20180214：情人節+年29

20180214：情人節+年29

今日係情人節+年29，祝大家情人節快樂！+預祝新年快樂！

前1日，入去西貢周圍逛下時，俾啲蝴蝶蘭吸左入去。

呢間店雖然無咩門面裝潢，但入面放左唔少細細盤既蝴蝶蘭+細盤桔仔，吸引到我呢啲住蝸居既人。

店主好好人，佢唔單只教我呢啲初學者點樣種蝴蝶蘭，仲唔介意我問左好多我見過而唔知叫咩名既植物名。

由於趕住返去接羊咩女，買左細盤既蝴蝶蘭就即走，無留意到間店叫咩名。
只知道佢係西貢新村牌坊附近。

︽︽︽

間店係相中既右邊，紅色的士既附近。

2015年3月14日：白色情人節＋影大肚相＋西貢BBQ

今日係白色情人節＋BB仲有2個月就出世，我專登選呢日黎影大肚相。

訓醒執好個樣後，就同豬公帶齊BB既髮夾同鞋仔就出門。

等車期間，又黎料啦，個人突然好累，眼前既野突然黑左，成個人軟晒。

豬公帶我坐低後，係咁問我野，我只係聽到，無辨法應到佢。

無咩事後，我地繼續等車出去食野（冬蔭公公）。

大約2點就坐車入西貢，2點半左右就到西貢獅子會自然教育中心，攝影師同佢太太都到左等我地。

果到環境好靚，只係行得辛苦少少。

天氣雖然天陰陰，仲有毛毛雨，但攝影師都影得好靚，影到好似陽光普照咁，哈哈。

影完相，同豬公去左西貢中心附近食左個下午茶。

再行去叔叔屋企BBQ慶祝3月份生日既屋企人。

今日好開心，影靚相＋同親戚慶祝3月份生日既壽星女（姑姐同表姐）。

2015年1月25日：胎心機 Angel Sounds

同豬公係荃灣食過飯後，行左1陣就返屋企玩胎心機 Angel Sounds。

用法好簡單，入左嚿方形電，插好耳筒，係肚皮到塗啲啫喱（可用蘆薈啫喱），將部機係肚皮到慢慢郁，就會聽到。

今日我既叔叔＋嬸嬸由西貢車左D BB野俾我，有BB床＋BB車＋學行車＋彈彈帶＋揹帶＋沖涼盤，好多謝佢地送咁多野俾我羊咩女。