20190717：【獨家測試報告】11款嬰幼兒防曬產品通過安全測試 附醫生教使用防曬產品需知@Oh!爸媽

20190717：【獨家測試報告】11款嬰幼兒防曬產品通過安全測試 附醫生教使用防曬產品需知@Oh!爸媽

1. 露得清Neutrogena Pure & Free 嬰兒防曬乳液 SPF 50
2. 安耐曬Anessa 倍呵防曬乳 SPF34 PA+++
3. 施巴Sebamed 幼兒防曬潤膚露 SPF30
4. 和光堂Wakodo 嬰兒保濕防曬霜 SPF35 PA+++
5. Babyganics 嬰兒童防曬乳液SPF50 +
6. The Pure I’m Kids嬰幼兒防曬霜SPF50+, PA+++
7. Pigeon 嬰幼兒UV防水防曬乳液SPF50 / PA ++++
8. Sunplay新碧　兒童多效防曬霜SPF 50+ PA +++
9. 加州寶寶California Baby 香茅防曬SPF 30
10. Aveeno 嬰兒低敏溫和防曬乳SPF 50 PA ++++
11. Pediakid 幼兒防曬乳液SPF 30

先塗防曬還是防蚊乳液？
另外，進行戶外活動時，如需要同時防避蚊叮及日曬，應先在皮膚上塗上防曬，再塗防蚊乳液。原因是防蚊乳液是靠氣味來干擾蚊子，不應把其覆蓋。另外，游泳時必須塗上能防水的防曬產品，以免其功效減低。

資料來源：
http://www.ohpama.com/434649/safetycentre/%E6%9C%80%E6%96%B0%E5%A0%B1%E5%91%8A-12%E6%AC%BE%E5%AC%B0%E5%B9%BC%E5%85%92%E9%98%B2%E6%9B%AC%E7%94%A2%E5%93%81%E9%80%9A%E9%81%8E%E5%AE%89%E5%85%A8%E6%B8%AC%E8%A9%A6-%E9%99%84/

----------

安全中心 July 17, 2019

【獨家測試報告】11款嬰幼兒防曬產品通過安全測試 附醫生教使用防曬產品需知

暑假將至，不少家長都喜歡帶小朋友進行戶外活動，而曝露在猛烈陽光下，必須做好防曬措施。然而外國曾有研究發現，許多防曬乳中含有類雌激素，或會擾亂內分泌系統。水中銀（國際）生物科技有限公司的小魚親測平台最近從市面上抽樣檢測多款嬰幼兒專用防曬乳樣本，採用斑馬魚胚胎急性毒物測試技術、轉基因鯖鱂魚胚胎慢性毒物測試技術和禁用成分篩查，結果平台建議給婴幼兒的11款防曬乳安全（綠魚）榜單如下﹕

1. 露得清Neutrogena  Pure & Free 嬰兒防曬乳液 SPF 50

2. 安耐曬Anessa 倍呵防曬乳 SPF34 PA+++

3. 施巴Sebamed 幼兒防曬潤膚露 SPF30

4. 和光堂Wakodo 嬰兒保溼防曬霜 SPF35 PA+++

5. Babyganics 嬰兒童防曬乳液SPF50 +

6. The Pure I’m Kids嬰幼兒防曬霜SPF50+, PA+++

7. Pigeon 嬰幼兒UV防水防曬乳液SPF50 / PA ++++

8. Sunplay新碧  兒童多效防曬霜SPF 50+ PA +++

9. 加州寶寶California Baby 香茅防曬SPF 30

10. Aveeno 嬰兒低敏溫和防曬乳SPF 50 PA ++++

11. Pediakid 幼兒防曬乳液SPF 30 

除了參考以上測試結果，應用防曬產品時，還有甚麼要注意呢？若真的不幸曬傷，又應該怎樣做？一起來聽聽皮膚科專科醫生陳厚毅的意見。

SPF與PA是甚麼？

我們經常看見防曬產品上有SPF與PA的字眼，到底是指甚麼呢？陳醫生解釋， SPF是對抗紫外線B（UVB）的防曬系數，而PA則是對抗紫外線A（UVA）的防曬值。UVB會曬傷皮膚，UVA則不會曬傷皮膚，但卻會令皮膚老化，並增加人患皮膚癌的機會；故此人們應選擇可同時對抗UVA及UVB的防曬。在香港的環境，使用SPF30及PA+的防曬產品，就足以於進行戶外活動時有效防曬。

^皮膚科專科醫生陳厚毅

物理防曬vs化學防曬

市面上銷售的防曬產品大致上分為「物理防曬」及「化學防曬」，二者防曬的原理不同，各有優缺點﹕

物理防曬﹕原理為利用表面反射物料，將紫外線反射，阻止其照射皮膚，從而產生防曬作用。物理防曬的好處是較少機會引起皮膚敏感，而缺點則是呈銀白色，塗於皮膚上觀感欠佳。

化學防曬﹕主要成分為化學因子，能吸收紫外線之後將其分解，從而達到防曬的效果。化學防曬產品的質地較為清爽、稀薄，但用後產生敏感的機會比較大。

^夏天到了，許多人都喜歡「跟陽光玩遊戲」。

為小朋友選擇防曬產品的原則

陳醫生表示，小朋友皮膚幼嫩，比較容易敏感，建議使用物理性防曬的產品。他同時提醒，有些防曬產品標榜成分天然，並不表示不會引起皮膚敏感，若小朋友本身患有濕疹，家長為他們塗上防曬產品時，更需額外留意塗後的皮膚狀況。另外，一些防曬產品所含的防腐劑，亦有可能令小朋友皮膚敏感，選擇時也需要注意。

先塗防曬還是防蚊乳液？

另外，進行戶外活動時，如需要同時防避蚊叮及日曬，應先在皮膚上塗上防曬，再塗防蚊乳液。原因是防蚊乳液是靠氣味來干擾蚊子，不應把其覆蓋。另外，游泳時必須塗上能防水的防曬產品，以免其功效減低。

曬傷怎麼辦？

夏日陽光猛烈，若真的不慎曬傷皮膚，應如何處理呢？陳醫生指，曬傷後暫時不應讓皮膚再接觸陽光，並應為皮膚降溫，例如以清水沖洗或用冰敷，然後再進行適當的保濕，在皮膚上塗蘆薈液或潤膚膏。若情況嚴重，可在傷處塗上止痛藥，並謹記千萬不要抓曬傷的皮膚。要是嚴重得皮膚有損傷，則可能要塗上抗生素，令其加速痊癒。一般而言，皮膚曬傷不會造成即時的危險，卻會增加患皮膚癌的機會，故應盡量減少曬傷的機會。

20190617：【嬉水】美國兒科醫學會不建議使用浮臂、水泡 醫生歸納出11項泳池安全要點@Oh!爸媽

20190617：【嬉水】美國兒科醫學會不建議使用浮臂、水泡 醫生歸納出11項泳池安全要點@Oh!爸媽

11項泳池安全要點

• 不要讓視線離開你的孩子片刻，且應指派一名「觀察員」專心顧著小孩。
• 當沒有經驗的孩子，從事水中活動時，一定範圍內，一定要有個會游泳及CPR能力的成年人在附近。
• 避免使用「充氣式游泳輔助設備」，如：”漂浮物”。它們不能替代經認證核可的救生衣，並且會給兒童和父母帶來虛假的安全感。
• 保持救援設備在附近，如：救生圈或牧羊人的鉤子。並且有支靠近泳池的電話。
• 如果是家中的泳池，四周應有高120公分左右的圍欄，避免小孩誤闖。也要設置警報器及相關安全設備。(但這條較為適合於外國)
• 1歲以上的小朋友學游泳，可以降低溺水的風險。但目前沒有證據指出，未滿1歲的小孩學，可以降低風險。
• 參加正式的游泳課程，可以大幅降低兒童溺水死亡的可能性，達88％。
• 評估小朋友的發展和心態準備，父母在1歲之後，應安排游泳的課程給他們。
• 大型充氣的泳池，可能會有傾倒的風險，且不易在四周加上護欄，在使用時應小心。
• 如果小孩不見了，快去泳池找他！
• 記得和親朋好友、街坊鄰居，分享泳池的安全須知。

各位家長不應視充氣游泳輔助設備為救生用途，宜應當玩具。最重要是讓孩子們學游泳，才是防溺水的最好方法﹗

資料來源：
http://www.ohpama.com/431340/24parent/%e7%be%8e%e5%85%92%e7%a7%91%e9%86%ab%e5%ad%b8%e6%9c%83%e4%b8%8d%e5%bb%ba%e8%ad%b0%e7%94%a8%e6%b5%ae%e8%87%82%e6%b0%b4%e6%8a%b1-11%e9%a0%85%e6%b3%b3%e6%b1%a0%e5%ae%89%e5%85%a8%e8%a6%81%e9%bb%9e/

----------

親子新聞 2019年6月17日

【嬉水】美國兒科醫學會不建議使用浮臂、水泡 醫生歸納出11項泳池安全要點

夏日炎炎，帶小朋友到游泳池消暑是最好的節目，但大前題是他們懂得游水。有些人認為不懂，套上「水泡」便不會溺水，這種思想是錯誤的。台灣家庭醫學科陳崇賢在Facebook 分享美國兒科醫學會建議，並歸納出11項泳池安全要點。

父母為求安心，總會為孩子配載充氣游泳輔助設備。美國兒科醫學會則不建議孩子使用浮臂，因這容易令父母掉以輕心，不注意小孩漂浮到那裏。

加上還有風險是漏氣後沒有浮力、浮具脫落等，所以美國救生協會曾發表一說法：「如果你不能在那兒游泳，就不要漂在那兒。」

另外充氣游泳輔助設備有礙於學習，因小朋友只能垂直漂在水中的狀態。若果學游泳時，不能將頭部和身體完全浸在水中，將無法學習一些最基本且重要的技術，如：「浮力」、「平衡」和「呼吸控制」。

11項泳池安全要點

• 不要讓視線離開你的孩子片刻，且應指派一名「觀察員」專心顧著小孩。
• 當沒有經驗的孩子，從事水中活動時，一定範圍內，一定要有個會游泳及CPR能力的成年人在附近。
• 避免使用「充氣式游泳輔助設備」，如：”漂浮物”。它們不能替代經認證核可的救生衣，並且會給兒童和父母帶來虛假的安全感。
• 保持救援設備在附近，如：救生圈或牧羊人的鉤子。並且有支靠近泳池的電話。
• 如果是家中的泳池，四周應有高120公分左右的圍欄，避免小孩誤闖。也要設置警報器及相關安全設備。(但這條較為適合於外國)
• 1歲以上的小朋友學游泳，可以降低溺水的風險。但目前沒有證據指出，未滿1歲的小孩學，可以降低風險。
• 參加正式的游泳課程，可以大幅降低兒童溺水死亡的可能性，達88％。
• 評估小朋友的發展和心態準備，父母在1歲之後，應安排游泳的課程給他們。
• 大型充氣的泳池，可能會有傾倒的風險，且不易在四周加上護欄，在使用時應小心。
• 如果小孩不見了，快去泳池找他！
• 記得和親朋好友、街坊鄰居，分享泳池的安全須知。

各位家長不應視充氣游泳輔助設備為救生用途，宜應當玩具。最重要是讓孩子們學游泳，才是防溺水的最好方法﹗

文章授權：家醫/職醫_陳崇賢醫師

20180822：六一散溝爽身粉

20180822：六一散溝爽身粉

前排天氣太熱啦，羊咩女既頸、手臂啲關節位都出左唔少粒粒＋痕癢。

正當煩惱點樣解決時，突然令我回想起2016年7月時，羊咩女因去完海灘玩沙玩水後，尿尿位清潔得唔乾淨，因此生左好多尿布疹。
擔心之下睇左$380既醫生，搽左藥膏都8日，啲尿布疹粒粒都仲係到，唯由向啲有經驗既媽媽求救。

媽媽朋友介紹我係藥房，買$10蚊六一散，溝爽身粉，搽係患處到。
先係撫平尿布疹啲粒粒，再到退走晒，都只係大約3日左右。

今次因天氣熱而生既粒粒，我都用返呢個方法幫羊咩女，所有粒粒大約3日左右完全消失晒。

希望呢個分享＋六一散能夠幫到有粒粒煩惱既媽媽。

2015年9月21日：關於月經@衛生署

關於月經

1.甚麼是月經？
－早月經（或經期）是婦女身體因荷爾蒙分泌影響，而令子宮出現周期性出血，屬正常現象
－出生時，女性的卵巢內已有數百萬枚未成熟的卵子。
踏入青春期，在荷爾蒙的刺激下，每月約有數十枚卵子開始成長。
在一般情況下，每次只會有一枚卵子成熟，並排出子宮（稱為排卵）預備受孕
－與此同時，子宮內膜為懷孕作準備而增厚。
如卵子沒有受精，便會連同增厚的組織，通過陰道排出體外，這就是經血。
之後，另一個月經周期會開始

2.月經在何時開始？在何時停止？
一般來說，女孩約於11-12歲時開始第一次月經。
而婦女在45-55歲時自然會出現更年期，月經便會停止，代表婦女不能再生育

3.女性是否每個月都會有月經？
－不是。
月經周期因人而異，亦會因身體狀況變化而改變
－月經周期由21-35天不等，以經期的第一天至下次經期的第一天相隔的日數周期
－例子：上次經期：10月1日；是次經期：10月29日；月經周期：28天
［有性生活的婦女必須謹記，如周期過後仍未來經，你可能已經懷孕。請盡快諮詢你的醫護人員］
－初來月經的女孩和更年期將至的婦女，較容易出現月經不規則
－以下因素亦會導致荷爾蒙失調，令月經不規則：
＊體重過重或過輕
＊進食失調（例如厭食症）
＊劇烈運動
＊壓力
＊某些藥物（例如單一荷爾蒙避孕針）
＊濫用藥物
＊餵哺母乳
＊慢性疾病、內分泌疾病（例如多囊卵巢綜合症、甲狀腺疾病）
＊卵巢功能變化
－若在兩次經期之間陰道出血，可能與子宮內膜病變、息肉、陰道/子宮頸發炎、子宮頸癌等有關，這些情況或會被誤為月經不規則

4.我是否『月經過多』呢？
－『月經過多』是指經血量多或經期過長
－以下情況、可能是『月經過多』：
＊月經超過7天（大多數婦女的經期會維持2-7天）
＊需要使用加長而吸收力特強的衞生巾，而且每隔1-2小時便要更換
＊有大血塊排出
＊有血崩情況出現（即是大量經血突然湧出、染濕內褲和衣物）
＊晚間需要頻密起牀更換衞生巾
＊在睡覺時，即使已使用衞生巾/衞生棉條，經血仍會染濕牀單
＊因月經過多而影響工作、家庭和社交生活
＊月經時或過後感到頭暈、呼吸困難和疲倦

5.甚麼是經痛？
－經痛是指月經前或月經期間，感到下腹出現輕微至嚴重痛楚
－月經量多的時候，痛楚最為嚴重
－可能會有腸胃不適，如嘔吐或大便鬆散等症狀
－經痛可分為兩類：
［非疾病性］
☆常出現於初來月經的少女
☆婦女年纪漸長或生育後，痛楚便會減輕，甚至消失
☆情況持續1-3天
☆使用熱敷或一般止痛藥，足以紓緩痛楚
☆有恆常運動習慣的婦女較少出現經痛
［其他疾病/情況引起的經痛/腹痛］
☆可能因子宮內膜異位、盤腔受感染、使用子宮環避孕方法等引起
☆痛楚不單只是出現在月經前或月經期間
☆可能有惡臭的陰道分泌物或發燒
☆除經痛/腹痛外，性交時亦可能感到痛楚
☆一般止痛藥不能紓緩痛楚
☆適當治療婦科疾病有助減輕痛楚

如你有任何下列情況，應諮詢醫生的意見：
☆16歲仍未有第一次月經
☆月經周期突然變得不規則
☆兩次經期之間陰道出血
☆性交後陰道出血
☆停經一年後再出現任何陰道出血
☆40歲或以後才出現經痛
☆兩次經期相隔少於21天
☆月經過多（參考問題4）
☆嚴重經痛/腹痛
☆45歲或以下停經

如有任何疑問，請諮詢醫護人員。

資料來源：
衛生署家庭健康服務

2015年7月4日：BB第1次睇醫生

BB 2個月大。

早幾日見BB有鼻塞+痰聲，決定今日去睇醫生。

BB第1次睇E生，好彩唔使食藥，因為BB唔係病毒感染，可以放心。

2015年5月15日：BB 12朝

今日係BB既12朝，開始派薑醋啦。
我地去左健康院見醫生，檢查黃疸，黃疸指數係20X度，重3.18KG。

2015年5月9日：黃疸指數無升無跌

係無電動奶泵機下都可以揸到40ML母乳，希望夠BB食啦。

醫生話BB黃疸指數係279度，無升無跌，安全起見，留多1日醫院。

2015年3月17日：幼兒敏感知多少＋嬰兒按摩示範＠雀巢

今晚7:30PM同豬公去香港中央圖書館到聽雀巢既幼兒敏感知多少＋嬰兒按摩示範，聽講座之前，我地去左圖書館既Delifrance到食左少少野，就去演講廳到聽講座。

今次雀巢講座地點好好，香港中央圖書館既演講廳坐既位置好好。
啲人唔會因為睇唔到而要頭昂昂或左搖右擺，睇得好舒服。

幼兒敏感知多少講者係盧景勳醫生，最主要講最常見既濕疹。
對我黎講，醫生講得太深啦，哈哈。
嬰兒按摩示範最吸引我，佢地今日真係有改善，佢地用攝影機近距離直播講者做按摩既手法，值得一讚。

9點就完左個講座啦，禮物豐富。
之後同豬公去左希慎廣埸到食野，再坐車返屋企LU~~

資料性既野：
＊濕疹控制～四大方法：控制發炎、滋潤保濕、感染、止痕

＊濕疹治療種類：
－控制發炎
－滋潤保濕（一線及二線）：
外用：類固醇及非類固醇／濕裹
內服：口服類固醇／口服調節免疫系統藥物／紫外光燈（NB-UVB, UVA-1）
－感染：抗生素
－止痕：抗組織胺

2015年3月10日：漏奶水＋私家產檢

OOO...我以為有水滴左落個肚到，原來係漏奶水。

今日5:30PM去左睇私家醫生，豬公放工過黎1齊見醫生。
上磅有121磅，無糖尿，血壓正常。
之後訓上床照BB，醫生話BB有3磅幾重，預計出到黎有7磅左右，屬中SIZE BB。

見完醫生，豬公就要去港島返工。
我就坐係朗豪坊既STARBUCKS到食住野等我妹妹黎陪我買星期6影大肚相既衫，佢襯衫好過我，哈哈。
我地去左H&M到選左件棗紅色既外套＋灰色短袖衫俾豬公，我就選左件灰色長袖短衫。
之後得我1個等豬公放工過黎俾錢，KEE...^^

今晚我地去左雅蘭既一壽司食黑夜壽司，半價，超抵食。

食飽飽就返屋企LU~~~~

2015年3月5日：輕鬆分娩＋嬰兒按摩＠美贊臣

琴晚7點半，係尖沙咀既香港童軍中心有個美贊臣講座聽，係關於輕鬆分娩＋嬰兒按摩。

第1場係講輕鬆分娩，婦產科專科孫錫鴻醫生做講者。
聽左呢場講座，令我知道生BB過程係點，減少左憂慮。

第2場係由註冊嬰兒按摩教練廖泳琪小姐講嬰兒按摩。
我覺得大會安排得唔係咁好，坐得中後位置既人都睇唔到講者幫BB按摩既手勢＋動作。
令到大家都頭昂昂，睇得好辛苦。

講座完左後，我地拎到幾豐富＋幾重手既小禮物。

2015年2月27日：心臟覆診

今日訓訓下抽筋，抽完右腳筋，再抽埋左腳筋，痛死我啦。
訓醒後，個大大既蛋糕俾我1下次食晒。
之後就要出門去醫院覆診，行去巴士站期間，遇到舊公司既同事，傾左幾句。
再到巴士站等車時，遇到就快畢業既學生，睇見佢地個樣無變，但身高拉長左，覺得時間過得真係快。
我離開呢間特殊學校後，都轉左3份工啦，但係我人生入面，我工作時期＋最鍾意既就係呢份工。
學生仲記得我係書記姑娘，有個學生仲勁，佢記得我既全名，好記性。

心臟覆診時要量血壓99/70，心跳105。
今日又未出到報告啊，又係白行1趟。
不過醫生好好，佢叫我等佢電話，唔使專登返黎覆診睇報告。

覆診完後，我就去左姑姐屋企，今晚係到食飯，又有好野食啦。

2015年2月26日：政府產檢

今日2:45PM去醫院做產檢，血壓係104/61，心跳93，體重55.15KG。
驗尿時，糖尿合格，蛋白唔合格。
所以姑娘叫我再1次尿尿時，清潔下體先再驗過，第2次合格。
入到醫生房，醫生只係俾BB既心跳聲我聽。
同醫生講左間唔中都會個肚實晒，好唔舒服。
醫生話呢啲係子宮收縮，好多孕婦都有。
但要留意，如有出血、流啡、收縮得太密（如10多分鐘有1次），就要睇急症，有機會早產。

今晚，我同豬公返左娘家到食飯＋過夜。
因為聽日要心臟覆診，希望報告出黎無事啦。

2015年1月26日：心臟覆診

今日要去將軍澳醫院普通科門診覆診（心臟覆診），順便去抽血驗婦產科既糖尿。

覆診時間係3點半，我登記好後，就去左量血壓104/72，心跳95。
之後去左抽血站抽血，姑娘話見到血管，但拮左針後又唔出血喎，問我忍唔忍到痛（因為佢想拮入啲=.=）。
為左唔想再俾人拮多次，我話忍，就係咁俾佢拮入左2次，痛死我啦T.T
入房見到醫生，血液報告正常，心臟超聲波報告仲未返，要等下個月再覆診。

今晚係我姑姐屋企食完飯後，坐車出去旺角搵豬公，再轉車返屋企。
好累！！

2015年1月22日：政府產檢

今日要禁食抽血俾普通科門診果邊，所以1抽完血就食左個火腿飛碟＋1包維他奶。

今日2點政府產檢，量血壓97/62，心跳100，重52KG，糖尿正常。
今次產檢都係聽心跳，唔使5分鐘就見完醫生，超快。
由於我上次做產檢時同醫生講我背脊同心口生左好多粒粒，今次醫生俾左2份止痕膏＋潤膚膏俾我搽，超好。

下星期一要抽血驗糖尿。

2015年1月15日：肚痛左4日

肚痛又痾，又見羊咩女唔多郁，諗得太多下搞到呢2日失眠。琴日終於打電話BOOK睇醫生，一打完就訓得著，真神奇。

今日約左4點半見醫生，大約5點先見到醫生。
肚痛左4日，不停咁痾，臭臭又唔係靚喎，醫生話係腸炎，跟住既3-4個星期都唔好既話，要再睇多次醫生。
肚痛要暫時戒食奶類＋水果＋油脂高既食物＋凍既食物。（偏偏呢幾日都有食=.=＂）
照過超聲波，見到BB個心跳係咁郁，我都安心啲。
上磅重115磅。
驗尿顯示有糖尿，所以要由飲食著手，要食少D糖同澱粉既食物。

豬公D朋友約左一陣去食糖水，我只係有得睇，無得食。T.T

頭先食過自家烏冬既熱食淨烏冬，好清好清。