2015年4月9日：私家產檢+傾合併MPF強積金+學整天氣預報瓶頸鏈

今日約左5:30PM做私家產檢，但豬公仲未放得工，所以我係樓下行左好耐等佢趕得切黎見醫生。
今日血壓正常，體重有122磅，有少少蛋白（醫生建議飲多啲水）。
到檢查BB啦，醫生摸到頭位好低啦。
好處係如果順產時，可以唔使痛咁耐就生得。
壞處係行路會行得好慢。
BB依家有5磅，預計出世有6磅。
到最後豬公中途都入到黎。
醫生今次教我地數胎動，醫生教我係9個鐘入面要數到有10組活動（BB要全身郁動）。

見完醫生，我約左表弟係朗豪坊STARBUCKS傾合併MPF強積金既野。
豬公就同佢既老細視像會議。

等到我妹黎左之後，我地就坐地鐵去荔枝角學整天氣預報瓶頸鏈。
上8點堂，但果間野就8點半先開始。
1班有8人上堂，導師既安排麻麻，8個人得1個量杯、1個磅（導師係咪只預1個人做，其他人淨睇=.=）、幾枝針筒、唔夠10個玻璃杯、多個發泡膠杯、又無筆記（考人記性咩=.="）。
最慘係導師好似咩都唔識咁，要我地將酒精倒入發泡膠杯到，唔使1陣個杯滲左啲酒精出黎。
我地問佢係咩原因令到啲結晶體會有唔同，佢又答唔出，只係話化學作用=.=。
時間控制好差，整頸鏈既，唔會預先度下要條鏈幾長長度。
變左1抽就抽左亂七八糟既鏈出黎，要慢慢係到解開。
預定1個鐘會完成既野，變左2個鐘都唔夠用，要餓住個肚走人。

2015年4月4日：母乳牛奶營養大不同＠雀巢

母乳牛奶營養大不同
母乳餵哺是讓寶寶擁有健康好開始的最佳方法。
母乳根據不同階段分為初乳，過度乳和成熟乳，就算餵哺的份量一樣，母乳實際上是配合寶寶的發展需要而改變。
最初開始哺乳時，寶寶需要攝取大量的蛋白質來滿足成長所需。
及後母乳中的脂肪含量會增加，以配合寶寶能量所需和體重增加。
對初生至6個月的寶寶來說，奶是寶寶的主要營養來源。
母乳是為寶寶度身訂造最經濟、最天然、最健康及蘊含適合寶寶需要的營養的食物，而當中的蛋白質亦較易消化吸收。
以下先讓媽媽了解母乳和牛奶營養之不同：

母乳營養　VS　牛奶營養
＊母乳營養
－含蛋白質源自母體，最為寶寶所適應，易被消化和吸收，少有導致不適或過敏反應。
－母乳中的乳清蛋白與酪蛋白比例約60:40，乳清蛋白不會在胃形成乳凝塊，因為它易消化，在胃部停留時間較短，故此餵哺寶寶的時間較頻繁。
－含有免疫球蛋白，可以提升BB的抵抗力，減低患上各類兒童疾病的機會，同時幫BB的消化系統建立好的免疫環境。
－有助減低BB出現早期食物過敏症的風險。
－母乳含有較高水平的Omega-3脂肪酸，更能促進幼兒的大腦及視網膜發育。
＊牛奶營養
－含豐富蛋白質，但未經調配的牛奶並不適合嬰兒食用，因其蛋白質含量過高，亦較難被寶寶幼嫩的腸胃消化。
－未經調配的牛奶中的乳清蛋白與酪蛋白比例約20:80，酪蛋白會在胃形成乳凝塊，因為它不易消化，在胃部停留時間較久。
－早期吃牛奶的寶寶比較會容易出現過敏問題，如濕疹、牛奶不耐症及氣喘等過敏問題。

母乳含豐富乳清蛋白質　寶寶最好的食物
媽媽可有留意到蛋白質對於寶寶營養方面擔當著重要的角色呢？
蛋白質是三大能量來源之一，亦是寶寶成長的必要營養素。
它主要用作促進人體生長發育和修補身體組織。
初生寶寶的腸胃非常幼嫩並仍在成長中，用母乳餵哺不但給予寶寶最適合的營養，亦是最容易消化吸收的。
相反來自牛奶的蛋白質對於寶寶是「 外來物」 ，必需要經過調配，才適合初生寶寶飲用。
所以若媽媽不能順利以母乳餵哺，需要選用配方奶粉的話便要小心留意寶寶是否適應。

母乳蛋白質和一般牛奶蛋白質有所不同，你知道嗎？
［母乳］：［未經調配的牛奶］
蛋白質含量－［適中］：［過高］
蛋白質組合－［較多乳清蛋白，容易消化吸收］：［完整牛奶蛋白粒子，較多酪蛋白，比較不易消化吸收］
效果－［源自母體，容易被寶寶接受］：［外來物，有機會引起不適及過敏反應］

資料來源：
雀巢－媽媽新手指南

2015年2月26日：政府產檢

今日2:45PM去醫院做產檢，血壓係104/61，心跳93，體重55.15KG。
驗尿時，糖尿合格，蛋白唔合格。
所以姑娘叫我再1次尿尿時，清潔下體先再驗過，第2次合格。
入到醫生房，醫生只係俾BB既心跳聲我聽。
同醫生講左間唔中都會個肚實晒，好唔舒服。
醫生話呢啲係子宮收縮，好多孕婦都有。
但要留意，如有出血、流啡、收縮得太密（如10多分鐘有1次），就要睇急症，有機會早產。

今晚，我同豬公返左娘家到食飯＋過夜。
因為聽日要心臟覆診，希望報告出黎無事啦。