左1段時間，差啲又暈，好彩有媽咪係到。（3月16日）
＊去到醫院，登記左後，開始係右手抽血。之後飲1杯紙杯SIZE既糖水，超甜，甜到會覺得苦，好難飲。（3月16日，8:50AM）
＊抽完血，飲完糖水，都仲未食得野。仲要等多2個鐘，再抽多1次血。（3月16日，10:50AM）

32週：
＊好開心，今日收到上星期6影既大肚相光碟。（3月18日）
＊今晚陪媽咪去金舖買金器俾BB。（3月21日，8:14PM）
＊今日媽咪陪我去聽講座，我買左個安康檢既100+檢驗代謝病服務，$1600。（3月22日）
＊原來大肚婆個鼻真係好靈敏嫁，我媽咪煮左個麵俾豬公食，但係食之前俾我聞到陣味怪怪地，先發覺包麵係過左期，就係咁俾豬公話我係1隻識搵黑松露既野豬=.=。（3月22日）

33週：
＊今日去醫院做產檢，血壓：93/57，心跳：94，體重：54.8KG。（3月26日，3:00PM）
＊醫生見我最近入左院，見到寫住胎水過多，所以安排我今日做多個照羊胎水檢查。上次係33度，今次係15度，正常返。（3月26日）
＊豬公今朝同羊咩女隔住我個肚皮玩左好耐，羊咩女俾左好多反應豬公，睇到豬公好開心。（3月29日）
＊呢排BB活動力好強，我個肚成日都地震咁係到震。（3月30日）

34週：
＊又流奶水（4月4日）

35週：
＊私家做產檢，血壓正常，體重有122磅，有少少蛋白（醫生建議飲多啲水）。（4月9日）
＊BB頭位好低，好處係如果順產時，可以唔使痛咁耐就生得。壞處係行路會行得好慢。（4月9日）
＊BB依家有5磅，預計出世有6磅。（4月9日）
＊醫生今次教我地數胎動，醫生教我係9個鐘入面要數到有10組活動（BB要全身郁動）。（4月9日）
＊政府產檢，重55.50KG，第1次血壓係97/62，心跳108下唔合格，尿蛋白唔合格；第2次血壓係103/65，心跳85下正常返，尿蛋白仍然唔合格。（4月13日）
＊今日最主要係做B型（乙型）鏈球菌測試，好快搞掂，只係用棉花棒掂1掂分泌物拎去檢查。如果唔好彩中左，係順產生BB時，要打抗生素針。（4月13日）

36週：
＊突然氣管敏感。（4月18日）
＊去尿尿去唔清啦，要郁1郁個肚先去到少少。（4月18日）
＊喉嚨好似發炎，腫左。（4月19日）
＊今日開始飲蓮蓬鬚水，味道好似桑寄生茶，澀澀地。（4月19日）
＊咳死我啦，臨近生先黎病，唔知係好定唔好。（4月20日）

37週：
＊今日飲嬸嬸教媽咪煲既腐竹洋薏米水黎飲，加少少冰糖就可以變糖水。味道好味，唔加糖飲既話可以當水飲多少少，清熱毒。（4月22日）
＊左邊腰＋Pat Pat＋腳都好痛啊，痛到喊左出黎。（4月24日）
＊今日政府產檢，血壓103/66，心跳85，重56.25KG，血糖正常，但尿蛋白2次都唔合格，有啲擔心添。（4月27日）
＊醫生話B鏈球菌合格，消除左個疑慮。（4月27日）
＊照超聲波時，BB個頭仔已向下啦，準備好出世。（4月27日）

——————————

生B醫院：聯合醫院
政府產檢：將軍澳醫院
私家產檢：黃逸華醫生（每次產檢$400，包幾張相）；龔羽一醫生（結構性超聲波$2000，10多張相＋1隻光碟＋1份報告；4D $1000，10多張相＋1隻光碟）

2015年1月24日：荷蘭美素佳兒講座

琴晚好夜訓，我差唔多3點先訓得著。
今朝要去尖沙咀聽11點既荷蘭美素佳兒講座，要9點起身，累到唔想去。

到最後，豬公同我都準時去到尖沙咀金域假日酒店低層3樓聽講座，講座內容係懷孕媽媽及寶寶營養須知＋實用育嬰技巧。
一入到會場，有人會俾啲媽媽奶我飲，之後排隊做個登記。
登記好後會俾美素佳兒＋講座資料既文件夾我地，我地拎左其中1張劵去左個攤位，聽啲職員講解美素佳兒奶粉罐既特別地方，聽完之後就會俾個懷孕3角枕我地。
之後我地搵個位置坐低，準時11點講座開始。
懷孕媽媽及寶寶營養須知，係由註冊營養師詹兆州（Samson Chim）做講師。
內容都係講啲食物既營養，對懷孕媽媽同BB有咩好處同壞處。
講解完第1節，有個小休，小休就係可以憑劵拎由美素佳兒奶粉整既燉奶。
第2節講座係實用育嬰講座，內容係講同BB沖涼前準備既野＋沖涼後既面部清潔＋飲完奶後掃風既動作。
踏正1點講座完畢，填好問卷後會送1本［共享成長歷程--愛心孕育篇］＋5包試飲裝美素佳兒媽媽奶。
即場購買1罐$199媽媽奶，送1部胎心機＋1個課程。
1個講座，令我滿載而歸。

離開酒店後，酒店樓下有人會主動俾BB用既紗巾(美國雅培)我地，同埋會有D媽媽(World Family＋uBaby)會俾我地報名。

係附近食過KFC後，我同豬公要分開離開LU。
豬公要教波，我就坐車返屋企放低野休息下，等豬公晏啲放工後，去荃灣做野＋食飯。

晚餐前食個熱既荳腐花，好好味啊。
跟住去左楊屋道1號荃新天地地面11及12號舖既T CAFE 1954，間野啲野食唔係話特別好味，只係環境較為吸引。

晚飯後行1陣街，就返屋企LU。

2015年1月20日：自製BB聽筒@Frisomum HK 美素佳兒媽咪奶粉

Frisomum HK 美素佳兒媽咪奶粉

已讚好的專頁 · 2015年1月12日 · 已編輯 · 

 

準爹地唔似準媽咪咁，可以隨時同BB互動，感受BB嘅感覺。所以呢位韓國準爹地就自製咗一個BB聽筒，超
有愛呀！唔知呢度嘅準爹地同BB有冇啲得意嘅互動呢？可以一齊分享吓～

資料來源：http://bit.ly/1B0yVh9

資料來源：

https://www.facebook.com/frisomumHK/photos/a.213908892085110/497087750433888/?type=3&theater