2015年1月31日：開心笑1笑

開心笑1笑

2015年1月29日：身心互相影響

今日上堂，學左身心互相影響既課堂。內容係……

中醫理論認為人的各臟腑會影響人的心理活動，當某臟腑受到刺激時，會引致特定的情緒表現。
同時，情緒的變化也會影響臟腑及身體的健康。
例如，現代都市人生活繁忙，思慮煩多，因此脾胃常有問題（脾在志為思，脾臟相關的腑是胃）。

暴怒傷肝火上頭，肺病最怕添憂愁，

思慮過度傷脾胃，驚恐傷腎尿自流，

過喜氣緩心無主，真心劇痛命自休。

五行元素與身體、情緒的關係：

五行：金

情緒：悲傷

表現：哭、咳嗽、聲低息微、胸悶氣短

身體臟腑：肺、大腸

五行：木

情緒：憤怒

表現：呼叫、緊抓、頭痛頭脹、昏厥

身體臟腑：肝、膽

五行：水

情緒：驚恐

表現：呻吟、緊張、面色瘡白、昏厥、二便失禁

身體臟腑：腎、膀胱

五行：火

情緒：喜、樂

表現：狂歡、大叫、大笑

身體臟腑：心、小腸

五行：土

情緒：煩憂、憂慮

表現：嘆氣、嘮叨、食慾不振、腹脹、溏便、失眠、多夢

身體臟腑：脾、胃

資料來源：
心悠計劃

2015年1月26日：心臟覆診

今日要去將軍澳醫院普通科門診覆診（心臟覆診），順便去抽血驗婦產科既糖尿。

覆診時間係3點半，我登記好後，就去左量血壓104/72，心跳95。
之後去左抽血站抽血，姑娘話見到血管，但拮左針後又唔出血喎，問我忍唔忍到痛（因為佢想拮入啲=.=）。
為左唔想再俾人拮多次，我話忍，就係咁俾佢拮入左2次，痛死我啦T.T
入房見到醫生，血液報告正常，心臟超聲波報告仲未返，要等下個月再覆診。

今晚係我姑姐屋企食完飯後，坐車出去旺角搵豬公，再轉車返屋企。
好累！！

2015年1月25日：胎心機 Angel Sounds

同豬公係荃灣食過飯後，行左1陣就返屋企玩胎心機 Angel Sounds。

用法好簡單，入左嚿方形電，插好耳筒，係肚皮到塗啲啫喱（可用蘆薈啫喱），將部機係肚皮到慢慢郁，就會聽到。

今日我既叔叔＋嬸嬸由西貢車左D BB野俾我，有BB床＋BB車＋學行車＋彈彈帶＋揹帶＋沖涼盤，好多謝佢地送咁多野俾我羊咩女。

2015年1月24日：荷蘭美素佳兒講座

琴晚好夜訓，我差唔多3點先訓得著。
今朝要去尖沙咀聽11點既荷蘭美素佳兒講座，要9點起身，累到唔想去。

到最後，豬公同我都準時去到尖沙咀金域假日酒店低層3樓聽講座，講座內容係懷孕媽媽及寶寶營養須知＋實用育嬰技巧。
一入到會場，有人會俾啲媽媽奶我飲，之後排隊做個登記。
登記好後會俾美素佳兒＋講座資料既文件夾我地，我地拎左其中1張劵去左個攤位，聽啲職員講解美素佳兒奶粉罐既特別地方，聽完之後就會俾個懷孕3角枕我地。
之後我地搵個位置坐低，準時11點講座開始。
懷孕媽媽及寶寶營養須知，係由註冊營養師詹兆州（Samson Chim）做講師。
內容都係講啲食物既營養，對懷孕媽媽同BB有咩好處同壞處。
講解完第1節，有個小休，小休就係可以憑劵拎由美素佳兒奶粉整既燉奶。
第2節講座係實用育嬰講座，內容係講同BB沖涼前準備既野＋沖涼後既面部清潔＋飲完奶後掃風既動作。
踏正1點講座完畢，填好問卷後會送1本［共享成長歷程--愛心孕育篇］＋5包試飲裝美素佳兒媽媽奶。
即場購買1罐$199媽媽奶，送1部胎心機＋1個課程。
1個講座，令我滿載而歸。

離開酒店後，酒店樓下有人會主動俾BB用既紗巾(美國雅培)我地，同埋會有D媽媽(World Family＋uBaby)會俾我地報名。

係附近食過KFC後，我同豬公要分開離開LU。
豬公要教波，我就坐車返屋企放低野休息下，等豬公晏啲放工後，去荃灣做野＋食飯。

晚餐前食個熱既荳腐花，好好味啊。
跟住去左楊屋道1號荃新天地地面11及12號舖既T CAFE 1954，間野啲野食唔係話特別好味，只係環境較為吸引。

晚飯後行1陣街，就返屋企LU。

2015年1月22日：政府產檢

今日要禁食抽血俾普通科門診果邊，所以1抽完血就食左個火腿飛碟＋1包維他奶。

今日2點政府產檢，量血壓97/62，心跳100，重52KG，糖尿正常。
今次產檢都係聽心跳，唔使5分鐘就見完醫生，超快。
由於我上次做產檢時同醫生講我背脊同心口生左好多粒粒，今次醫生俾左2份止痕膏＋潤膚膏俾我搽，超好。

下星期一要抽血驗糖尿。

2015年1月21日：飛碟

今日返左娘家食飯＋過夜，我MAMI個佢同事送左個買左唔夠半年既飛碟機俾我地。

我地食完飯後，就開始玩啦。
操作好簡單，先放左1件麵包，再放1塊火腿或芝士，之後放多1件麵包。
將開關位置扣好，插入電源，紅燈就會著左。
當綠燈都著埋後，香噴噴既飛碟就誕生啦。

2015年1月21日：披着羊皮的狗

大家睇睇呢張圖，圖中既小動物似羊定似狗？

豬公今晚睇到張圖後，話呢隻係狗=.="

我問佢原因，佢話羊既耳仔唔係咁既形狀，同埋耳仔唔係黑色。

佢仲要搵埋圖黎對認呢隻羊，真係傻瓜。

到最後，佢以披着羊皮的狗結束呢個話題，笑死左我。

2015年1月20日：齊齊學摺蠟燭座@開心快活人

齊齊學摺蠟燭座@開心快活人

2015年1月20日：自製BB聽筒@Frisomum HK 美素佳兒媽咪奶粉

Frisomum HK 美素佳兒媽咪奶粉

已讚好的專頁 · 2015年1月12日 · 已編輯 · 

 

準爹地唔似準媽咪咁，可以隨時同BB互動，感受BB嘅感覺。所以呢位韓國準爹地就自製咗一個BB聽筒，超
有愛呀！唔知呢度嘅準爹地同BB有冇啲得意嘅互動呢？可以一齊分享吓～

資料來源：http://bit.ly/1B0yVh9

資料來源：

https://www.facebook.com/frisomumHK/photos/a.213908892085110/497087750433888/?type=3&theater

2015年1月19日：為食啲咩而煩惱

因為有少少妊娠糖尿，呢排每餐都要為食啲咩而煩惱。
又要唔食得太多，所以個肚成日都好肚餓。

早餐：大家樂既熱檸水＋雪菜肉絲米線（淨食米線+幾小啖雪菜肉絲）＋1塊厚包
午餐：5匙白飯＋幾啖荷蘭豆
下午茶餐：2包梳打餅＋半份柚子
晚餐：半碗麵＋5條左右既菜心＋幾啖魚
睡前小食：2包梳打餅＋半杯奶

2015年1月17日：中學同學聚會

期待既1日黎啦，讀完書咁耐，第1次同咁大班同學1齊見面聚會。

我先同2個最FD既朋友約埋一齊係尖沙咀既ISquare到見面。
今晚聚會食既野唔啱我，佢地2個陪我係附近食左個走青既魚片河（用食物黎控制糖尿）。
飽飽後，我地1行3人行去新港中心既Ruby Tuesday參加今晚既中學同學聚會，今晚1共有9個人出席。

希望下次聚會會有更多人出席。^^

2015年1月17日：基底油（Carrier Oils）介紹：酪梨油／牛油果油（Avocado Oil）

基底油（Carrier Oils）介紹：酪梨油／牛油果油（Avocado Oil）

－從乾酪梨果肉萃取，含豐富礦物質、蛋白質、維生素A、B、B2、D、E、卵磷脂及大量GLA。

－屬質地較重，滲透較深質的基底油，不適合單獨使用，10%的量便足夠。

－適合乾性皮膚、敏感性、缺水、濕疹肌膚使用。對新陳代謝、淡化雀斑、消除皺紋均有很好的效果。

－精煉過的酪梨油呈淡黃色，含豐富的礦物質，脂肪酸，蛋白質及維他命A，B1，B2，D，E。
營養度極高，質地稍重但親膚性相當好，屬滲透較深層的基礎油。
對乾燥，缺水，敏感性，濕疹和有皺紋的肌膚特別好。
能有效增加皮膚結締組織膠原，幫助新陳代謝，消除皺紋，淡化黑斑及防止皮膚老化，連續擦抹可提高皮膚的保濕度和柔軟。
其深層清潔的效果亦很好，有刺激頭髮生長的功能。
它能幫助穩定油在水的乳化狀況，廣泛及有效被使用於唇膏，潔面乳，潤膚霜，防曬霜和太陽油等。

資料來源：
http://essentialelements.com.hk/zh/index.php

2015年1月16日：【兒家小息–讓衫夾飛✈】@C&G Happy Kids

C&G Happy Kids

2015年1月16日 · 

【兒家小息–讓衫夾飛✈】
仲計劃緊農曆年假去邊到嘅時候，不如齊齊用衫夾同小朋友DIY架飛機，然後一齊睇地圖同搵資料，再決定去邊到！

材料：雪條棍、木衣夾、木珠、顏料、白膠漿

做法：
1.　將雪條棍、木衣夾及木珠上色
2.　用木衣夾做機身，於最前部份貼上雪條棍及木珠作螺旋槳，於較前部份貼上另外兩支雪條棍作機翼，機尾就貼於尾部，即成

用木飛機飛住先，係咪未出發先興奮？

圖片來源：http://bit.ly/1x2oKLr

資料來源：

https://www.facebook.com/CGHappyKids/photos/a.401432976557591/874840489216835/?type=3&theater

2015年1月15日：肚痛左4日

肚痛又痾，又見羊咩女唔多郁，諗得太多下搞到呢2日失眠。琴日終於打電話BOOK睇醫生，一打完就訓得著，真神奇。

今日約左4點半見醫生，大約5點先見到醫生。
肚痛左4日，不停咁痾，臭臭又唔係靚喎，醫生話係腸炎，跟住既3-4個星期都唔好既話，要再睇多次醫生。
肚痛要暫時戒食奶類＋水果＋油脂高既食物＋凍既食物。（偏偏呢幾日都有食=.=＂）
照過超聲波，見到BB個心跳係咁郁，我都安心啲。
上磅重115磅。
驗尿顯示有糖尿，所以要由飲食著手，要食少D糖同澱粉既食物。

豬公D朋友約左一陣去食糖水，我只係有得睇，無得食。T.T

頭先食過自家烏冬既熱食淨烏冬，好清好清。

2015年1月14日：基底油（Carrier Oils）介紹：甜杏仁油（Almond Sweet Oil）

基底油（Carrier Oils）：甜杏仁油（Almond Sweet Oil）

－由杏仁果核壓榨而得，含豐富維生素A、B1、B2、B6、E、蛋白質、脂肪酸、潤滑性高但非常清爽。

－屬不油膩的基底，可與任何植物油互相調和，因此是最為廣泛使用的基底油。

－適合嬰兒、乾性、皺紋、粉刺及敏感性肌膚使用，它的滋潤、軟化膚質功能良好、適合做全身按摩，也能用作為治療痕癢、紅腫、乾燥和發炎的芳香治療配方使用。

－甜杏仁油帶有微微香氣，呈淡黃色， 屬中性偏厚但不油膩的基礎油。
甜杏仁油與任何植物油可互相調和，是最廣泛使用的基礎油。
它有極好的親膚性，連最嬌嫩的嬰兒也可使用。
它含有高營養素的特質，是很好的滋潤混合油。
適合粉刺、皺紋、乾性及敏感肌膚使用。
它能軟化皮膚，用於調配沐浴油、潤膚液或乳霜等效果都有非常好。
適合用於按摩，亦非常適合治療止癢、紅腫、乾燥和發炎的配方。

－注意：與苦杏仁油不同，因苦杏仁油有毒性，不可使用。

資料來源：
http://essentialelements.com.hk/zh/index.php

2015年1月12日：天氣又凍又濕

今日天氣又凍又濕，我全日都留係屋企到。

今早起身，見天陰陰，就提豬公帶遮返工，之後我食過早餐後，又上床訓過。
大約2點幾起身，食Lunch。

放學ICU做到上星期5，今日開始做Thing Big。

今日Book左2月9日做4D超聲波（懷孕25-28週要做），$1000，包14-16張相＋1隻光碟。
OK喎，又唔貴。
好期待快D到果日，哈哈。

今日豬公比平日早返黎好多，我地一齊睇新電視劇師奶Madam。
哈哈，都幾OK啊。

剛剛睇完巨輪，係時候要訓啦。晚安！！

2015年1月10日：今日既行程好充實

今日既行程好充實，訓醒食左碗（東尼粟米片）＋益力多，之後就急急腳坐MTR出尖沙咀。

今日約左豬公啲朋友仔食Lunch，我地1行5人去左iSQUARE到6樓食上海婆婆。

食飽後，轉戰去左附近間麥記飲野＋傾計。
今日試飲左（小鹿布朗尼熱朱古力），可能自己唔太鍾意朱古力，覺得杯野麻麻地，大約6點半就各自散Lu。

之後坐車去坑口食烚烚下，我親愛既表妹返黎香港啦。

佢係韓國交流左大約5個月，前幾日先回港。

佢帶左唔少食得既手信返黎，好開心啊，又有得食。

我地瘋癲完都11點幾啦，要趕車返屋企。

打好呢篇文章後，好好處理埋D野，就要休息。

2015年1月10日：新1年，新開始。祝大家新年快樂！

新1年，新開始。祝大家新年快樂！

專登開個新戶口，開E個Blog係想分享個人生活，識多啲唔同既人，令自己個圈子大啲，正面啲。

介紹下自己先，我係老虎乸，但唔惡，改呢個名既原因係因為自己既生肖。
我係1名家庭主婦，好多時都係留係屋企執下野，有時又會玩下手工藝。
我個人唔太鍾意講野，可能係因為覺得自己唔係咁識表達，唔想講多錯多，所以俾人既感覺會太靜。
我同豬公結婚2年半，豬公係我最愛既人^3^。
豬公唔懶，佢仲要比隻牛勤力得多，每日只係訓得4、5個鐘。
我幫佢改呢個都係因為佢既生肖，哈哈。
仲有1個要介紹，呢個係我生命中重要既人。
佢係我肚到第158日，女仔黎嫁，因為佢會係羊年出世，所以我會叫佢做羊咩女～咩～。

好啦，講住咁多先。
因為3點啦，係時候要訓，因為聽日行程都幾多下。
訓醒要去郵局拎信－＞（預計）出深水埗買野－＞出尖咀同豬公朋友食下午茶－＞去坑口同屋企人烚烚下－＞返屋企。

晚安！