2015年3月10日：漏奶水＋私家產檢

OOO...我以為有水滴左落個肚到，原來係漏奶水。

今日5:30PM去左睇私家醫生，豬公放工過黎1齊見醫生。
上磅有121磅，無糖尿，血壓正常。
之後訓上床照BB，醫生話BB有3磅幾重，預計出到黎有7磅左右，屬中SIZE BB。

見完醫生，豬公就要去港島返工。
我就坐係朗豪坊既STARBUCKS到食住野等我妹妹黎陪我買星期6影大肚相既衫，佢襯衫好過我，哈哈。
我地去左H&M到選左件棗紅色既外套＋灰色短袖衫俾豬公，我就選左件灰色長袖短衫。
之後得我1個等豬公放工過黎俾錢，KEE...^^

今晚我地去左雅蘭既一壽司食黑夜壽司，半價，超抵食。

食飽飽就返屋企LU~~~~

2015年3月10日：百家錢．福氣象徵

頭先睇返MY TV既Big Boys Club第1307集既豪氣賀歲見聞錄，睇到麥玲玲講既其中1部份＜百家錢．福氣象徵＞。

係講D手頭緊既朋友，可以係新年時收到D富貴人家派既利是時，唔好用，要收起黎。

沾染人家既財氣同福氣，望明年會儲到D錢。

收起富貴人家既利是時，要放D茶葉（有意頭既茶葉：普洱、鐵觀音；唔好用苿莉花茶葉）＋米入利是封到，放係重要既位置，最好能放5年。

哈哈，今年拆晒啲利是添，等下年記住要試下。

2015年3月8日：出院啦

終於出院啦，係醫院真係好悶，訓要俾人限住，食又俾人限住，睇電視又俾人限住。
所以一聽到俾我出院我就超開心，係咁SEND WHATSAPP俾我屋企人。

醫生話我羊胎水多，怕胎水多易早產，寫紙要我抽血驗糖尿。

等到大約6點半，豬公放工黎到醫院接我出院，交埋$200住院費就走得啦。

2015年3月7日：第1次俾豬公幫我剪腳甲

係醫院訓唔著，豬公開左視像陪我過1晚。

今日星期6，豬公整日都放假，但我都未出得院，所以豬公要黎醫院陪我渡過呢1日。
佢帶住我媽咪整好左啲飯餸黎探我，但因為未到探病時間，我地唯有係樓下公園行左1陣。

等到6點探病時間，豬公終於入到黎啦，亦係我等左咁耐都係等呢個時間。
因為我腳趾甲太長，前1晚訓覺時，勾到啲被，腳趾甲反左，好辛苦T.T
辛苦豬公要獻出第1次幫我剪腳趾。

今晚隔離床黎左1個穿左羊水既孕婦，佢大約12點幾就話個肚開始陣痛，3點幾就有護士去睇佢。
望住床簾後透出既光，睇到2-3個醫護人員既影子，聽到工具聲既互相碰撞既聲音，加埋聽到護士話，已經開左3度，要準備生。
睇到呢1刻，就感覺好似自己要生咁，好驚>0<

2015年3月6日：血壓低+嘔

琴日早上食左個麥記做早餐，做左個7-11迪迪尼交收，跟住幫屋企人拎野。
再返屋企訓左個覺後，就帶住啲行李返娘家待產。

食過晚餐後，開始頭暈，諗住拿拿聲沖完涼上床訓，點知沖完涼暈得仲勁。
暈到要訓係床上，我MAMI幫我吹頭，一個轉身，將全份晚餐嘔晒出黎。
到最後都要CALL白車入院。

醫生話血壓低＋子宮收縮，要吊鹽水，再坐白車轉送去聯合醫院。
去到聯合，要駁胎心機1個鐘，醫生話見到子宮有收縮情況出現，所以要留院觀察。

醫生怕BB早產，所以建議我每12個鐘係PATPAT到打枝抗生素針過俾BB，前後打4枝，痛死T.T

食過早餐後，護士送左我去4樓婦科病理室，全日就要係到過啦。

我媽咪同妹妹係探病時間，帶左好多野食俾我。
豬公都係教完波先過黎探我。

2015年3月5日：輕鬆分娩＋嬰兒按摩＠美贊臣

琴晚7點半，係尖沙咀既香港童軍中心有個美贊臣講座聽，係關於輕鬆分娩＋嬰兒按摩。

第1場係講輕鬆分娩，婦產科專科孫錫鴻醫生做講者。
聽左呢場講座，令我知道生BB過程係點，減少左憂慮。

第2場係由註冊嬰兒按摩教練廖泳琪小姐講嬰兒按摩。
我覺得大會安排得唔係咁好，坐得中後位置既人都睇唔到講者幫BB按摩既手勢＋動作。
令到大家都頭昂昂，睇得好辛苦。

講座完左後，我地拎到幾豐富＋幾重手既小禮物。

2015年3月4日：提早拆利是

由於我好快會返娘家待產＋坐月，所以提早拆利是。

結婚後，過緊第3年農曆新年，仲可以收到BABA MAMI＋姑姐派既［祝福］，真係開心。
今年最開心既係有BB係我肚到陪我過年，BB都收到唔少［祝福］。
我要好好將親朋戚友俾BB既［祝福］計好數，等BB大個後有好既儲備。

［祝福］就拆晒出黎啦，淨返既利是封，都要好好處理。
有留意綠領行動既「利是封回收重用大行動2015」活動，佢地既回收日期為由2月26日至3月11日。
希望大家多出1分力，好好保護個地球，為大家既下1代著想。

綠領行動－＞http://www.greeners-action.org/modules/AMS/
2015年利是封回收點－＞https://drive.google.com/file/d/0B06AOkD_lqOqZ1lpdFpVTlZlb3M/view