2015年6月26日：去大喜屋慶祝父親節

今日有個中學同學帶左佢BB黎我屋企探我+BB。
佢BB大我BB 8個月左右，好活躍，成日周圍爬，完全唔怕陌生人。

之後我地2個大人+2個BB一齊去左荔枝角既MY BB到掃貨。
我掃左吸鼻器+BB車掛勾+奶咀蓋。

跟住約左我MAMI去STARBUCKS到餵BB飲奶+磨時間。

晚上同屋企人去銅鑼灣間大喜屋(http://www.openrice.com/zh/hongkong/restaurant/%E9%8A%85%E9%91%BC%E7%81%A3-%E5%A4%A7%E5%96%9C%E5%B1%8B%E6%97%A5%E6%9C%AC%E6%96%99%E7%90%86/136358)到食放題慶祝父親節，味道唔錯。

2015年5月2日：調景嶺站->將軍澳站

今日同豬公去調景嶺站既都會駅食娜多歐陸餐廳 (La Dolce Italiana)（http://www.openrice.com/zh/hongkong/restaurant/%E5%B0%87%E8%BB%8D%E6%BE%B3-%E5%A8%9C%E5%A4%9A%E6%AD%90%E9%99%B8%E9%A4%90%E5%BB%B3/48270）做Lunch。

我地叫左個意式全餐$62+車打芝士牛肉漢堡$56+雜莓乳酪$12+巴馬火腿伴蜜瓜$38+熱咖啡=$168，味道唔差，值得去食。

食飽飽之後，行左1陣就去附近既Starbucks到陪豬公做野。

跟住我地由調景嶺站行去將軍澳站期間遇到豬公既朋友傾左幾句，就繼續我地既行程。

因為懷孕，成日會急急，去左調景嶺體育館 （http://www.lcsd.gov.hk/tc/facilities/facilitieslist/facilities.php?ftid=0&did=8#v4）個洗手間方便下，就係咁俾我地發現左呢個體育館係有個室內兒童遊戲室，佢地既主題係海洋世界，都幾新淨下，將來羊咩女大啲可以去呢到玩下。

呢晚我地去左將軍澳站個POP CORN到行街+食晚飯，我地買入院既尿墊+BB既奶樽。

呢日我過得好開心啊！

2015年4月9日：私家產檢+傾合併MPF強積金+學整天氣預報瓶頸鏈

今日約左5:30PM做私家產檢，但豬公仲未放得工，所以我係樓下行左好耐等佢趕得切黎見醫生。
今日血壓正常，體重有122磅，有少少蛋白（醫生建議飲多啲水）。
到檢查BB啦，醫生摸到頭位好低啦。
好處係如果順產時，可以唔使痛咁耐就生得。
壞處係行路會行得好慢。
BB依家有5磅，預計出世有6磅。
到最後豬公中途都入到黎。
醫生今次教我地數胎動，醫生教我係9個鐘入面要數到有10組活動（BB要全身郁動）。

見完醫生，我約左表弟係朗豪坊STARBUCKS傾合併MPF強積金既野。
豬公就同佢既老細視像會議。

等到我妹黎左之後，我地就坐地鐵去荔枝角學整天氣預報瓶頸鏈。
上8點堂，但果間野就8點半先開始。
1班有8人上堂，導師既安排麻麻，8個人得1個量杯、1個磅（導師係咪只預1個人做，其他人淨睇=.=）、幾枝針筒、唔夠10個玻璃杯、多個發泡膠杯、又無筆記（考人記性咩=.="）。
最慘係導師好似咩都唔識咁，要我地將酒精倒入發泡膠杯到，唔使1陣個杯滲左啲酒精出黎。
我地問佢係咩原因令到啲結晶體會有唔同，佢又答唔出，只係話化學作用=.=。
時間控制好差，整頸鏈既，唔會預先度下要條鏈幾長長度。
變左1抽就抽左亂七八糟既鏈出黎，要慢慢係到解開。
預定1個鐘會完成既野，變左2個鐘都唔夠用，要餓住個肚走人。

2015年3月10日：漏奶水＋私家產檢

OOO...我以為有水滴左落個肚到，原來係漏奶水。

今日5:30PM去左睇私家醫生，豬公放工過黎1齊見醫生。
上磅有121磅，無糖尿，血壓正常。
之後訓上床照BB，醫生話BB有3磅幾重，預計出到黎有7磅左右，屬中SIZE BB。

見完醫生，豬公就要去港島返工。
我就坐係朗豪坊既STARBUCKS到食住野等我妹妹黎陪我買星期6影大肚相既衫，佢襯衫好過我，哈哈。
我地去左H&M到選左件棗紅色既外套＋灰色短袖衫俾豬公，我就選左件灰色長袖短衫。
之後得我1個等豬公放工過黎俾錢，KEE...^^

今晚我地去左雅蘭既一壽司食黑夜壽司，半價，超抵食。

食飽飽就返屋企LU~~~~