我既人生既新1章開始啦,由穿水->見紅->陣痛->BB出世,只係用左7個鐘。
*大約5:20AM,個肚就好似CALL機咁係到震,之後Pop1聲,以為自己失禁瀨尿。
諗住起身做清潔,點知再郁又不自覺地再流多次,呢下意識到自己係穿左羊水。
叫醒豬公+媽咪準備入院。
*5:56AM,沖完涼,見有少少紅。
*6:25AM,準備出門時又再流羊胎水,只好濕住條裙,流住咁出門。
*為免整污糟的士,所以上車時用左第1張既床墊黎墊住,但到最後都係再流出黎(原來羊胎水係黃黃地色,好似尿尿咁。)。
*太緊張啦,我同的士司機講去聯合急症室,搞到落錯位置。
急症室唔收我,要我地自己行返上產房。好彩有個救護員好好人,幫我地拎架輪椅,叫豬公推我坐Lift上2樓產房。
*6:55AM到左產房,姑娘問完野後,就入房訓低睇下開左幾多度,聽到好似話開得好少未生得,我當時只係諗捱唔捱到5月5日出世呢?
*7:20AM,開始陣痛。
*8:20AM,落藥令子宮開,好快就開始每3-5分鐘陣痛1次。
姑娘就幫我帶氧氣+笑氣,呢個時候豬公就入黎陪產啦。
*每3-5分鐘陣痛1次,就好似食錯野搞肚痛,但又搵唔到廁所既感覺。
成日以為自己要臭臭,所以係咁按鐘叫姑娘俾我去廁所。
到最後,真係有種[唔得啦,要瀨啦,快啲俾我去廁所],忍唔住要捱鬧咁按鐘。
姑娘入左黎後,望1望,就話唔係臭臭黎,係BB個頭準備出黎,叫我忍住。
*11:50AM,助產士入房,叫我忍住道氣,係痛時就要用下身出力咁痾。
助產士不停係咁講野叫我回應,但我用力太多次,搞到無氣力回應佢,當時有種好似要昏迷既感覺。
最後1次用力1痾,就感覺到姑娘剪開左我陰道,有舊野就痾左出黎。
*12點幾就生左羊咩女出黎啦,勁多頭髮啊,姑娘睇到都話好得意。^W^
佢地係我旁邊清潔BB,有人就係我肚到推個胎盤出黎,同埋鏠針。
之後放BB係我身上,呢個感覺好奇妙,咁大個BB會塞得落我個肚,呢下肚仔就好似個波漏氣咁扁左。
BB係我既止痛藥,姑娘係我下面鏠針我都唔覺痛。
*BB重3.02KG,我都覺自己好叻,能夠忍痛順產。
*大約3點幾,姑娘推BB入房,我可以再近距離望到BB,佢真係好多頭髮,又黑又厚又長。
之後有啲好似係嬸嬸既職員入黎教我點餵母乳。
*藥力過左,個傷口痛之餘仲有粒痣瘡因生BB而谷左出黎。T.T
*我姑姐好好,整左啲粥+好似係炒米水既野俾我食。
*呢晚我真係好累好累,但我個心都唔願訓咁望住個女,怕個女太得意俾人抱走左,唔見左佢(想得太多 一.一)。
*BB,歡迎你黎到呢個世界。
人生既新1章開始啦。
2015年5月4日 星期一
2015年4月24日 星期五
2015年4月24日:懷孕週記
懷孕週記:
6週前:
*身體超累,體溫異常高左好多日。
*以前唔鍾意食既咖喱魚蛋、燒賣既野,突然好想食。
6週:
*驗孕,發現自己有左(9月18日,1:40PM)。
*又驚又喜,喜既原因當然係有左啦;而驚既原因係我連續1星期都係黎血絲,以為自己係黎M,原來係見紅+流啡。(9月18日,1:40PM)
*係醫院照到BB,好似一粒彎彎既腰果,醫生話仲係1粒囊,未著床好,所以要訓多D。(9月19日,1:10PM)
*再1次見流啡入醫院,擔心到喊左出黎,好彩BB無事。(9月21日,00:09AM)
*豬公好好,佢擔心我係浴缸冼到,買左浴缸防滑墊俾我用。(9月21日,10:29PM)
7週:
*我妹妹黎幫我拎啲行李去姑姐屋企到「渡假」,等我可以順利過渡懷孕3個月(9月25日,10:30AM)。
*今日有豬公陪我去做早期妊娠評估。(9月29日,9:22AM)
*162CM,46.05KG,血壓101/57,心跳76。(9月29日,9:22AM)
*早期妊娠評估,見醫生做一D評估,例如:個人病歷,家族病歷等等評估,同埋照一照BB。(9月29日,10:00AM)
*登記左聯合醫院生BB,將軍澳醫院做產前檢查。(9月29日,10:00AM)
*可能琴日醫生用左鴨咀鉗幫我做檢查,令到今日有啲流啡。(9月30日,全日)
8週:
*第1次政府產檢,今次都係問下啲病歷,無得照超聲波見BB。(10月7日,2:15PM)
*醫生會建議聽政府既產前及產後既講座。(10月7日,2:15PM)
9週:
*本應今日要去聯合醫院聽嬰幼兒培育講座,但由起床到等車期間都見頭暈,到最後去唔到聽。好彩有豬公係我身邊,如果唔係我暈左係條街到。(10月11日)
*牙肉腫左。(10月12)
*我姑姐買左啲BB衫仔俾BB,BB你真係幸福啦,收到第1份禮物。(10月13日)
10週:
*第1次私家產檢,好緊張啊,好快會見到BB,同埋會有2張相仔俾我。(10月15日,5:33PM)
*私家醫生話我有少少糖尿,可能我早幾個鐘前飲左杯檸蜜,希望下次再驗無事啦。(10月15日,5:33PM)
*去聯合醫院聽嬰兒護理講座。(10月18日,11:30AM)
11週:
*今日去聯合醫院聽母乳哺飼。(10月25日)
*今晚終於返屋企訓啦。訓訓下中途要落床去洗手間時,唔知係咪對腳無咩肌肉,左腳腳仔1軟,我就跌左係地下啦,豬公嚇到唔知點做。(10月26日)
12週:
*162.3CM,46.35KG(10月30日,2:25PM)
*產前門診:聽心肺(10月30日,2:30PM)
*頸皮紋超聲波:照超聲波(10月30日,2:30PM)
*唐氏綜合症檢查(OSCAR):抽血驗(10月30日,4:00PM)
*終於唔係因為要做產檢/聽講座而要出門,今晚豬公帶我去尖沙咀睇3D光雕。(11月3日)
7週-12週:
*因為間唔中都會作小產,所以去左姑姐屋企住滿懷孕3個月。
*由於長時間都係訓床,2條小腿都無力,無晒肌肉,行路都會經常腳仔軟,發軟蹄。
*經常頭暈+無力。
13週:
*今日成日都係肚痛+肚痾+想嘔+流啡,等豬公放工後,陪我去屯門醫院睇急症。(11月9日,7:37PM)
*BB依家好似粒花生咁,好得意。(11月9日,7:37PM)
*腰骨超痛,網購左既月型枕頭終於到左香港左啦。(11月10日,11:19PM)
14週:
*BB係我肚到100日啦,食左Paul Lafayet既Rose Raspberry Macaron黎慶祝。(11月13日,6:39PM)
*好多謝我表妹拎左個月型枕頭+2套大肚婆內衣褲俾我。(11月14日)
*突然流啡,見流得唔多,無去醫院睇急症。(11月17日)
15週:
*豬公買左個驚喜俾我,係1個紅外線燈仔,方便我夜晚去洗手間時用,唔想我再1次跌倒。(11月19日)
*情緒失控,係咁喊,喊到眼都痛。(11月20日)
*私家產檢,再1次見到BB啦。今次諗住睇下BB係男定女,點知BB夾實左個大脾仔,唔俾我地知。(11月25日,6:11PM)
16週:
*終於見肚啦,地鐵有人讓位俾我。(11月30日)
17週:
*係社區健康中心到度高磅重,161CM,46KG。(12月5日,3:31PM)
18週:
*政府產檢,上磅重48.45KG,血壓108/60,心跳100。(12月11日,2:27PM)
*今次只係聽BB心跳聲,無得照超聲波睇BB。(12月11日,2:45PM)
*私家產檢建議我每個月要重1磅,但我已經去到重10磅(即110磅),所以要食少D宵夜先得。(12月16日,5:31PM)
*BB仍然夾實左個大脾啊,睇唔到男仔定女仔,醫生話好大機會係女仔。(12月16日,5:31PM)
19週:
*今日豬公送左份聖誕禮物俾我同BB,係1個崖上的波兒音樂盒,「脹卜卜,哈哈笑,整天在笑」。(12月23日)
20週:
*感覺到BB踢我啦,期待既感覺。哈哈。(12月26日,9:25PM)
*我既左手放係豬公既手背上,1齊感受到BB郁動。(12月28日,11:10PM)
*呢日做結構性超聲波(懷孕18-22週),醫生講解得好詳細,最後都係睇到好大機會係女仔。(12月29日,4:36PM)
*結構性超聲波$2000,包1份報告+1隻光碟+好多張相。(12月29日,4:36PM)
*情緒又再失控,今日係咁喊。(12月30日)
21週:
*覺得自己個肚好低、好細,趁吉之島有折,買左個托腹帶俾自己做新年禮物。哈哈,成日俾自己多個藉口買野。(1月1日,3:04PM)
23週:
*近呢3日都肚痛,1日唔只1次便便,BB又唔多郁喎。心有不安既感覺,約左聽日見私家醫生。(1月14日,10:08AM)
*私家醫生話我有腸炎,如果跟住呢3-4星期都仲係咁就要見多次醫生。(1月15日,5:04PM)
*今次上磅115磅,仲要驗到有糖尿,醫生建議我從飲食著手,食少糖少澱粉既食物。(1月15日,5:04PM)
24週:
*政府產檢,血壓97/62,心跳100,重52KG,糖尿正常。今次產檢都係聽心跳,唔使5分鐘就見完醫生,超快。(1月22日,1:55PM)
*聽荷蘭美素佳兒講座,得到個懷孕3角枕,側訓時用好舒服。(1月24日,11:00AM)
*政府抽血驗糖尿。(1月26日,4:35PM)
26週:
*呢排1上到床要做轉身既動作時,個PatPat位超痛,痛到要流眼水T.T。(2月6日)
*最近大部份訓醒時間,隻腳都有接近抽筋既情況出現=.=。(2月7日)
*著鞋都會令到我腳指抽筋。(2月8日)
*今日去左做4D(懷孕25-28週),體重有54KG,重左大約19磅。(2月9日)
*今日做4D,$1000包1隻碟+有17張相。只係照個頭仔,輪廓都算係清楚,見到羊咩女捽眼、張開口、張開手、鼻大,哈哈,好得意。(2月9日,2:30PM)
*係永安買左1套9折左$788既BB衫+褲+帽+手套+腳套,送俾羊咩女。(2月9日,4:53PM)
27週:
*我妹陪我去左佐敦聽悅寶貝搞既坐月十大注意事項,內容好吸引,聽完個講座會有心郁郁想請返個陪月員,哈哈。(2月13日,7:00PM)
*今朝食住個早餐,見到個肚係咁震,但又震得好有規律,上網搵下資料,有機會BB係我個肚到打嗝,好得意。(2月17日,8:36AM)
28週:
*新年快樂!BB係我肚到同我1齊過農曆新年,好開心!(2月19日)
*哈哈,俾我拍到BB彈我個肚。(2月24日,9:20AM)
29週:
*今日去左太子BB CARE 聽母乳達人講座。(2月25日,3:30PM)
*個肚好實,好唔舒服,呢排都係咁,上網睇話係子宮收縮。(2月25日)
*政府產檢,血壓104/61,心跳93,體重55.15KG。(2月26日)
*驗尿時,糖尿合格,但蛋白肥佬左,第驗2次先合格。(2月26日)
*見醫生先知懷孕証明書係要問先有,唔問就無;同醫生講個肚有時好實,佢話好多孕婦都有,原來係子宮收縮,但要留意下有無流血、流啡或痛得密,如果有就要睇急症,有機會早產。(2月26日)
*抽筋抽密左,今朝抽完右腳,再抽埋左腳。T.T(2月27日)
30週:
*今晚同豬公去左童軍中心聽美贊臣既輕鬆分娩+嬰兒按摩。(3月4日,7:30PM)
*今日開始返娘家待產。(3月5日)
*又開始有頭暈啦,加埋嘔,最後要CALL白車。(3月5日)
*轉送到聯合醫院,醫生見我有子宮收縮出現,要我吊鹽水,食防子宮收縮藥+打PAT PAT針加強BB既心肺功能。(3月6日)
*繼續住院+豬公第1次幫我剪腳甲。(3月7日)
*豬公黎接我出院。(3月8日,6:30PM)
*第1次感覺到漏奶水。(3月10日)
*今日係私家產檢,121磅,無糖尿,血壓正常。醫生話BB有3磅幾重,預計出到黎有7磅左右,屬中SIZE BB(3月10日,5:30PM)
31週:
*琴日同今日都抽左腳,痛死我TAT(3月11日)
*發夢見到自己見紅,嚇到醒左。(3月13日)
*等車期間,又黎頭暈,眼前既野黑晒,好彩有豬公係到,帶我坐低休息。(3月14日)
*今日去左西貢獅子會自然教育中心影大肚相,影得好靚,好開心。(3月14日)
*初生嬰兒護理知多少&湊B攻略@雅培。(3月15日)
*今日00:00開始禁食,因為訓醒要做葡萄糖耐量測試。(3月16日)
*等車期間,因為禁食左1段時間,差啲又暈,好彩有媽咪係到。(3月16日)
*去到醫院,登記左後,開始係右手抽血。之後飲1杯紙杯SIZE既糖水,超甜,甜到會覺得苦,好難飲。(3月16日,8:50AM)
*抽完血,飲完糖水,都仲未食得野。仲要等多2個鐘,再抽多1次血。(3月16日,10:50AM)
32週:
*好開心,今日收到上星期6影既大肚相光碟。(3月18日)
*今晚陪媽咪去金舖買金器俾BB。(3月21日,8:14PM)
*今日媽咪陪我去聽講座,我買左個安康檢既100+檢驗代謝病服務,$1600。(3月22日)
*原來大肚婆個鼻真係好靈敏嫁,我媽咪煮左個麵俾豬公食,但係食之前俾我聞到陣味怪怪地,先發覺包麵係過左期,就係咁俾豬公話我係1隻識搵黑松露既野豬=.=。(3月22日)
33週:
*今日去醫院做產檢,血壓:93/57,心跳:94,體重:54.8KG。(3月26日,3:00PM)
*醫生見我最近入左院,見到寫住胎水過多,所以安排我今日做多個照羊胎水檢查。上次係33度,今次係15度,正常返。(3月26日)
*豬公今朝同羊咩女隔住我個肚皮玩左好耐,羊咩女俾左好多反應豬公,睇到豬公好開心。(3月29日)
*呢排BB活動力好強,我個肚成日都地震咁係到震。(3月30日)
34週:
*又流奶水(4月4日)
35週:
*私家做產檢,血壓正常,體重有122磅,有少少蛋白(醫生建議飲多啲水)。(4月9日)
*BB頭位好低,好處係如果順產時,可以唔使痛咁耐就生得。壞處係行路會行得好慢。(4月9日)
*BB依家有5磅,預計出世有6磅。(4月9日)
*醫生今次教我地數胎動,醫生教我係9個鐘入面要數到有10組活動(BB要全身郁動)。(4月9日)
*政府產檢,重55.50KG,第1次血壓係97/62,心跳108下唔合格,尿蛋白唔合格;第2次血壓係103/65,心跳85下正常返,尿蛋白仍然唔合格。(4月13日)
*今日最主要係做B型(乙型)鏈球菌測試,好快搞掂,只係用棉花棒掂1掂分泌物拎去檢查。如果唔好彩中左,係順產生BB時,要打抗生素針。(4月13日)
36週:
*突然氣管敏感。(4月18日)
*去尿尿去唔清啦,要郁1郁個肚先去到少少。(4月18日)
*喉嚨好似發炎,腫左。(4月19日)
*今日開始飲蓮蓬鬚水,味道好似桑寄生茶,澀澀地。(4月19日)
*咳死我啦,臨近生先黎病,唔知係好定唔好。(4月20日)
37週:
*今日飲嬸嬸教媽咪煲既腐竹洋薏米水黎飲,加少少冰糖就可以變糖水。味道好味,唔加糖飲既話可以當水飲多少少,清熱毒。(4月22日)
*左邊腰+Pat Pat+腳都好痛啊,痛到喊左出黎。(4月24日)
*今日政府產檢,血壓103/66,心跳85,重56.25KG,血糖正常,但尿蛋白2次都唔合格,有啲擔心添。(4月27日)
*醫生話B鏈球菌合格,消除左個疑慮。(4月27日)
*照超聲波時,BB個頭仔已向下啦,準備好出世。(4月27日)
——————————
生B醫院:聯合醫院
政府產檢:將軍澳醫院
私家產檢:黃逸華醫生(每次產檢$400,包幾張相);龔羽一醫生(結構性超聲波$2000,10多張相+1隻光碟+1份報告;4D $1000,10多張相+1隻光碟)
6週前:
*身體超累,體溫異常高左好多日。
*以前唔鍾意食既咖喱魚蛋、燒賣既野,突然好想食。
6週:
*驗孕,發現自己有左(9月18日,1:40PM)。
*又驚又喜,喜既原因當然係有左啦;而驚既原因係我連續1星期都係黎血絲,以為自己係黎M,原來係見紅+流啡。(9月18日,1:40PM)
*係醫院照到BB,好似一粒彎彎既腰果,醫生話仲係1粒囊,未著床好,所以要訓多D。(9月19日,1:10PM)
*再1次見流啡入醫院,擔心到喊左出黎,好彩BB無事。(9月21日,00:09AM)
*豬公好好,佢擔心我係浴缸冼到,買左浴缸防滑墊俾我用。(9月21日,10:29PM)
7週:
*我妹妹黎幫我拎啲行李去姑姐屋企到「渡假」,等我可以順利過渡懷孕3個月(9月25日,10:30AM)。
*今日有豬公陪我去做早期妊娠評估。(9月29日,9:22AM)
*162CM,46.05KG,血壓101/57,心跳76。(9月29日,9:22AM)
*早期妊娠評估,見醫生做一D評估,例如:個人病歷,家族病歷等等評估,同埋照一照BB。(9月29日,10:00AM)
*登記左聯合醫院生BB,將軍澳醫院做產前檢查。(9月29日,10:00AM)
*可能琴日醫生用左鴨咀鉗幫我做檢查,令到今日有啲流啡。(9月30日,全日)
8週:
*第1次政府產檢,今次都係問下啲病歷,無得照超聲波見BB。(10月7日,2:15PM)
*醫生會建議聽政府既產前及產後既講座。(10月7日,2:15PM)
9週:
*本應今日要去聯合醫院聽嬰幼兒培育講座,但由起床到等車期間都見頭暈,到最後去唔到聽。好彩有豬公係我身邊,如果唔係我暈左係條街到。(10月11日)
*牙肉腫左。(10月12)
*我姑姐買左啲BB衫仔俾BB,BB你真係幸福啦,收到第1份禮物。(10月13日)
10週:
*第1次私家產檢,好緊張啊,好快會見到BB,同埋會有2張相仔俾我。(10月15日,5:33PM)
*私家醫生話我有少少糖尿,可能我早幾個鐘前飲左杯檸蜜,希望下次再驗無事啦。(10月15日,5:33PM)
*去聯合醫院聽嬰兒護理講座。(10月18日,11:30AM)
11週:
*今日去聯合醫院聽母乳哺飼。(10月25日)
*今晚終於返屋企訓啦。訓訓下中途要落床去洗手間時,唔知係咪對腳無咩肌肉,左腳腳仔1軟,我就跌左係地下啦,豬公嚇到唔知點做。(10月26日)
12週:
*162.3CM,46.35KG(10月30日,2:25PM)
*產前門診:聽心肺(10月30日,2:30PM)
*頸皮紋超聲波:照超聲波(10月30日,2:30PM)
*唐氏綜合症檢查(OSCAR):抽血驗(10月30日,4:00PM)
*終於唔係因為要做產檢/聽講座而要出門,今晚豬公帶我去尖沙咀睇3D光雕。(11月3日)
7週-12週:
*因為間唔中都會作小產,所以去左姑姐屋企住滿懷孕3個月。
*由於長時間都係訓床,2條小腿都無力,無晒肌肉,行路都會經常腳仔軟,發軟蹄。
*經常頭暈+無力。
13週:
*今日成日都係肚痛+肚痾+想嘔+流啡,等豬公放工後,陪我去屯門醫院睇急症。(11月9日,7:37PM)
*BB依家好似粒花生咁,好得意。(11月9日,7:37PM)
*腰骨超痛,網購左既月型枕頭終於到左香港左啦。(11月10日,11:19PM)
14週:
*BB係我肚到100日啦,食左Paul Lafayet既Rose Raspberry Macaron黎慶祝。(11月13日,6:39PM)
*好多謝我表妹拎左個月型枕頭+2套大肚婆內衣褲俾我。(11月14日)
*突然流啡,見流得唔多,無去醫院睇急症。(11月17日)
15週:
*豬公買左個驚喜俾我,係1個紅外線燈仔,方便我夜晚去洗手間時用,唔想我再1次跌倒。(11月19日)
*情緒失控,係咁喊,喊到眼都痛。(11月20日)
*私家產檢,再1次見到BB啦。今次諗住睇下BB係男定女,點知BB夾實左個大脾仔,唔俾我地知。(11月25日,6:11PM)
16週:
*終於見肚啦,地鐵有人讓位俾我。(11月30日)
17週:
*係社區健康中心到度高磅重,161CM,46KG。(12月5日,3:31PM)
18週:
*政府產檢,上磅重48.45KG,血壓108/60,心跳100。(12月11日,2:27PM)
*今次只係聽BB心跳聲,無得照超聲波睇BB。(12月11日,2:45PM)
*私家產檢建議我每個月要重1磅,但我已經去到重10磅(即110磅),所以要食少D宵夜先得。(12月16日,5:31PM)
*BB仍然夾實左個大脾啊,睇唔到男仔定女仔,醫生話好大機會係女仔。(12月16日,5:31PM)
19週:
*今日豬公送左份聖誕禮物俾我同BB,係1個崖上的波兒音樂盒,「脹卜卜,哈哈笑,整天在笑」。(12月23日)
*感覺到BB踢我啦,期待既感覺。哈哈。(12月26日,9:25PM)
*我既左手放係豬公既手背上,1齊感受到BB郁動。(12月28日,11:10PM)
*呢日做結構性超聲波(懷孕18-22週),醫生講解得好詳細,最後都係睇到好大機會係女仔。(12月29日,4:36PM)
*結構性超聲波$2000,包1份報告+1隻光碟+好多張相。(12月29日,4:36PM)
*情緒又再失控,今日係咁喊。(12月30日)
21週:
*覺得自己個肚好低、好細,趁吉之島有折,買左個托腹帶俾自己做新年禮物。哈哈,成日俾自己多個藉口買野。(1月1日,3:04PM)
23週:
*近呢3日都肚痛,1日唔只1次便便,BB又唔多郁喎。心有不安既感覺,約左聽日見私家醫生。(1月14日,10:08AM)
*私家醫生話我有腸炎,如果跟住呢3-4星期都仲係咁就要見多次醫生。(1月15日,5:04PM)
*今次上磅115磅,仲要驗到有糖尿,醫生建議我從飲食著手,食少糖少澱粉既食物。(1月15日,5:04PM)
24週:
*政府產檢,血壓97/62,心跳100,重52KG,糖尿正常。今次產檢都係聽心跳,唔使5分鐘就見完醫生,超快。(1月22日,1:55PM)
*聽荷蘭美素佳兒講座,得到個懷孕3角枕,側訓時用好舒服。(1月24日,11:00AM)
*政府抽血驗糖尿。(1月26日,4:35PM)
26週:
*呢排1上到床要做轉身既動作時,個PatPat位超痛,痛到要流眼水T.T。(2月6日)
*最近大部份訓醒時間,隻腳都有接近抽筋既情況出現=.=。(2月7日)
*著鞋都會令到我腳指抽筋。(2月8日)
*今日去左做4D(懷孕25-28週),體重有54KG,重左大約19磅。(2月9日)
*今日做4D,$1000包1隻碟+有17張相。只係照個頭仔,輪廓都算係清楚,見到羊咩女捽眼、張開口、張開手、鼻大,哈哈,好得意。(2月9日,2:30PM)
*係永安買左1套9折左$788既BB衫+褲+帽+手套+腳套,送俾羊咩女。(2月9日,4:53PM)
27週:
*我妹陪我去左佐敦聽悅寶貝搞既坐月十大注意事項,內容好吸引,聽完個講座會有心郁郁想請返個陪月員,哈哈。(2月13日,7:00PM)
*今朝食住個早餐,見到個肚係咁震,但又震得好有規律,上網搵下資料,有機會BB係我個肚到打嗝,好得意。(2月17日,8:36AM)
28週:
*新年快樂!BB係我肚到同我1齊過農曆新年,好開心!(2月19日)
*哈哈,俾我拍到BB彈我個肚。(2月24日,9:20AM)
29週:
*今日去左太子BB CARE 聽母乳達人講座。(2月25日,3:30PM)
*個肚好實,好唔舒服,呢排都係咁,上網睇話係子宮收縮。(2月25日)
*政府產檢,血壓104/61,心跳93,體重55.15KG。(2月26日)
*驗尿時,糖尿合格,但蛋白肥佬左,第驗2次先合格。(2月26日)
*見醫生先知懷孕証明書係要問先有,唔問就無;同醫生講個肚有時好實,佢話好多孕婦都有,原來係子宮收縮,但要留意下有無流血、流啡或痛得密,如果有就要睇急症,有機會早產。(2月26日)
*抽筋抽密左,今朝抽完右腳,再抽埋左腳。T.T(2月27日)
30週:
*今晚同豬公去左童軍中心聽美贊臣既輕鬆分娩+嬰兒按摩。(3月4日,7:30PM)
*今日開始返娘家待產。(3月5日)
*又開始有頭暈啦,加埋嘔,最後要CALL白車。(3月5日)
*轉送到聯合醫院,醫生見我有子宮收縮出現,要我吊鹽水,食防子宮收縮藥+打PAT PAT針加強BB既心肺功能。(3月6日)
*繼續住院+豬公第1次幫我剪腳甲。(3月7日)
*豬公黎接我出院。(3月8日,6:30PM)
*第1次感覺到漏奶水。(3月10日)
*今日係私家產檢,121磅,無糖尿,血壓正常。醫生話BB有3磅幾重,預計出到黎有7磅左右,屬中SIZE BB(3月10日,5:30PM)
31週:
*琴日同今日都抽左腳,痛死我TAT(3月11日)
*發夢見到自己見紅,嚇到醒左。(3月13日)
*等車期間,又黎頭暈,眼前既野黑晒,好彩有豬公係到,帶我坐低休息。(3月14日)
*今日去左西貢獅子會自然教育中心影大肚相,影得好靚,好開心。(3月14日)
*初生嬰兒護理知多少&湊B攻略@雅培。(3月15日)
*今日00:00開始禁食,因為訓醒要做葡萄糖耐量測試。(3月16日)
*等車期間,因為禁食左1段時間,差啲又暈,好彩有媽咪係到。(3月16日)
*去到醫院,登記左後,開始係右手抽血。之後飲1杯紙杯SIZE既糖水,超甜,甜到會覺得苦,好難飲。(3月16日,8:50AM)
*抽完血,飲完糖水,都仲未食得野。仲要等多2個鐘,再抽多1次血。(3月16日,10:50AM)
32週:
*好開心,今日收到上星期6影既大肚相光碟。(3月18日)
*今晚陪媽咪去金舖買金器俾BB。(3月21日,8:14PM)
*今日媽咪陪我去聽講座,我買左個安康檢既100+檢驗代謝病服務,$1600。(3月22日)
*原來大肚婆個鼻真係好靈敏嫁,我媽咪煮左個麵俾豬公食,但係食之前俾我聞到陣味怪怪地,先發覺包麵係過左期,就係咁俾豬公話我係1隻識搵黑松露既野豬=.=。(3月22日)
33週:
*今日去醫院做產檢,血壓:93/57,心跳:94,體重:54.8KG。(3月26日,3:00PM)
*醫生見我最近入左院,見到寫住胎水過多,所以安排我今日做多個照羊胎水檢查。上次係33度,今次係15度,正常返。(3月26日)
*豬公今朝同羊咩女隔住我個肚皮玩左好耐,羊咩女俾左好多反應豬公,睇到豬公好開心。(3月29日)
*呢排BB活動力好強,我個肚成日都地震咁係到震。(3月30日)
34週:
*又流奶水(4月4日)
35週:
*私家做產檢,血壓正常,體重有122磅,有少少蛋白(醫生建議飲多啲水)。(4月9日)
*BB頭位好低,好處係如果順產時,可以唔使痛咁耐就生得。壞處係行路會行得好慢。(4月9日)
*BB依家有5磅,預計出世有6磅。(4月9日)
*醫生今次教我地數胎動,醫生教我係9個鐘入面要數到有10組活動(BB要全身郁動)。(4月9日)
*政府產檢,重55.50KG,第1次血壓係97/62,心跳108下唔合格,尿蛋白唔合格;第2次血壓係103/65,心跳85下正常返,尿蛋白仍然唔合格。(4月13日)
*今日最主要係做B型(乙型)鏈球菌測試,好快搞掂,只係用棉花棒掂1掂分泌物拎去檢查。如果唔好彩中左,係順產生BB時,要打抗生素針。(4月13日)
36週:
*突然氣管敏感。(4月18日)
*去尿尿去唔清啦,要郁1郁個肚先去到少少。(4月18日)
*喉嚨好似發炎,腫左。(4月19日)
*今日開始飲蓮蓬鬚水,味道好似桑寄生茶,澀澀地。(4月19日)
*咳死我啦,臨近生先黎病,唔知係好定唔好。(4月20日)
37週:
*今日飲嬸嬸教媽咪煲既腐竹洋薏米水黎飲,加少少冰糖就可以變糖水。味道好味,唔加糖飲既話可以當水飲多少少,清熱毒。(4月22日)
*左邊腰+Pat Pat+腳都好痛啊,痛到喊左出黎。(4月24日)
*今日政府產檢,血壓103/66,心跳85,重56.25KG,血糖正常,但尿蛋白2次都唔合格,有啲擔心添。(4月27日)
*醫生話B鏈球菌合格,消除左個疑慮。(4月27日)
*照超聲波時,BB個頭仔已向下啦,準備好出世。(4月27日)
——————————
生B醫院:聯合醫院
政府產檢:將軍澳醫院
私家產檢:黃逸華醫生(每次產檢$400,包幾張相);龔羽一醫生(結構性超聲波$2000,10多張相+1隻光碟+1份報告;4D $1000,10多張相+1隻光碟)
2015年4月22日 星期三
2015年4月22日:分娩徵兆@強生 Johnson's Baby
分娩徵兆:
臨產前可能有三個徵兆,不一定三個同時出現,也無必然次序,但只要有其中一個出現,就要趕快入院。
[徵兆]
陣痛
[現象]
即「作動」,是有規律而持續的腹痛,開始時每1或2小時陣痛1次,相隔時間逐漸減少,腹痛時間卻逐漸加長,而且強度加劇。
[處理方法]
記錄陣痛時間及持續多久,供醫生參考;
開始學習呼吸,放鬆自己;
只吃流質食物,慎防要施行剖複生產手術;
作好準備並通知家人入院。
[徵兆]
見紅
[現象]
當胎兒下降,子宮頸擴張並與胎膜分離,血液加上子宮頸內黏膜一起流出,就是「見紅」。
流出的血液呈鮮紅並相當稀釋,內裡分泌物帶有黏性。
[處理方法]
記下開始見紅的時間;
褲加上衛生巾,留意份量與顏色,如份量過多,可能是產前出血,須即時入院。
[徵兆]
穿水
[現象]
即羊膜穿破,大量無色無味的羊水從陰道不能自控地自然流出。
[處理方法]
立刻平臥休息,以防臍帶順著羊水滑出子宮外而受壓,阻塞血液循環,危害胎兒;
內褲加上衛生巾,留意液體顏色與份量;
若羊水呈黃綠色,表示胎兒可能有危險;
膜破裂後胎兒不受保護,孕婦應立刻入院分娩。
資料來源:
http://www.johnsonsbaby.com.hk/knowledgebase/delivery/4.1.4.aspx
臨產前可能有三個徵兆,不一定三個同時出現,也無必然次序,但只要有其中一個出現,就要趕快入院。
[徵兆]
陣痛
[現象]
即「作動」,是有規律而持續的腹痛,開始時每1或2小時陣痛1次,相隔時間逐漸減少,腹痛時間卻逐漸加長,而且強度加劇。
[處理方法]
記錄陣痛時間及持續多久,供醫生參考;
開始學習呼吸,放鬆自己;
只吃流質食物,慎防要施行剖複生產手術;
作好準備並通知家人入院。
[徵兆]
見紅
[現象]
當胎兒下降,子宮頸擴張並與胎膜分離,血液加上子宮頸內黏膜一起流出,就是「見紅」。
流出的血液呈鮮紅並相當稀釋,內裡分泌物帶有黏性。
[處理方法]
記下開始見紅的時間;
褲加上衛生巾,留意份量與顏色,如份量過多,可能是產前出血,須即時入院。
[徵兆]
穿水
[現象]
即羊膜穿破,大量無色無味的羊水從陰道不能自控地自然流出。
[處理方法]
立刻平臥休息,以防臍帶順著羊水滑出子宮外而受壓,阻塞血液循環,危害胎兒;
內褲加上衛生巾,留意液體顏色與份量;
若羊水呈黃綠色,表示胎兒可能有危險;
膜破裂後胎兒不受保護,孕婦應立刻入院分娩。
資料來源:
http://www.johnsonsbaby.com.hk/knowledgebase/delivery/4.1.4.aspx
訂閱:
文章 (Atom)

