20180424：產後廿八方@媽媽谷

20180424：產後廿八方@媽媽谷

----------

產後廿八方
﹝第一方﹞: 去惡露、袪風驅寒 (第1 ~ 7天)

當歸頭4錢、白背木耳3錢、川芎3錢、桃仁3錢、炙甘草2錢、炮薑2錢

方法 : 用清水四碗(約250c.c.一碗)浸潤藥材十五分鐘，加入米酒一碗(如餵人奶，請以清水代替米酒)放入瓦煲，用中火煎煮九十分鐘左右，再加入少許紅糖調味即可飲用。
注意 : 患有感冒者不宜。



﹝第二方﹞: 預防風寒 (第8、10、11、13、14、16、17天)

西歸頭5錢、川芎3錢、白芍4錢、紫蘇葉3錢

方法 : 用清水四碗(約250c.c.一碗)浸潤藥材十五分鐘，加入生薑一兩(切片)、鷄心棗六至八粒及白雞或烏雞壹隻(去皮去油膏)，再將六碗清水放入瓦煲，以中火煲三小時左右成四至五飯碗，以少許幼鹽調味分兩至三餐食用。

此方除可作煲湯外，也可作燉湯，更為益補。方法是放入所述材料於燉盅或電子瓦罇內，注滿清水，隔水燉約兩小時。放入少許幼鹽調味即可佐膳飲用。
注意 : 患有感冒者可飲用，但不宜加入任何肉類。



﹝第三方﹞: 補血潤腸、暢通腸道 (第9、12、15天)

當歸身4錢、熟地黃5錢、光南杏3錢、肉蓯蓉4錢、川芎3錢、雪蛤膏2錢、陳皮1錢

方法 : 將另包的雪蛤膏先用三碗清水(約250c.c.一碗)隔夜浸透發開，揀去黑子和雜物，與其他已用四碗清水浸潤十五分鐘的藥材同放入瓦煲內;另加入鷄心棗六至八粒;白雞或烏雞壹隻(去皮去油膏)或豬( 展)肉約半片，再注入六碗清水，以中火煲三小時左右成四至五飯碗，以少許幼鹽調味，即可以分兩至三餐食用。

此方除可作煲湯外，也可作燉湯，更為益補。方法是放入所述材料於燉盅或電子瓦罇內，注滿清水，隔水燉約兩小時。放入少許幼鹽調味即可佐膳飲用。
注意 : 如有腸胃不適、肚瀉或感冒者不宜。



﹝第四方﹞: 壯腰補腎 (第18 ~ 24天)

當歸頭5錢、玉竹4錢、川斷4錢、白芍4錢、杜仲5錢、杞子5錢、川芎3錢、陳皮2錢

方法 : 用清水四碗(約250c.c.一碗)浸潤藥材十五分鐘，加入白雞或烏雞壹隻(去皮去油膏)或豬腰二副(用鹽水浸半小時，對半副開兩邊，用刀挑去血管，加入薑酒辟除腥味，如餵人奶，請以薑汁代替薑酒)，再將六碗清水放入瓦煲，以中火煲三小時左右成四至五飯碗。以少許幼鹽調味，即可以分兩至三餐佐膳飲用。

此方除可作煲湯外，也可作燉湯，更為益補。方法是放入所述材料於燉盅或電子瓦罇內，注滿清水，隔水燉約兩小時。放入少許幼鹽調味即可佐膳飲用。
注意 : 如有腸胃不適、肚瀉或感冒者不宜。



*(第23 ~ 28天)可加入鹿尾羓(1兩分6包)、高麗參(1兩分6包)



﹝第五方﹞: 大補元氣 (第25 ~ 28天)

巴戟4錢、北芪4錢、川斷3錢、白芍4錢、淮山4錢、春砂仁2錢、黨參5錢、金狗脊5錢

方法 : 用清水四碗(約250c.c.一碗)浸潤藥材十五分鐘，加入雞心棗六至八粒;白雞或烏雞壹隻(去皮去油膏)，再將六碗清水放入瓦煲，以中火煲三小時左右成四至飯碗。以少許幼鹽調味，即可以分兩至三餐佐膳飲用。
注意 : 如喉嚨乾燥或咽痛，或患感冒者不宜。

20180424：醫院減肥單（7日減5-6磅）@生活易WOW--happychristy的BLOG

20180424：醫院減肥單（7日減5-6磅）@生活易WOW--happychristy的BLOG

有媽媽谷既媽媽阿E試過跟【醫院減肥單（7日減5-6磅）】呢個BLOG分享既餐單，成功減到6磅。
所以我又留1留底，待有需要時使用。

資料來源：
https://wow.esdlife.com/space.php?uid=26473&do=blog&id=91207

----------

醫院減肥餐單 (７日減5-6磅）

2012-05-30 12:43

呢個係朋友share比我既餐單~ 佢話佢啲朋友試過跟, 好work啊!!  7日已減去5-6磅.  當然我唔相信係長期食呢個餐單會持續咁減去5-6磅, 但至少會因為飲食習慣改變, 頭果7日應該有明顯效用!!  大家即管可以試試啊~~

每日餐單

第一天

全生果餐, 除香蕉以外，蜜瓜，西瓜最少卡路里．但除香蕉以外甚麼生果都可吃．第一天只吃湯和生果．還可以飲不含糖的茶，紅莓汁和水．

第二天

全蔬菜，生吃或熟吃．嘗試吃綠色菜，不得吃豆類或粟米等．與雜菜湯同吃均可．晚餐還可吃一個牛油焗薯仔，但不可吃生果．

第三天

混合第一天和第二天全日可吃湯，生果和蔬菜．只是這天不可吃焗薯仔．

第四天

吃香蕉和脂脂奶，吃多至８隻香蕉，飲脫脂牛奶，還可以食雜菜湯．（這天你的身體需要Potassium 和 Carbohydrates, Proteins 和鈣等來補充，香蕉和脫脂奶包含以上元素．）

第五天

牛肉和蕃茄．吃１０－１２安士牛肉．一罐蕃茄或６隻新鮮蕃茄，飲６－８杯水，至少飲１餐雜菜湯．

第六天

牛肉和蔬菜，盡吃牛肉和菜．你可吃３塊牛排和綠色菜類．只是不可吃薯仔，至少飲１餐雜菜湯．

第七天

紅米，無糖份的菜汁和果汁．盡情飲所述的飲品．必須至少飲１次雜菜湯．

雜菜湯材料：

６個大洋蒽

４－６個蕃茄

１個大椰菜

３個青辣椒

１個芹菜

配料：鹽，胡椒，咖哩（都唔明點解會有咖哩　 唔加得唔得架，咁怪！），Parsley等等，適量

製法：

把菜蔬切成中塊，讓水漏過面，大火煮１０分鐘，再用慢火煮到雜菜軟熟，這湯肚餓時任意進食．（這湯不含卡路里，越吃會越瘦）

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我呢排身體出現小毛病．．．未可以跟呢個餐單住，如有邊會JM試過呢個餐單，請分享分享啊！！

20180424：【為什麼「接納」必須是第1步？】＠媽媽谷

20180424：【為什麼「接納」必須是第1步？】@媽媽谷

「我仔上堂成日郁來郁去，又會傾計，俾老師投訴可以點做？」
「老師話我仔太被動，所有人出晒去佢都坐咗係度，郁都唔郁，可以點做？」

嗱，世事就係咁，你睇人好，人睇你好。其實，小朋友上堂郁定唔郁都會令某D老師不滿，所以，媽媽，你不孤單。但最重要係，小朋友上堂表現如何、如何改善進步，都屬老師工作範圍，爸媽不必勞心勞力撈過界。記得一位心理治療師講過︰如果佢唔需要我幫忙，佢就根本唔需要係我面前出現，而又如果佢表現得所謂「唔合作」，哩個責任一定係我身上，而唔會係佢身上。

返學上堂，原理大同。
要學生投入合作係老師責任，而且係最基本責任。如果小朋友唔投入，你再好的活動再有用的知識都傳遞唔到俾學生，咁上課來做咩？老師搞唔掂，係老師要自己面對的問題，你係幫唔到佢。

老師職責，爸媽好容易可以越權，但「家教」部份，就無人可以代勞。還請爸媽先專注「家庭教育」，如果小朋友有安全感、自信、有禮、負責任，咁，課堂上發生的問題，一律都唔可以算係你頭上。

話說回頭，「接納」非常重要。
小朋友好動(行動型)，落到一間傳統學校，「唔准郁唔准笑唔准瓜瓜叫」，出事係必然的，我諗，爸媽最能夠做到的，除咗轉校、平日帶多D小朋友出去放電外，就係「接受」。接受，佢，就係咁樣樣。

我幼稚園開始俾老師投訴多咀，1星期總有幾日要坐係門口個孤島。(罰？小朋友未有哩個概念，我只知道無啦啦又要人坐開去。)直到中四家長日，班主任仍然同緊我阿爸阿媽講︰你女呢，上堂成日都傾計喎。

我阿爸阿媽從未有因為咁而話過我，都係HEA下MISS咁講幾句︰係啦係啦，佢由細到大都係咁。

我又無因為「多咀」哩樣嘢有任何不良感受。原因，我細細個已經成日係屋企摷嘢睇，睇過我爸張小學成績表，老師評語︰XXXXXXX唯多言，宜改善。

善莫大焉！
遣傳嘛！

雖然，班上有個多咀學生係會影響到「課堂秩序」，不過，哩個依然係老師教學理念同教學法的問題，點可以善用哩個學生多咀的特點利便上堂呢？佢要返去諗啦。如果我功課無問題，成績又唔差，其實我上堂多咀真係唔需要點處理架喎。(而且，係處理唔到，中四後無投訴，一來，老師放棄咗，二來，AL時都識性啦，咩堂傾得咩堂唔傾得心裡有數。)

「放棄治療」係最好的做法。
你由我啦。

講返唔郁的小朋友。
媽媽好心急問點可以令小朋友主動D。我多口問句︰爸媽係咪D好中意玩，成日上山下海的人？

媽媽定咗幾秒，然後答︰我同我老公都係慢到爆。

咁，就學下接納小朋友的「慢」啦。正如，你都已經接納咗自己慢咗幾十年一樣。你今天唔係都活得幾好咩？

20180130：流感針價錢@醫健通

20180130：流感針價錢@醫健通

最近流感肆虐，成為羊咩女既朋友仔媽媽谷最強話題。

琴日有個媽媽問起啲流感針既價錢，我先知道去政府既「醫健通」個網站( https://apps.hcv.gov.hk/SDIR/main.aspx?lang=zh )，就可以睇曬診所既流感針價錢。